ཞིང་སྨན་ནི་དུག་ཡོད་པའི་དངོས་རྫས་ཤིག་ཡིན་པས། བེད་སྤྱོད་བྱེད་སྐབས་སྨན་གཏོར་མི་སྣས་ངེས་པར་དུ་འགོག་སྲུང་གི་ཐབས་ཤེས་སྤྱད་ནས་དུག་ཕོག་པའི་ལས་འཛོལ་མི་ཡོང་བར་ནན་འགོག་བྱ་དགོས།
        ༡ སྨན་གཏོར་མི་སྣས་ཁ་རས་རྒྱག་ལ་ཕུ་རུང་རིང་པོའི་གོས་དང་དོར་མ་གྱོན་དགོས་པ་དང་། རླུང་འགོག་མིག་ཤེལ་གྱོན་དགོས།
        ༢ སྨན་གཏོར་མི་སྣས་སྨན་གཏོར་བའམ་བར་དུ་ངལ་གསོ་བྱེད་པའི་དུས་ཚོད་ནང་དུ་བ་འཐེན་མི་ཉན་ལ་ཟས་ཀྱང་བཟའ་མི་ཉན།   ལས་སྒྲུབ་མི་སྣས་ཁ་མིག་སྣ་གསུམ་དང་ཁ་ངོ་བཅས་འཕྱིད་མི་རུང་། ལྷག་པར་དུ་སྨན་ཆུ་གཏོར་ཆས་སོགས་ཀྱིས་ཕན་ཚུན་རྩེད་མོ་རྩེ་རྒྱུ་དེ་བས་བྱེད་མི་རུང་།
        ༣ སྨན་གཏོར་ཚར་རྗེས་ངེས་པར་དུ་དག་རྫས་སམ་བ་ཚྭ་ཅན་གྱི་སྤོས་ཆལ་གྱིས་ལག་པ་དང་ཁ་ངོ་འཁྲུ་བ་དང་།  ཁ་བཤལ་དགོས།  སྨན་གཏོར་སྐབས་གྱོན་པའི་གོས་དེ་ཟས་བཟའ་སྐབས་བརྗེ་དགོས།
        ༤ ཨ་རག་འཐུང་ཡོད་པའི་མིས་སྨན་གཏོར་མི་རུང་།
        ༥ སྨན་གཏོར་མཁན་གྱིས་ཞིང་སྨན་གཏོར་སྐབས་རྒྱུན་མཐུད་དུ་ཆུ་ཚོད་6ལས་བརྒལ་མི་ཉན།
         ༦ སྨན་གཏོར་མཁན་གྱི་མི་ལ་མགོ་ན་བའམ་མགོ་ཡུ་འཁོར་བ།  ཞེན་ལོག་པ།   སྐྱུག་བྲོ་བ་སོགས་ཀྱི་ནད་རྟགས་བྱུང་སྐབས།   དུས་ཐོག་ཏུ་སྨན་གཏོར་མཚམས་བཞག་ནས་སྨན་གཏོར་ས་ནས་བྲལ་ཏེ།    གོས་སོགས་བརྗེ་བ་དང་ངོ་དང་ལག་པ་བཀྲུས་ཏེ་མགྱོགས་མྱུར་དུ་སྨན་ཁང་དུ་སྨན་བཅོས་བྱེད་སར་འགྲོ་དགོས།