ཉེ་ཆར། རོང་བྲག་རྫོང་མི་དམངས་ཁྲིམས་ཁང་གིས་ཆ་འཕྲིན་ཅན་གྱི་བྱེད་ཐབས་སྤྱད་ནས་དཀར་མཛེས་ཁུལ་འབྲིང་རིམ་མི་དམངས་ཁྲིམས་ཁང་ལ་རོགས་འདེགས་བྱས། རོང་བྲག་རྫོང་གི་ཉེས་ཅན་དོ་དམ་ཁང་དུ་བཟུང་ཡོད་པའི་བཙོན་པ་ག་གེ་མོ་ཞིག་ལ་དྲ་ལམ་ནས་ཁྲིམས་རའི་འདྲི་གཅོད་བྱས།
འདྲི་གཅོད་ཀྱི་གོ་རིམ་ཁྲོད་དུ། དཀར་མཛེས་ཁུལ་འབྲིང་རིམ་མི་དམངས་ཁྲིམས་ཁང་གི་ཉེས་དོན་གྱི་ཁྲིམས་དཔོན་དང་ཧྲུའུ་ཅི་ཨུ་ཡོན། རོང་བྲག་རྫོང་མི་དམངས་ཁྲིམས་ཁང་གིས་འདྲི་གཅོད་ཀྱི་གནས་ཚུལ་བཅས་ཀྱི་བརྙན་འཕྲིན་དུ་འཆར་ནས་ཁྲིམས་དཔོན་དང་ཞུ་གཏུག་མཁན་ཁ་གཏད་གདོང་ཐུག་གིས་གྱོད་དོན་འབྲེལ་བའི་དོན་གནད་ལ་འདྲི་གཅོད་བྱས་པ་རེད།།
ཤེས་རྟོགས་བྱུང་པ་ལྟར་ན། སྔོན་མར་ས་གནས་གཞན་དུ་བཟུང་ཡོད་པའི་བཙོན་པ་ཞིག་ལ་འདྲི་གཅོད་བྱེད་དགོས་དུས། གོང་རིམ་གྱི་མི་དམངས་ཁྲིམས་ཁང་གིས་མི་ཤུགས་དང་དངོས་ཤུགས། རྒྱུ་སྟོབས་དང་དུས་ཚོད་འབོར་ཆེན་གཏོང་དགོས་པ་དང་། ད་ལྟ་ཆ་འཕྲིན་གྱི་རོགས་འདེགས་ལ་བརྟེན་ནས་འདྲི་གཅོད་བྱེད་པར་དུས་ཚོད་ཇེ་ཐུང་དང་འདྲི་གཅོད་ཀྱི་ལས་ཆོད་མཐོ་རུ་གྱུར་བར་མ་ཟད། སྲིད་ཁྲིམས་གྱི་ཐོན་ཁུངས་གྲོན་ཆུང་བཅས་ལ་ཕན་པ་ཆེན་པོ་ལྡན་པ་རེད།།
