སྤྱི་ཟླ་3པའི་ཚེས་20ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་པེ་ཅིང་མི་དམངས་ཚོགས་ཁང་ཆེན་མོའི་ནང་ཨི་ཟི་རེལ་གྱི་ཙུང་ལི་ནེ་ཐ་ཉིས་ཡ་དང་དང་གྲོས་མོལ་མཛད།  
        ལི་ཁེ་ཆང་གིས་ཀྲུང་གོ་དང་ཨི་ཟི་རེལ་བར་འབྲེལ་བ་བཙུགས་ནས་ལོ་ཉེར་ལྔ་ལོན་པའི་རིང་ལ། ཕྱོགས་གཉིས་ཀྱི་འབྲེལ་བ་སྔར་ལས་འཕེལ་རྒྱས་སུ་སོང་བ་དང་ཁྱབ་ཁོངས་སོ་སོའི་མཉམ་ལས་ཐད་ནས་གཡུར་དུ་ཟ་བའི་གྲུབ་འབྲས་ཐོབ། ཀྲུང་གོ་ཕྱོགས་ཀྱིས་ཨི་ཟི་རེལ་ཕྱོགས་དང་མཉམ་དུ་ཆབ་སྲིད་ཡིད་ཆེས་ཇེ་བརྟན་དུ་གཏོང་བ་དང་། གསར་སྐྲུན་མཉམ་ལས་ཀྱི་གྲོགས་པོའི་འབྲེལ་བ་སྔར་ལས་འཕེལ་རྒྱས་སུ་གཏོང་བ། སློབ་གསོ་དང་གནས་སྐོར་སོགས་མི་གཞུང་བརྗེ་རེས་ཇེ་མང་དུ་གཏང་འདོད་པར་མ་ཟད། ཀྲུང་གོ་དང་ཨི་ཟི་རེལ་བར་གྱི་འབྲེལ་བ་སྔར་ལས་འཕེལ་རྒྱས་སུ་འགྲོ་བ་དང་མཉམ་ལས་སྔར་ལས་རྒྱ་བསྐྱེད་པར་སྐུལ་འདེད་བཏང་ནས་རྒྱལ་ཁབ་གཉིས་ཀྱི་མི་དམངས་ལ་བདེ་སྐྱིད་བསྐྲུན་འདོད་ཅེས་བསྟན། 
        ནེ་ཐ་ཉིས་ཡ་ཡིས་ཉེ་བའི་ལོ་འདི་འགའི་རིང་ལ་ཨི་ཟི་རེལ་དང་ཀྲུང་གོའི་འབྲེལ་བ་དང་མཉམ་ལས་སྔར་ལས་འཕེལ་རྒྱས་སུ་འགྲོ་བཞིན་ཡོད། ཨི་ཟི་རེལ་ཕྱོགས་ཀྱིས་ཀྲུང་གོ་ཕྱོགས་དང་མཉམ་དུ་དེང་སྐབས་ཀྱི་འཛམ་གླིང་གི་ཚན་རྩལ་འཕེལ་རྒྱས་ཀྱི་འགྲོ་ཕྱོགས་དང་བསྟུན་ནས་གསར་གཏོད་མཉམ་ལས་ལ་ཤུགས་སྣོན་བྱས་ཏེ་མཉམ་དུ་རྒྱལ་ཁབ་གཉིས་ཀྱི་འབྲེལ་བའི་མ་འོངས་པ་གསར་དུ་བསྐྲུན་འདོད་པར་མ་ཟད། ཨི་ཟི་རེལ་ཕྱོགས་ཀྱིས་རང་ངོས་ཀྱི་ཚན་རྩལ་ལེགས་ཆ་འདོན་སྤེལ་བྱས་ནས་རིག་ནུས་རླངས་འཁོར་དང་དེང་རབས་སྨན་བཅོས། དག་གཙང་ནུས་ཁོངས། འཕྲིན་སྦྱོར། ཉ་ལས། ཞིང་ལས། ཆུ་གྲོན་ཆུང་བྱེད་པ་སོགས་ཀྱི་ཁྱབ་ཁོངས་ཀྱི་མཉམ་ལས་རྒྱ་སྐྱེད་འདོད་ཅེས་བསྟན།