སྤྱི་ཟླ་11པའི་ཚེས་30ཉིན་གྱི་ཕྱི་དྲོར། ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་དང་ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་དཔོན་དབྱི་ལི་གཉིས་ཀྱིས་ཁྲེན་ཏུའུ་ནས་སི་ཁྲོན་ལ་བརྟག་ཞིབ་ཏུ་ཕེབས་པའི་མཚོ་འགག་སྤྱི་ཁྱབ་ལས་ཁུངས་ཀྱི་འགོ་འཛིན་ཡུས་ཀོང་ཀྲུའུ་ལ་མཇལ་འཕྲད་གནང་།
ཝང་ཏུང་མིང་གིས་དུས་ཡུན་རིང་བོར་མཚོ་འགག་སྤྱི་ཁྱབ་ལས་ཁུངས་གིས་རང་རེའི་ཞིང་ཆེན་གྱི་དཔལ་འབྱོར་སྤྱི་ཚོགས་འཕེལ་རྒྱས་དང་ལྷག་པར་དུ་རིགས་སོ་སོའི་ཕྱི་ཕྱོགས་སུ་སྒོ་འབྱེད་པའི་སྟེགས་བུ་འཛུགས་སྐྲུན་བྱེད་པར་རྒྱབ་སྐྱོར་བྱས་པར་མ་ཟད། རང་རེའི་ཞིང་ཆེན་མགྱོགས་མྱུར་ངང་རྒྱུད་གཅིག་ལམ་གཅིག་གི་འཐབ་ཇུས་ཁྲོད་དུ་ཞུགས་པར་སྐུལ་འདེད་ཀྱི་ནུས་པ་ཐོན་ཡོད།དེ་བས་མཚོ་འགག་སྤྱི་ཁྱབ་ལས་ཁུངས་གིས་སྔར་བཞིན་སི་ཁྲོན་ལ་དོ་ཁུར་དང་ཀྲུང་གོའི་སི་ཁྲོན་གྱི་རང་མོས་བཟོ་ཚོང་གི་ཚོད་ལྟའི་ས་ཁུལ་དང་ཕྱོགས་བསྡུས་ཁྲལ་སྲུང་ས་ཁུལ་འཛུགས་སྐྲུན། དེ་མིན་མཚོ་འགག་བརྒལ་བར་སྟབས་བདེ་ཅན་དུ་བསྒྱུར་བ་སོགས་ཀྱི་ཕྱོགས་སུ་གོམ་གང་མདུན་སྤོས་ཀྱིས་མཛུབ་ཁྲིད་དང་རྒྱབ་སྐྱོར་བྱེད་ཤུགས་མཐོ་རུ་བཏང་ནས། ང་ཚོས་མུ་མཐུད་དུ་ཕྱི་ཕྱོགས་སུ་སྒོ་འབྱེད་མཉམ་ལས་བྱེད་པའི་ཆུ་ཚད་མཐོར་འདེགས་སུ་གཏོང་བར་རོགས་རམ་བྱེད་པར་རེ་བ་ཡོད་ཅེས་བསྟན།
ཡུས་ཀོང་ཀྲོའུ་ཡིས་སི་ཁྲོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་མཚོ་འགག་བྱ་བར་རྒྱབ་སྐྱོར་གནང་བར་བཀའ་དྲིན་ཞུས་པ་དང་། ཁོང་གིས་སི་ཁྲོན་གྱི་དཔལ་འབྱོར་སྤྱི་ཚོགས་འཕེལ་རྒྱས་སུ་འགྲོ་བར་འགོ་བརྩམས་པ་ཅུང་ལེགས་ཞིང་། ཕྱི་ཕྱོགས་སུ་སྒོ་འབྱེད་པའི་གོམ་སྟབས་རྒྱ་ཆེ་བ་རེད། མཚོ་འགག་སྤྱི་ཁྱབ་ལས་ཁུངས་ཀྱིས་རྒྱལ་ཁབ་ཀྱི་རྒྱུད་གཅིག་ལམ་གཅིག་གི་ཐབས་ཇུས་ལག་བསྟར་བྱེད་པའི་གོ་སྐབས་གལ་ཆེན་དམ་འཛིན་བྱས་ནས། ཧུར་ཐག་གིས་ཀྲུང་གོའི་སི་ཁྲོན་གྱི་རང་མོས་བཟོ་ཚོང་གི་ཚོད་ལྟའི་ས་ཁུལ་འཛུགས་སྐྲུན་བྱེད་པར་རྒྱབ་སྐྱོར་བྱས་ཏེ། སི་ཁྲོན་གྱིས་ཕྱི་འབྲེལ་བཟོ་ཚོང་འཕེལ་རྒྱས་དང་སྒོ་འབྱེད་མཉམ་ལས་ལ་སྔར་ལས་ལེགས་པོར་རོགས་སྐྱོར་བྱ་རྒྱུ་ཡིན་ཅེས་བསྟན།།
