སྤྱི་ཟླ་11པའི་ཚེས་20ཉིན།  2016ལོའི་ཀྲུང་གོ་དང་ཨ་རིའི་ཨ་མེ་རི་ཁའི་ཡུལ་སྐོར་ལོ་ཞེས་པའི་བྱེད་སྒོ་མཇུག་སྒྲིལ་བའི་མཛད་སྒོ་ཨ་རིའི་རྒྱལ་ས་ཝ་ཧྲེང་ཐོན་དུ་སྤེལ།  རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་མཇུག་སྒྲིལ་མཛད་སྒོར་ཤེས་ཚིག་ཕུལ།

        ཞི་ཅིན་ཕིང་གིས་2016ལོའི་ཀྲུང་གོ་དང་ཨ་མེ་རི་ཁའི་ཡུལ་སྐོར་ལོ་ཞེས་པའི་བྱེད་སྒོ་མཇུག་སྒྲིལ་པའི་དུས་ལ།  རང་ཉིད་ཀྲུང་གོའི་སྲིད་གཞུང་དང་ཀྲུང་གོའི་མི་དམངས་ཚབ་བྱེད་ནས་རང་ཉིད་ཀྱིས་མིང་ཐོག་ནས་ཀྲུང་གོ་དང་ཨ་མེ་རི་ཁའི་ཡུལ་སྐོར་ལོ་ཞེས་པའི་བྱེད་སྒོ་རྒྱལ་ཁའི་ངང་ལེགས་གྲུབ་བྱུང་པར་རྟེན་འབྲེལ་ཞུས་པ་དང་།  དུས་ཡུན་རིང་བར་ཀྲུང་གོ་དང་ཨ་མེ་རི་ཁ་བར་གྱི་འབྲེལ་བའི་འཕེལ་རྒྱས་དང་མཛའ་མཐུན་མཉམ་ལས་ལ་འབད་པ་བྱས་པའི་གྲོགས་ཡོངས་ལ་སྙིང་ཐག་པ་ནས་བཀའ་དྲིན་ཆེ་ཞུས་པ་ཡིན་ཞེས་བསྟན།

        ཞི་ཅིན་ཕིང་གིས་ཀྲུང་གོ་དང་ཨ་མེ་རི་ཁའི་ཡུལ་སྐོར་ལོ་ཞེས་པའི་བྱེད་སྒོ་སྤེལ་བ་ནི་ང་དང་སྲིད་འཛིན་ཨོ་པ་མ་གཉིས་ཀྱིས་གཏན་འཁེལ་བྱས་པའི་གཏན་འབེབས་གལ་ཆེ་ཞིག་ཡིན།   དེའི་དམིགས་ཡུལ་གཙོ་བོ་ནི་ཀྲུང་གོ་དང་ཨ་མེ་རི་ཁ་བར་གྱི་རྣམ་པ་གསར་པའི་རྒྱལ་ཁབ་ཆེན་པོ་བར་གྱི་འབྲེལ་བ་འཛུགས་པ་དང་ཕྱོགས་གཉིས་བར་གྱི་མཉམ་ལས།  རྒྱབ་ཁབ་གཉིས་ཀྱི་མི་དམངས་ཀྱི་མཛའ་བརྩེ་ཇེ་ཟབ་ཏུ་གཏོང་བར་སྐུལ་འདེད་གཏང་བ་དེ་ཡིན་ཞེས་བསྟན།།