སྤྱི་ཟླ་10པའི་ཚེས་31ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་མི་དམངས་ཚོགས་ཁང་ཆེན་མོའི་ནང་ཀྲུང་གོར་དངོས་གཞིའི་འཚམས་འདྲིར་ཕེབས་པའི་བྷེལ་ཇམ་གྱི་དབུ་བཞུགས་བློན་ཆེན་སྨི་ཞེར་དང་གྲོས་མོལ་མཛད།

        ལི་ཁེ་ཆང་གིས་ཀྲུང་གོ་དང་བྷེལ་ཇམ་གྱི་འབྲེལ་བ་འཕེལ་རྒྱས་སུ་ཕྱིན་པ་ལེགས་ཤིང་། མཐོ་རིམ་འགྲོ་འོང་མང་བ་དང་ཆབ་སྲིད་ཡིད་ཆེས་རྒྱུན་ཆད་མེད་པར་སྲ་བརྟན་དུ་འགྱུར་བཞིན་འདུག་པར་མ་ཟད། དངོས་དོན་མཉམ་ལས་དང་མི་ཆོས་བརྗེ་རེས་ཀྱི་ཆུ་ཚད་ཉིན་རེ་བཞིན་ཇེ་མཐོར་འགྲོ་བཞིན་འདུག  འབྲེལ་བ་བཙུགས་ནས་ལོ་འཁོར་45འགོར་བའི་འགོ་རྩོམ་ས་གསར་པ་ནས། ཀྲུང་གོའི་ཕྱོགས་ནས་བྷེམ་ཇམ་དང་མཉམ་དུ་ཕན་ཚུན་ལ་བརྩི་བཀུར་དང་འདྲ་མཉམ་གྱི་ལྟ་ཚུལ་བཟུང་ནས་དངོས་དོན་མཉམ་ལས་གཏིང་ཟབ་དང་མི་ཆོས་བརྗེ་རེས་དམ་ཟབ་བྱས་ཏེ་རྒྱལ་ཁབ་གཉིས་ཀྱི་འབྲེལ་བའི་འཕེལ་རྒྱས་ལ་གསོན་ཤུགས་གསར་པ་འདོན་འདོད་ཅེས་བསྟན། 
        སྨི་ཞེར་གྱིས་བྷེལ་ཇམ་དང་ཀྲུང་གོའི་མཐོ་རིམ་འགྲོ་འོང་དམ་ཟབ་ཡིན་པ་དང་ཕྱོགས་གཉིས་ཀྱི་འབྲེལ་བ་འཕེལ་རྒྱས་སུ་ཕྱིན་པ་ཤིན་ཏུ་ལེགས། བྷེལ་ཇམ་ཕྱོགས་ནས་རྒྱལ་ཁབ་གཉིས་ཀྱི་ཆབ་སྲིད་དང་དཔལ་འབྱོར། རིག་གནས་སོགས་ཁྱབ་ཁོངས་ཀྱི་འགྲོ་འོང་དང་མཉམ་ལས་ལ་ཤུགས་སྣོན་བྱས་ཏེ་བྷེལ་ཇམ་དང་ཀྲུང་གོའི་འབྲེལ་བའི་འཕེལ་རྒྱས་ལ་རྒྱུན་ཆད་མེད་པར་སྟོབས་ཤུགས་གསར་པ་འདོན་འདོད་པར་མ་ཟད། བྷེལ་ཇམ་ཕྱོགས་ནས་རང་དབང་བཟོ་ཚོང་རྒྱུན་འཁྱོངས་བྱས་ཏེ་ཕྱོགས་གཉིས་ཀྱི་ཞིང་ཕྱུགས་ལས་རིགས་དང་འཕྲིན་སྦྱོར། དངུལ་རྩའི་འགན་བཅོལ་སོགས་ཁྱབ་ཁོངས་ཀྱི་བཟོ་ཚོང་དང་དངུལ་འཇོག་མཉམ་ལས་ཀྱི་ཁྱབ་ཁོངས་རྒྱ་སྐྱེད་པར་འབད་པ་བྱ་ངེས་ཞེས་བསྟན།།