ཚེས་24ཉིན། རྒྱུད་གཅིག་ལམ་གཅིག་གི་འཛུགས་སྐྲུན་གཅིག་འདུས་དང་རྒྱལ་ཁབ་འཕེལ་རྒྱས་གཏོང་བའི་ཐབས་ཇུས་མཉམ་སྦྱོར་ཞེས་པ་བརྗོད་བྱ་གཙོ་བོ་བྱས་པའི་སྐབས་ཉེར་གསུམ་པའི་ཀྲུང་གོའི་ནུབ་རྒྱུད་ཀྱི་མེན་དབྱང་གིས་རྒྱལ་སྤྱིའི་སྒྲིག་ཆས་བཟོ་སྐྲུན་ལས་རིགས་ཀྱི་དངོས་མང་འགྲེམ་ཚོགས་དང་ཀྲུང་གོའི་ཡོ་རོབ་གླིང་དང་ཨེ་ཤ་ཡའི་རྒྱལ་སྤྱིའི་བཟོ་ལས་དངོས་མང་འགྲེམ་སྟོན་གྲོས་ཚོགས་ཀྱི་འགོ་ཚུགས་མཛད་སྒོ་དེ་མེན་དབྱང་འགྲེམ་སྟོན་ལྟེ་གནས་ནས་སྤེལ། སུའེ་ཙེར་གྱི་ABBདང་ཨ་རིའི་དབྱི་ཏེན། སུའེ་ཙེར་གྱི་ཨོ་ཐི་མེ་སི་དང་། སི་ཁྲོན་གྱི་ཁྲང་ཧོང་སོགས་ནས་ཕེབས་པའི་རྒྱལ་ཁབ་ཕྱི་ནང་གི་སྒྲིག་ཆས་བཟོ་སྐྲུན་གྱི་ཁེ་ལས་མང་པོ་མེན་དབྱང་གི་འགྲེམ་སྟོན་ཐོག་ཏུ་ཞུགས།
ཐེངས་འདུའི་རྒྱལ་སྤྱིའི་སྒྲིག་ཆས་བཟོ་སྐྲུན་ལས་རིགས་ཀྱི་དངོས་མང་འགྲེམ་སྟོན་གྱི་ཚོགས་ཐོག་དུ་གཙོ་བོ་མཐོ་རིམ་གྲངས་འཛིན་འཁོར་སྟེགས་དང་བཟོ་ལས་འཕྲུལ་མི། རྒྱུ་ཆ་གསར་པ་སོགས་ཁྱབ་ཁོངས་ཀྱི་རིམ་པ་མཐོ་ལ་སྒྲིག་བཟོ་བྱས་པ་ཞིབ་པ། ལག་རྩལ་སྒྲིག་ཆས་རྩེ་གྲས་ཅན་བཅས་འགྲེམ་སྟོན་བྱ་རྒྱུ་ཡིན་པ་དང་། འགྲེམ་སྟོན་ཁང་ནང་དུ་དངོས་ཟོག་འགྲེམ་ཁུལ་དང་། རྟོག་བཟོ་དངོས་ཡོད་ཀྱི་ལག་རྩལ་དང་དངོས་ཡོད་ལག་རྩལ་ལ་ཤུགས་སྣོན་བྱེད་པའི་འགྲེམ་ཁུལ། མཐོ་རིམ་སྒྲིག་ཆས་ཀྱི་འགྲེམ་ཁུལ་དང་མེན་དབྱང་ཁེ་ལས་ཀྱི་འགྲེམ་ཁུལ་སོགས་འགྲེམ་སྟོན་ཁུལ་གཙོ་བོ་བཞི་རུ་བགོས་ཡོད་པ་དང་། འགྲེམ་སྟོན་བྱེད་སྐབས་སུ་ཆེད་དོན་ཚོགས་འདུ་དང་གླེང་སྟེགས། རིག་གཞུང་བགྲོ་གླེང་། ལས་རིགས་བགྲོ་གླེང་གྲོས་ཚོགས། ཉོ་སྒྲུབ་འབྲེལ་མཐུད་ཀྱི་གྲོས་ཚོགས་བཅས་འཚོགས་རྒྱུ་རེད།
གནས་ཚུལ་རྒྱུས་ལོན་པ་ལྟར་ན། རང་རྒྱལ་གྱི་རྒྱལ་སྲུང་ཚན་རིག་ལག་རྩལ་གལ་ཆེན་དང་གློག་རྡུལ་བཟོ་ལས་རིགས་ཀྱི་ཐོན་སྐྱེད་གནས་གཞི་དང་སྒྲིག་ཆས་བཟོ་སྐྲུན་གྱི་ཐོན་སྐྱེད་གནས་གཞི་གལ་ཆེན་ཅིག་ཡིན་པའི་ཆ་ནས། མེན་དབྱང་གི་ཐོག་དང་པོར་བཟོ་སྐྲུན་ལས་རིགས་ཀྱི་འགྲེམ་སྟོན་ཚོགས་འདུ་འཚོགས། ཐེངས་འདུའི་འགྲེམ་སྟོན་གྱིས་སྒྲིག་ཆས་བཟོ་སྐྲུན་ལས་རིགས་གཞན་སྒྱུར་རིམ་འཕར་ཡོང་བར་སྐུལ་འདེད་བཏང་ནས། ཐོན་ལས་འཕེལ་རྒྱས་གཏོང་བའི་སྒུལ་ཤུགས་འཕེལ་རྒྱས་སུ་གཏང་བར་ཕན་ནུས་གལ་ཆེན་འདོན་ངེས། དེ་མིན་ཐེངས་འའདིའི་འགྲེམ་ཚོགས་དེ་ཚེས་25ཉིན་ནས་བཟུང་ཚེས་26ཉིན་གྱི་བར་དུ་རྒྱུན་བསྲིང་རྒྱུ་ཡིན་པ་དང་། སྤྱི་དམངས་རྣམས་འགྲེམ་སྟོན་ཐོག་ཕྱིན་སྐབས་སྒོ་འཛིན་ཉོ་མི་དགོས་པར་མ་ཟད། རྩ་འཛུགས་ཨུ་ཡོན་ལྷན་ཁང་གིས་ད་དུང་ལྟད་མོ་བ་རྣམས་ལ་སྤུས་ལེགས་ཀྱི་ལེགས་སྐྱེས་དབུལ་རྒྱུ་རེད།།
