ཉེ་ལམ། གསར་འགོད་པས་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་ནས་རྒྱུས་ལོན་བྱུང་བའི་གནས་ཚུལ་ལྟར་ན། ཉེ་ལམ་འགྲེམ་སྤེལ་བྱས་པའི《སི་ཁྲོན་ཞིང་ཆེན་གྱི་གནད་སྨིན་ལས་ཞུགས་དབུལ་སྐྱོར་གྱི་ལག་བསྟར་ཐབས་ལམ།（2016---2020）》ལྟར་སྤྱི་ལོ་2020ལོར་རང་ཞིང་གི་དབུལ་ཕོངས་ངལ་རྩོལ་ནུས་ཤུགས་དེ་ལས་ཞུགས་ལ་བསྒྱུར་བཀོད་བྱེད་ཚད་50%ལ་འཕར་རྒྱུ་ཡིན་པ་དང་བསྒྱུར་བཀོད་བྱས་པའི་གཞི་རྒྱ་མི་ཁྲི་100བརྒལ་ནས་དབུལ་ཕོངས་ཁྱིམ་ཚང་སོ་སོ་ལས་ཞུགས་བྱེད་ཐུབ་པ་མངོན་འགྱུར་བྱ་རྒྱུ་རེད། 

        རང་ཞིང་གིས་ལོ་རེར་དབུལ་ཕོངས་ངལ་རྩོལ་པའི་ཟབ་སྐྱོང་དགོས་མཁོ་དང་ཐོན་ལས་འཕེལ་རྒྱས། ཁེ་ལས་ཀྱི་ངལ་རྩོལ་པ་བཅས་ཀྱི་དགོས་མཁོ་ལྟར་དངོས་སྤྱོད་རང་བཞིན་གྱི་གསོ་སྐྱོང་ལས་གཞི་གསར་སྤེལ་བྱས། ཟབ་སྐྱོང་བྱེད་འདོད་པའི་དབུལ་ཕོངས་ངལ་རྩོལ་པར་རིན་མེད་ཀྱི་ལས་ཞུགས་གསོ་སྐྱོར་བྱས་པར་མ་ཟད་འོས་མཐུན་གྱི་འཚོ་བ་དང་འགྲིམ་འགྲུལ་གྱི་རོགས་དངུལ་ཡང་བྱིན་པ་རེད། མུ་མཐུད་དུ་རིམ་འཕར་མ་བྱས་པའི་དམའ་འབྲིང་དང་མཐོ་འབྲིང་གི་མཐར་ཕྱིན་སློབ་མ་དག་་ལ་རིན་མེད་ཟབ་སྐྱོང་བྱས་པར་མ་ཟད། རིན་མེད་སྒོས་དབུལ་ཕོངས་ཁྱིམ་ཚང་གི་བུ་དང་བུ་མོ་འབྲིང་རིམ་ལས་རིགས་སློབ་གྲྭར་འགྲིམ་དུ་བཅུག་པ་རེད།།