སྤྱི་ཟླ་12པའི་ཚེས་12ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཀྲུང་གོར་འཚམས་འདྲིར་ཕེབས་པའི་ཐན་ལན་དིའི་ཙུང་ལི་གཞོན་པ་དང་པོ་པ་ཝེ་ལ་མཇལ་འཕྲད་གནང་།
        ལི་ཁེ་ཆང་གིས་ཀྲུང་གོ་དང་ཐན་ལན་དི་ནི་ཁྱིམ་མཚེས་བཟང་པོ་དང་མཉམ་ལས་འཕེལ་རྒྱས་ཀྱི་གྲོགས་པོ་བཟང་པོ་ཡིན་པ་རེད། ཀྲུང་གོའི་ཕྱོགས་ནས་ཐན་ལན་དི་དང་མཉམ་དུ་མཐོ་རིམ་འགྲོ་འོང་ལ་ཤུགས་སྣོན་དང་དངོས་དོན་གཉིས་ཕན་མཉམ་ལས་རྒྱ་སྐྱེད་འདོད་པར་མ་ཟད། མི་ཆོས་དང་འགོག་སྲུང་ལས་དོན། ཁྲིམས་བསྟར་བདེ་འཇགས་བརྗེ་རེས་རྒྱ་སྐྱེད་དེ་ཀྲུང་གོ་དང་ཐན་ལན་དིའི་འབྲེལ་བ་དང་མཉམ་ལས་སྐས་རིམ་གསར་པ་ཞིག་ཏུ་འཕེལ་བར་སྐུལ་འདེད་གཏང་འདོད་ཅེས་བསྟན།
        པ་ཝེ་ཡིས་ཐན་ལན་དིའི་ཕྱོགས་ནས་ཀྲུང་གོ་ཕྱོགས་དང་མཉམ་དུ་མགྱོགས་མྱུར་ངང་ཐན་ལན་དི་དང་ཀྲུང་གོའི་ལྕགས་ལམ་སོགས་མཉམ་སྦྲེལ་མཉམ་མཐུད་ཀྱི་གཙོ་གནད་ལས་གཞིར་སྐུལ་འདེད་བཏང་ནས། གཡུལ་སྐོར་དང་མཉམ་སྦྲེལ་དྲ་བ། ཞིང་ལས། ལག་བསྟར་བདེ་འཇགས་སོགས་ཁྱབ་ཁོངས་ཀྱི་མཉམ་ལས་གཏིང་ཟབ་ཏུ་སྤེལ་འདོད་ཅེས་བསྟན།།