སྤྱི་ཟླ་11པའི་ཚེས་18ཉིན། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་རྒྱལ་ཡོངས་ཀྱི་བུད་མེད་དང་བྱིས་པའི་ལས་ཀའི་གྲོས་ཚོགས་ལ་ཞུགས་པར་མ་ཟད་གསུང་བཤད་གནང་།

        ལི་ཁེ་ཆང་གིས་བུད་མེད་ལ་བརྩི་འཇོག་དང་བྱིས་པར་སྲུང་སྐྱོབ་བྱ་རྒྱུ་ནི་སྤྱི་ཚོགས་དཔལ་ཡོན་ཡར་ཐོན་ཡོང་བའི་མཚོན་རྟགས་གཙོ་བོ་ཞིག་ཡིན་དང་།  ཏང་དང་སྲིད་གཞུང་གིས་བུད་མེད་དང་བྱིས་པའི་ལས་ཀར་ཧ་ཅང་མཐོང་ཆེན་བྱེད་བཞིན་ཡོད། ཀྲུང་གོ་གསར་པ་དབུ་བརྙེས་རྗེས་དང་ལྷག་པར་དུ་བཅོས་སྒྱུར་སྒོ་འབྱེད་བྱས་པའི་ཚུན་ལ། བུད་མེད་དང་བྱིས་པའི་འཕེལ་རྒྱས་རྩ་གནད་ཐེངས་གསུམ་ལ་གཏན་འཁེལ་དང་ལག་བསྟར་བྱས་ཏེ་ཤུགས་ཆེན་པོས་བུད་མེད་དང་བྱིས་པའི་ལས་དོན་དང་དཔལ་འབྱོར་སྤྱི་ཚོགས་ཀྱི་མཐུན་སྦྱོར་འཕེལ་རྒྱས་ལ་སྐུལ་འདེད་བཏང་། ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་ལ། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བུད་མེད་དང་བྱིས་པའི་ལས་དོན་གོང་འཕེལ་དུ་གཏང་རྒྱུ་དེ་གོ་གནས་གལ་ཆེན་དུ་བཞག་སྟེ་བུད་མེད་དང་བྱིས་པའི་བདེ་ཐང་ལ་ལེགས་བཅོས་ཆེན་པོ་བྱས་པ་དང་སློབ་གསོ་ཐོབ་པ་དང་སྲུང་སྐྱོབ་ཐོབ་པའི་ཁེ་དབང་ལ་ནུས་ལྡན་འགན་སྲུང་བྱས་པར་མ་ཟད། ཁྲིམས་ལུགས་ཁྲིམས་སྲོལ་གྱི་སྲིད་ཇུས་རྒྱུན་ཆད་མེད་པར་འཐུས་ཚང་དུ་བཏང་སྟེ། བུད་མེད་དང་བྱིས་པའི་བདེ་ཐང་མངོན་གསལ་གྱི་ལེགས་བཅོས་བྱུང་། སློབ་གསོ་མྱོང་བ་དང་སྲུང་སྐྱོང་མྱོང་བའི་ཁེ་དབང་ཕན་ནུས་ལྡན་པའི་སྒོ་ནས་འགན་སྲུང་བྱས། བུད་མེད་དུང་ཕྱུར་མང་པོས་རྒྱལ་ཁབ་ཀྱི་འཕེལ་རྒྱས་ཁྲོད་དུ་འོད་སྟོང་འབར་བའི་གྲུབ་འབྲས་གསར་སྐྲུན་བྱས་ཏེ་བུད་མེད་གནམ་གྱི་ཕྱེད་ཀ་ཡིན་ཞེས་པའི་ཁྱད་ཆོས་མངོན་པ་དང་། དུས་བབ་གསར་པའི་འོག མུ་མཐུད་དུ་ཕོ་མོ་འདྲ་མཉམ་གྱི་གཞི་རྩའི་རྒྱལ་ཇུས་དང་བྱིས་པར་ཐོག་མར་སྲུང་སྐྱོང་བྱེད་པའི་རྩ་དོན་ལག་བསྟར་བྱས་ཏེ་སྔར་ལས་ལེགས་པའི་སྒོ་ནས་བུད་མེད་དང་བྱིས་པ་འཕེལ་རྒྱས་ཁྲོད་དྲང་སྙོམས་མ་ཡིན་པའི་གནད་དོན་ཐག་གཅོད་བྱས་ཏེ་ཆུ་ཚད་མཐོན་པའི་སྒོ་ནས་བུད་མེད་དང་བྱིས་པའི་ལས་དོན་དང་དཔལ་འབྱོར་སྤྱི་ཚོགས་མཐུན་སྦྱོར་གྱི་འཕེལ་རྒྱས་སུ་ཕྱིན་པར་སྐུལ་འདེད་གཏང་དགོས་ཞེས་བསྟན།།