2016ལོའི་ཟླ་12བའི་ཚེས་19ཉིན། ཉིན་གསུམ་གྱི་རིང་ལ་འཚོགས་པའི་སི་ཁྲོན་ཞིང་ཆེན་བོད་རིག་པ་ཞིབ་འཇུག་ལྷན་ཚོགས་ཀྱི་སྐབས་དགུ་པའི་བོད་རིག་པའི་དཔྱད་གྲོས་ཚོགས་འདུ་ནས་ཁྲེན་ཏུའུ་ནས་བདེ་ལེགས་ངང་མཇུག་སྒྲིལ། ལྗོངས་གཞུང་ལྔའི་བོད་ཁུལ་ནས་ཕེབས་པའི་བོད་རིག་པའི་ཆེད་ལས་མཁས་པ་བརྒྱ་ཕྲག་ལྷག ཁྲེན་ཏུའུ་རུ་མཉམ་དུ་འཛོམས་ནས་རིག་གཞུང་གི་དགའ་སྟོན་ལ་ཉམས་སུ་རོལ། གྲོས་ཚོགས་སྔོན་མ་དང་མི་འདྲ་བ་ཞིག་ནི་ཐེངས་འདིའི་གྲོས་ཚོགས་སྟེང་དགུང་ལོ་མཐོ་གྲས་ཀྱི་ཆེད་མཁས་པ་རྒན་པ་སྐོར་ཞིག་ཕེབས་ཡོད་དེ། དགུང་ལོ་92ལ་སླེབས་པའི་མཁས་དབང་མུའུ་ཝུན་ཧྥུ(穆文富)དང་དགུང་ལོ་87ལ་སླེབས་པའི་སྐུ་ཞབས་རྒན་པ་བཙན་ལྷ་ངག་དབང་། དགོང་ལོ་86ལ་སླེབས་པའི་ཚོགས་གཙོ་ཡངས་གླིང་རྡོ་རྗེ་སོགས་བོད་ཀྱི་རིག་གནས་ལ་ཐུགས་བརྩེ་ཟབ་པའི་ཆེད་མཁས་པ་རྒན་དར་གཞོན་གསུམ་ལྷན་དུ་འཛོམས་ནས་རིག་གཞུང་ཉམས་ཞིབ་ཀྱི་གསོལ་སྟོན་ཆེན་པོ་ཞིག་ལ་རོལ་བ་རེད།

ཚོགས་འདུའི་སྟ་གོན་དང་གྲ་སྒྲིག ཚོགས་ཞུགས་མི་སྣ་ལྷན་འཛོམས། 

འགོ་ཁྲིད་ཀྱིས་གསུང་བཤད་གནང་བཞིན་པ། 

དཔྱད་གླེང་བྱེད་བཞིན་པ། 

ཚོགས་ཞུགས་མི་སྣ་ཡོངས་ཀྱི་མཉམ་པར།

              སི་ཁྲོན་ཞིང་ཆེན་སྔོན་གྱི་སྲིད་གྲོས་གཞོན་པ།  སི་ཁྲོན་ཞིང་ཆེན་བོད་རིག་པ་ཞིབ་འཇུག་ལྷན་ཚོགས་ཀྱི་ཚོགས་གཙོ།  སི་ཁྲོན་བོད་རིག་པ་ཞིབ་འཇུག་མགོ་འཛིན་ཡངས་གླིང་རྡོ་རྗེས་ཚོགས་མི་ཡོངས་ལ་འཚམ་འདྲི་ཞུས་ཤིང་། སི་ཁྲོན་སྲིད་གྲོས་ཀྱི་ཀྲུའུ་ཞུ་གཞོན་པ་ནོར་བུ་རྒྱལ་མཚན་དང་སྔོན་གྱི་སི་ཁྲོན་ཞིང་ཆེན་ཞིང་དཔོན་གཞོན་པ་ཧན་པང་ཡན་（韩邦彦）གྱིས་མགོ་ཚུགས་མཛད་སྒོར་གཏམ་བཤད་གནང་། པེ་ཅིང་དང་བོད་ལྗོངས། མཚོ་སྔོན། ཀན་སུའུ། ཡུན་ནན།  སི་ཁྲོན་བཅས་ནས་ཡོང་བའི་བོད་རིག་པའི་ཆེད་མཁས་པ་བརྒྱ་ཕྲག་ལྷག་བགྲོ་གླེང་ཚོགས་འདུར་ཞུགས། སི་ཁྲོན་ཞིང་ཆེན་བོད་རིག་པའི་ལྷན་ཚོགས་དབུ་བརྙེས་ནས་ལོ་ངོ་20རིང་།  བོད་རིག་གྲོས་དཔྱད་ཚོགས་འདུ་ཐེངས་དགུ་ལ་འཚོགས་པ་དང་།  《སི་ཁྲོན་ཞིང་ཆེན་བོད་རིག་པ་ཞིབ་འཇུག་དཔྱད་རྩོམ།》ལེའུ་17དཔེ་སྐྲུན་བྱས་ཤིང་། དེའི་ནང་ལེའུ་3བོད་ཡིག་གི་ལམ་ནས་དཔེ་སྐྲུན་བྱས། སྡོམ་པའི་དཔྱད་རྩོམ་600ལྷག་འགྲེམ་སྤེལ་བྱས་པ་དང་། དཔྱད་རྩོམ་འདི་དག་གིས་སི་ཁྲོན་ཞིང་ཆེན་བོད་རིག་པ་ཞིབ་འཇུག་གི་གྲུབ་འབྲས་གལ་ཆེན་མངོན་ཡོད།   ཐེངས་འདིའི་གྲོས་འཚོགས་ཀྱིས་སྤྱི་ཚོགས་ཀྱི་རྣམ་པ་གསར་པའི་འོག་བོད་རིག་པ་ཞིབ་འཇུག་གི་ལས་ཀ་ཐོག་མཐའ་བར་གསུམ་ནས། ཀྲུང་གོ་རང་བཞིན་ཅན་གྱི་གཞུང་ལུགས་ཁ་ཕྱོགས་དང་།    སྤྱི་ཚོགས་རིང་ལུགས་སྲོག་ཤིང་རིན་ཐང་ལྟ་བས་མཛུབ་ཁྲིད་བྱེད་པ། མཐུན་སྒྲིལ་ཡར་རྒྱས་དང་ཞི་བདེ་བཟོད་སྒོམ་བྱ་བའི་རིག་གཞུང་སེམས་ཁམས་བཅས་རྒྱུན་འཁྱོངས་བྱ་དགོས་པའི་བླང་བྱ་བཏོན།

            ཚོགས་འདུར་ནན་གྱིས་བསྟན་དོན།  སྤྱི་ཁྱབ་ཧྲུའུ་ཅི་ཡི་བཀའ་སློབ་བརྟན་པོར་སེམས་ལ་བཟུང་སྟེ། བློ་སེམས་བརྟན་པོའི་ངང་ནས་མི་རིགས་རིག་གནས་ལ་ཡིད་ཆེས་དང་མི་རིགས་རིག་གནས་ལ་རང་འགུལ་གྱི་བསམ་བློ་བཙུགས་ཏེ། རང་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་དག་ལ་སློབ་སྦྱོང་དང་སྲུང་སྐྱོབ་རྒྱུད་འཛིན་བཅས་བྱ་དགོས། བོད་མི་རིགས་ཀྱི་རིགས་གནས་ནི་ཀྲུང་ཧྭ་མི་རིགས་རིག་གནས་ཀྱི་གྲུབ་ཆ་གལ་ཆེན་ཞིག་ཡིན་པས།  བོད་མི་རིགས་ཀྱི་ཕུལ་བྱུང་རིག་གནས་ལ་སྲུང་སྐྱོབ་དང་རྒྱུད་འཛིན་དར་སྤེལ་བྱེད་པ་ནི།  ཀྲུང་ཧྭ་མི་རིགས་ཀྱི་རིག་གནས་ལ་སྲུང་སྐྱོབ་དང་རྒྱུད་འཛིན་དར་སྤེལ་བྱེད་པ་ཡིན།  འདྲ་མཉམ་དང་བདེ་ཐང་།   གྲུང་ཤ་དོད་པ། དངོས་ཐོག་བདེན་འཚོལ་གྱི་རིག་གཞུང་བྱ་འགུལ་སྤེལ་བར་ཤུགས་སྣོན་བྱས་ཏེ་རིག་གཞུང་གི་མཁའ་དབུགས་དར་འཕེལ་ཡོང་བ་དང་།   བོད་རིག་པ་སྲུང་སྐྱོབ་བྱེད་པ། དེ་དང་ཆབས་ཅིག་ཏུ་གཏིང་ཟབ་ས་ནས་དེ་ཡི་སྤྱི་ཚོགས་འཆམ་མཐུན་དང་། དུས་རབས་མདུན་སྐྱོད།  བདེ་ཐང་དཔལ་ཡོན་གྱི་རིག་གཞུང་ནང་དོན་དག་སྔོགས་འདོན་བྱ་རྒྱུ་དང་། ཕྱོགས་གཞན་ཞིག་ནས་ད་དུང་བོད་ཁུལ་གྱི་གཞི་རྩའི་གནས་ཚུལ་དང་རྒྱལ་ཡོངས་ཀྱི་གནས་ཚུལ་དངོས་ལ་ཞུགས་ནས།  ཧུར་བརྩོན་གྱིས་དངོས་ཡོད་གནད་དོན་གྱི་ཐག་གཅོད་ལ་གཞུང་ལུགས་ཀྱི་མཐུན་རྐྱེན་དང་།  བསམ་བློའི་མཛུབ་ཁྲིད།  ཐག་གཅོད་བྱེད་པའི་ཐབས་ལམ་བཅས་འདོན་དགོས།

 དཔྱད་གླེང་བྱེད་བཞིན་པ། 

        ཉིན་གསུམ་རིང་གི་གྲོས་དཔྱོད་ཚོགས་འདུར་འཐུས་མི་ཚོ་དང་མཉམ་དུ་དཔྱད་རྩོམ་50ཁ་གྲངས་ཅིག་སྤྲད་རྒྱུ་བྱུང་། ཆེད་མཁས་པ་རྣམ་གྱིས་ཚོགས་འདུའི་བརྗོད་སྙིང་དང་དམ་དུ་སྦྲེལ་ནས་གསུང་བཤད་དང་ཚོགས་ཆུང་བགྲོ་གླེང་གནང་།   རིག་གཞུང་ཆེད་མཁས་པ་རྣམས་ཀྱིས་རིག་ཚན་མི་འདྲ་བའི་ལངས་ཕྱོགས་ནས། བོད་རིག་པར་རིག་གཞུང་རིང་བཞིན་གྱི་གྲོས་དཔྱད་བྱས་པ་ནི། གསུང་བཤད་དང་ཚོགས་ཆུང་གྲོས་བསྡུར་ནས་གླེང་སྟེགས་ཀྱི་བརྗོད་སྙིང་གསུང་བཤད་གནང་།

        གྲོས་དཔྱད་ཚོགས་འདུ་བདེ་ལེགས་ངང་མཇུག་སྒྲིལ་བ་དང་། ཚོགས་ཞུགས་མི་སྣའི་ཁྲོད་དུ་ན་རྒས་ཁུར་བོས་ལྗིད་པའི་རྒན་རབས་པ་ཡོད་ལ། རྒྱལ་ཡོངས་རིམ་པའི་གཞུང་ཞབས་པའང་ཡོད། ད་དུང་སྤྱི་ཚོགས་ཐོག་གི་སྔོན་ཐོན་མི་སྣ་དང་སློབ་མ་སོགས་ཀྱང་ཡོད།  

        ལོ་ངོ་20རིང་གི་སི་ཁྲོན་བོད་རིག་པའི་འཕེལ་རྒྱས་ཀྱི་ལམ་བུར་ཕྱིར་བལྟས་ཤིག་བྱས་ཚེ། སི་ཁྲོན་བོད་རིག་པའི་ལྷན་ཚོགས་ཀྱིས་ཐོག་མཐའ་བར་གསུམ་ནས་སྐྱོ་བའི་དུས་ན་ཡིད་མ་སྨུག་ཅིང་སྤྲོ་བའི་དུས་ན་སེམས་མ་དྲགས་བར་ཡང་དག་པའི་ཁ་ཕྱོགས་ལ་བརྟན་པོར་འཇུས།  མིག་སྔར། སི་ཁྲོན་བོད་ཁུལ་གྱི་བྱ་བཞག་སྣ་ཚོགས་བརྟན་ལྷིང་ངང་འཕེལ་རྒྱས་འབྱུང་དང་འབྱུང་བཞིན་པའི་དེ་རིང་། ང་ཚོས་དེར་མི་མཐུད་ཡར་རྒྱས་གོང་འཕེལ་ཡོང་བ་དང་འབྲས་བའི་ཁོ་ལག་རྫོགས་ཏེ།  ཀྲུང་གོའི་བོད་རིག་པའི་ཞིབ་འཇུག་ལ་སྔར་མེད་པའི་གྲུབ་འབྲས་ཅིག་སྦྱིན་པའི་ཡིད་ཆེས་ཡོད།།