དཔྱིད་ཚུགས་པ་ནས་བཟུང་། མཚོ་སྔོན་ཞིང་ཆེན་གྱི་ལྷོ་ནུབ་ས་ཁུལ་གྱི་ཡུས་ཧྲུའུ་བོད་རིགས་རང་སྐྱོང་ཁུལ་གྱི་གནམ་གཤིས་ཇེ་དྲོད་སོང་ཡོད། དགུན་ཟླ་རིང་མོར་འཁྱགས་དར་གྱིས་བཀླུབས་པའི་འབྲི་ཆུའི་ཆབ་རོམ་བཞུས་ཏེ་དྭངས་གཙང་གི་ཆུ་བོའི་བཞུར་རྒྱུན་མི་རྣམས་ཀྱི་སྤྱན་སྔར་དུ་བཀྲམས། ས་གནས་མང་ཚོགས་ཀྱིས་འཁྱགས་དར་གྱི་ངོས་སུ་བྱེ་མས་བྲིས་པའི་ངོ་མཚར་བའི་མ་ཎི་ཡང་ཆུ་བོའི་བཞུར་རྒྱུན་དང་བསྡོངས་ནས་རྒྱང་རིང་དུ་བཞུར། ཡུས་ཧྲུའུ་ནི་འབྲི་ཆུའི་འབྱུང་ཡུལ་ཡིན་ཏེ། འབྲི་སྟོད་རྫོང་དང་ཆུ་དམར་ལེབ་རྫོང་། ཁྲི་འདུ་རྫོང་། ཡུས་ཧྲུའུ་གྲོང་ཁྱེར་བཅས་ས་ཁུལ་བཞི་བརྒྱུད་ཡོད། །
