སྤྱི་ཟླ་3པའི་ཚེས་2ཉིན། རྒྱལ་ཁབ་ཀྱི་ཐུམ་འབུ་ནད་ཕྱོགས་བསྡུས་འགོག་བཅོས་ལས་ཀའི་འགོ་ཁྲིད་ཚན་ཆུང་གི་ཚོགས་འདུ་པེ་ཅིང་དུ་འཚོགས། ཚོགས་འདུའི་ཐོག་སེར་ཤུལ་རྫོང་གི་ཐུམ་འབུ་ནད་ཕྱོགས་བསྡུས་འགོག་བཅོས་ཀྱི་ཚོད་ལྟ་ལ་འཛིན་དགོས་པ་གཉིས། དོ་དམ་བཞི། མཉམ་འབྲེལ་དྲུག་གི་ཉམས་མྱོང་དང་རིམ་པ་ཁག་གི་ལས་བྱེད་པའི་ཅི་ཐབས་གང་དྲག་གི་སྙིང་སྟོབས་ལ་ཁས་ལེན་གང་ལེགས་བྱས་ཤིང་། སེར་ཤུལ་རྫོང་གི་ལས་ཀ་སོ་སོ་བདེ་བླག་ངང་སྐུལ་འདེད་བཏང་ནས་གྲུབ་འབྲས་མངོན་གསལ་དོད་པོ་ཐོབ་པ་དང་ལེགས་གྲུབ་བྱུང་བའི་ཉམས་མྱོང་ཕྱོགས་བསྡོམས་བྱས་ཏེ་ལས་ཀ་སྒྲུབ་སྟངས་གསར་གཏོད་བྱས། ཀྲུང་དབྱང་གི་འགོ་ཁྲིད་ཀྱིས་རང་ཁུལ་གྱི་ཐུམ་འབུ་ནད་ཕྱོགས་བསྡུས་འགོག་བཅོས་ལས་དོན་ཐད་ཐོབ་པའི་གྲུབ་འབྲས་ལ་ཁས་ལེན་གནང་།

སྨན་བཅོས་མི་སྣས་འབྲོག་དམངས་ཚོར་ཐུམ་འབུའི་ནད་བརྟག་བྱེད་པའི་བྱེད་སྒོ་སྤེལ་བཞིན་པ།

        མིག་སྔའི་བར་དུ། ཁུལ་ཡོངས་སུ་Bཁྲའོ་སྒྲ་འདས་བརྒྱབ་ནས་ནད་བརྟག་བྱས་པའི་མི་ཁྲི་50.14ཡོད་པ་དང་། རིན་པ་མི་དགོས་པར་སྨན་རྫས་ལ་བརྟེན་ནས་སྨན་བཅོས་བྱས་པའི་མི་ཁྲི་1.24དང་བཤགས་བཅོས་བྱས་པའི་མི་803བཅས་ཟིན། ཁུལ་ཡོངས་སུ་སྒོ་ཁྱི་114509ཐོ་འགོད་བྱས་པ་དང་། དགོན་པ་80%ཡན་ཆད་ལ་ཁྲིམས་ལྟར་ཁྱི་གསོ་སྟངས་ཚད་ལྡན་བྱས་ཡོད། ཁུལ་ཡོངས་སུ་འབུ་དེད་པའི་སྒོ་ཁྱི་ཁྲི་10.5ཡོད་པ་དང་། ལུག་ནད་ཐར་སའི་སྨན་ཁབ་བརྒྱབ་པའི་ལུག་ཁྲི་236.23ལ་ཟིན། ཁུལ་ཡོངས་སུ་རིམ་རྩིས་བྱས་ན་ཁྲོན་པ་282བརྐོས་ཡོད་ཅིང་། གཅིག་བསྡུས་ཀྱིས་འཐུང་ཆུ་འདོན་སྤྲོད་བྱེད་ས་18བཟོས་པ་དང་། འཐུང་ཆུ་ལས་གྲྭ་16ལེགས་བཅོས་བྱས་ནས་ཞིང་འབྲོག་མང་ཚོགས་མི་ཁྲི་6.7ལ་ཕན་པ་ཐོབ། བདེ་ཐང་སློབ་གསོ་ཡོངས་སུ་ཁྱབ་པར་བྱས་ནས་བདེ་ཐང་བྱ་སྤྱོད་ཀྱི་གོམས་གཤིས་རིམ་བཞིན་བཟང་པོ་ཆགས་བཞིན་ཡོད་པ་དང་། མི་སྟོང་གི་ཡན་ལག་རུ་ཆུང་བཙུགས་ནས་གྲོང་གསེབ་ནང་བདེ་ཐང་སློབ་གསོ་སྤེལ་ཏེ་ཐུམ་འབུ་ནད་འགོག་བཅོས་བྱེད་སྟངས་ཀྱི་ཤེས་བྱ་འགྲན་བསྡུར་བྱས་པ་དང་། གྲོང་གསེབ་ཏུ་གློག་བརྙན་བསྟན་ནས་ཐུམ་འབུའི་ནད་འགོག་བཅོས་བྱེད་སྟངས་དྲིལ་བསྒྲགས་བྱས་དང་བྱེད་བཞིན་ཡོད། །