སྤྱི་ཟླ་11པའི་ཚེས་16ཉིན། ཝུན་ཁྲོན་རྫོང་གིས་2016ལོའི་ཁང་དབྱང་རྟགས་མའི་སྙན་དབྱངས་དགོང་ལ་གྱེར་ཏེ་བཀའ་དྲིན་སེམས་སུ་འཇགས་ཞེས་པའི་གླུ་གཞས་འགྲན་ཚོགས་ཀྱི་རྟིང་རྩོལ་འགྲན་སྡུར་སྤེལ། འགྲན་རིམ་དང་པོ་དང་གཉིས་པའི་དཔྱད་འདེམས་བརྒྱུད་ནས་ཆེས་མཇུག་མཐའི་རྟིང་རྩོལ་འགྲན་སྡུར་ཁྲོད་སླེབས་པའི་དམངས་གླུ་འགྲན་ཞུགས་པ་དང་དེང་རབས་གླུ་གཞས་ཀྱི་འགྲན་ཞུགས་པ་སོ་སོས་ལྟད་མོ་བ་དག་གིས་མིག་གི་ལོངས་སྤྱོད་དུ་འཁྲབ་སྟོན་གྱ་ནོམ་པ་བྱས།

མཇུག་མཐར། ཡན་མོན་ཡུལ་ཤོག་གིས་བདམས་མངགས་བྱས་པའི་དམངས་གཞས་རྨོ་འདེབས་ཀྱི་གླུ་ཞེས་པ་དང་། དམིགས་བསལ་སློབ་གསོ་སློབ་གྲྭས་བདམས་མངགས་བྱས་པའི་དེང་རབས་གླུ་གཞས་དུས་ཚོད་གང་ལ་བུད་སོང་ཞེས་པ་གཉིས་ཀྱིས་འགྲན་སྡུར་གྱི་ཨང་དང་པོ་བླངས། །