སྤྱི་ཟླ་11པའི་ཚེས་6ཉིན། 2016ལོའི་ཟླ་11པའི་ཚེས་5ཉིན་ནས་ཚེས་6ཉིན་གྱི་བར་དུ། སྐབས་བཅུ་གཉིས་པའི་འཛམ་གླིང་གི་ཀླུང་ཆུའི་བགྲོ་གླེང་དང་སྐབས་དང་པོའི་ཝུན་ཁྲོན་བགྲོ་གླེང་རྔ་བ་ཁུལ་ཝུན་ཁྲོན་རྫོང་ཆུ་མཆིག་གྲོང་རྡལ་ནས་འཚོགས། ཐེངས་འདུའི་བགྲོ་གླེང་ཚོགས་འདུའི་སྟེང་ཨ་མེ་རི་ཁ་དང་ཁ་ན་ཏ། དབྱིན་ཇི། ཕ་ཁི་སི་ཐན། ཞང་ཀང་སོགས་རྒྱལ་ཁབ་དང་ས་ཁུལ་19ནས་ཕེབས་པའི་ཆེད་མཁས་པའི་འཐུས་མི་དང་། དེ་མིན་རྒྱལ་ནང་གི་སྲིད་གཞུང་སྡེ་ཁག་དང་། སློབ་གསོའི་ལས་རིགས། ཁེ་ལས་བའི་ལས་རིགས། དངུལ་རྩའི་ཁྱབ་ཁོངས་ཁྲོད་ཀྱི་སྐུ་མགྲོན་རྣམས་མཉམ་གཅིག་ཏུ་འཛོམས་ཏེ། སི་ཁྲོན་རྔ་བའི་སྐྱེ་ཁམས་རིག་གནས་མཐོར་འདེགས་སུ་གཏོང་བ་ཞེས་པའི་བརྗོད་གཞི་གཙོ་བོར་དམིགས་ནས། རྒྱལ་ཁབ་ཕྱི་ནང་གི་ཆེད་མཁས་པ་རྣམས་ཀྱིས་རྣམ་དཔྱོད་ཀྱི་རིག་པ་གཅིག་དུ་སྒྲིལ་ཏེ། ཐུན་མོང་གིས་སྐྱེ་ཁམས་རིག་གནས་འཛུགས་སྐྲུན་བྱེད་པར་གྲོས་མོལ་གནང་། །