སྤྱི་12པའི་ཚེས་20ཉིན། གཡག་རྔ་ནས་དར་མདོའི་བར་གྱི་མྱུར་བགྲོད་གཞུང་ལམ་སྟེ། རྒྱལ་མོའི་རྔུལ་ཆུའི་མཁའ་དབྱིངས་སུ་ལྗིད་ཚད་ཡང་ཞིང་སྤུས་ཀ་བཟང་པའི་ཐག་པ་དང་ལྕགས་སྐུད་ཕྲ་མོས་ཟམ་སྣེ་ཕྱོགས་གཉིས་སུ་སྦྲེལ་ཐུབ་པ་བྱུང་། ཐག་པའམ་ཡང་ན་ལྕགས་སྐུད་ཕྲ་མོ་བརྒྱུད་ནས་ལྗིད་ཚད་ཅུང་ལྕི་བའི་དཔྱངས་ཐག་གིས་ཟམ་སྣེ་ཕྱོགས་གཉིས་སུ་སྦྲེལ་ཐུབ་པ་བྱུང་པ་འདིས་ལས་ཀའི་དཀའ་གནད་ཇེ་ཉུང་དུ་བཏང་བ་མ་ཟད་ལས་ཀའི་ལས་ཆོད་ཀྱང་ཇེ་མཐོར་བཏང་།
ལོ་ངོ་གཉིས་དང་ཟླ་བ་གསུམ་གྱི་དུས་ཡུན་སྤྱད་ནས་ཟམ་པའི་འོག་གི་སྒྲིག་གཞི་ལེགས་གྲུབ་བྱུང་རྗེས་ཟམ་པའི་སྟེང་གི་དཔྱངས་ཐག་ལས་འགོ་ཚུགས་ཤིང་། མི་འགྱང་བར་སྤྱིའི་རིང་ཚད་ལ་སྨི་1100ཡོད་པའི་མཁའ་ལམ་གསར་པ་ཞིག་རྒྱལ་མོ་རྔུལ་ཆུའི་མཁའ་དབྱིངས་སུ་མངོན་ཐུབ་ངེས།
རྒྱུས་ལོན་བྱུང་པ་ལྟར་ན། མྱུར་བགྲོད་གཞུང་ལམ་འདི་ནི་དར་མདོ་གྲོང་གི་ཤར་རྒྱུད་ནས་ལམ་ལ་ཆས་ཏེ་ཨ་ཅག་རི་བོའི་ཕུག་ལམ་དང་ཐན་ཆོན་རྫོང་བརྒྱུད་ལ་རྒྱལ་མོ་རྔུལ་ཆུ་འཕྲེད་ཀྱིས་གཅད་ནས་གཡག་རྔ་གྲོང་ཏུ་སླེབས་ཐུབ། གཞུང་ལམ་འདིའི་རིང་ཚད་ལ་སྤྱི་ལེ་135ཡོད་པ་དང་ཟམ་པ་དང་ཕུག་ལམ་གྱི་བསྡུར་ཚད་ནི་82%ཡིན་ལ་གཞུང་ལམ་བརྒྱུད་ཀྱི་མཚོ་འཕགས་ཀྱི་བར་ཁྱད་ལ་སྨི་1900ལྷག་ཡོད།
