སྤྱི་ཟླ་11པའི་ཚེས་16ཉིན། ན་གཞོན་གྱི་ལས་བཏོད་ཅེས་པའི་རྒྱལ་ཡོངས་ཀྱི་སྤོ་སྒུལ་མཉམ་སྦྲེལ་དྲྭ་བའི་བགྲོ་གླེང་གྲོས་ཚོགས་ཁྲེན་ཏུའུ་རུ་འཚོགས། སྤོ་སྒུལ་མཉམ་སྦྲེལ་དྲྭ་བའི་ཁྱབ་ཁོངས་ཀྱི་ལས་རིགས་སོ་སོའི་ཆེད་ལས་པ་དང་ཕུལ་བྱུང་ཁེ་ལས་པའི་འཐུས་ཚབ། ན་གཞོན་ལས་བཏོད་པའི་ཚོགས་པ་དང་ཁྲེན་ཏུའུ་ཡི་ན་གཞོན་སློབ་མ་སོགས་མི་500ལྷག་ཐེངས་འདིའི་གྲོས་ཚོགས་ལ་ཞུགས།
གནས་ཚུལ་རྒྱུས་ལོན་བྱུང་བ་ལྟར་ན། ཐེངས་འདིའི་བགྲོ་གླེང་ཚོགས་འདུ་ནི་ན་གཞོན་གྱི་ལས་བཏོད་ཅེས་པའི་རྒྱལ་ཡོངས་ཀྱི་སློབ་ཆེན་སློབ་མའི་ལས་སྐྲུན་འགྲན་སྡུར་བྱེད་པའི་བྱེད་སྒོ་གལ་ཆེན་གཅིག་ཡིན་པ་དང་། ཁྲེན་ཏུའུ་མཐོ་གསར་ཁུལ་གྱི་སྤོ་སྒུལ་མཉམ་སྦྲེལ་དྲྭ་བའི་ལས་རིགས་ཁྲོད་ཀྱི་ཁེ་ལས་པའི་འཐུས་ཚབ་དང་ན་གཞོན་ལས་སྐྲུན་པའི་བར་གཏིང་ཟབ་པའི་སྒོ་ནས་བགྲོ་གླེང་བྱས་པའི་གོ་སྐབས་ཤིག་ཀྱང་ཡིན་པ་རེད།
