བལྟས་ན་ཉམ་ཆུང་གཡང་དཀར་འདྲ༎
འགྲོགས་ཚེ་རྒོད་པོ་སྤྱང་ཀི་ཚུལ༎
ཆང་རག་དང་ནི་ཐ་མ་ཁ༎
སྤང་བྱར་གྱུར་པ་གཅིག་ཀྱང་མེད༎
མདོ་མེད་བུ་མོ་ཁ་ཤས་ལ༎
སྙིང་གི་གཏིང་ནས་ཞེན་རེ་ལོག།
གོང་གི་དཔོན་ལ་ངོ་དགའ་ཆེ༎
མཉམ་འགྲོགས་རོགས་ལ་ཁ་ཕོ་མཐོ༎
འོག་གི་སློབ་མ་ཟོག་བཞིན་སྐྱོང་༎
འདི་འདྲའི་ཕྱི་ནང་གོ་ལྡོག་ཅན༎
མདོ་མེད་བུ་མོ་ཁ་ཤས་ལ༎
སེམས་ཀྱི་དབུས་ནས་ཤ་རེ་ཚ༎
དོན་མེད་ཁ་རོག་སྡོད་ཆོག་བཞིན༎
ཚོགས་རའི་ནང་དུ་ཁ་རེ་མང་༎
མི་ཁ་ལྕོགས་པ་ཕར་ལ་ཞོག།
དོན་མེད་འཆལ་གཏམ་ཇེ་མང་རེད༎
མདོ་མེད་བུ་མོ་ཁ་ཤས་ནི༎
ཡིད་གྱི་སྟོད་ནས་སྙིང་རེ་རྗེ༎
ཤེས་ཡོན་དམའ་རུང་འདྲིར་སུན་པས༎
སློབ་མར་ཅི་མོས་གང་མོས་སློབ༎
ཤེས་བྱའི་རྒྱུན་འཛིན་བཅོས་མ་སྟེ༎
ཤེས་མདོག་བཟོ་བར་རབ་དགའ་བའི།།
མདོ་མེད་བུ་མོ་ཁ་ཤས་ལ༎
དྲན་བཞིན་དྲན་བཞིན་དགོད་རེ་བྲོ༎
