སྤྱི་ཟླ་5པའི་ཚེས་31ཉིན། དཀར་མཛེས་རྫོང་གི་གེ་སར་རིག་གནས་མཁར་གྲོང་དང་གྲོང་སྡེ་བརྒྱའི་ཐོན་ལས་རྟེན་གཞི་བཟོ་སྐྲུན་རང་བཞིན་གྱི་ཞིབ་ཕྲའི་འཆར་འགོད་དཔྱད་ཞིབ་ཚོགས་འདུ་ཁྲེན་ཏུའུ་རུ་འཚོགས། ཤེས་རྟོགས་བྱུང་བར་ལྟར་ན། དཀར་མཛེས་གེ་སར་གནམ་ཐང་འཛུགས་སྐྲུན་དང་ཁྲོ་ལའི་ཕུག་ལམ་ཤར་གཏོང་བྱས་པ་བརྒྱུད་ནས། དཀར་མཛེས་རྫོང་ལ་སྔོན་དུ་བྱུང་མ་མྱོང་བའི་འཕེལ་རྒྱས་ཀྱི་གོ་སྐབས་ཐོབ་པ་རེད། ས་གནས་དེ་གའི་སྲིད་གཞུང་གིས་གེ་སར་རིག་གནས་ཀྱི་མཁར་གྲོང་དང་གྲོང་སྡེ་བརྒྱའི་ཐོན་ལས་རྟེན་གཞིའི་འཛུགས་སྐུན་ལས་ཚན་སྤེལ་ཞིང་། ད་ལྟ་《གེ་སར་རིག་གནས་ཀྱི་མཁར་གྲོང་དང་གྲོང་སྡེ་བརྒྱའི་ཐོན་ལས་རྟེན་གཞི་ཞེས་པའི་བཟོ་སྐྲུན་རང་བཞིན་གྱི་ཞིབ་ཕྲའི་འཆར་འགོད་དཔྱད་ཞིབ》དང་《གེ་སར་རིག་གནས་ཀྱི་མཁར་གྲོང་སྟེ་གྲོང་སྡེ་བརྒྱའི་ཐོན་ལས་རྟེན་གཞི་ཞེས་པའི་ཨར་ལས་ཇུས་གཞི་འཆར་འགོད》ཀྱི་སྒྲིག་གཞི་བཀོད་ཟིན།
བོད་ཆའང་དབྱིས་གསུམ་གྱི་རིག་གནས་རྒྱུད་ལམ་གྱི་ལྷུ་ཚིགས་གལ་ཆེན་ཞིག་ཡིན་པའི་དཀར་མཛེས་རྫོང་ནི་ཤམ་བྷ་ལའི་རྒྱལ་སྤྱིའི་ཡུལ་སྐོར་ལྟེ་གནས་སུ་ཆགས་ཤིང་། ཁམས་བྱང་ཡུལ་སྐོར་ས་ཁུལ་གྱི་ལྟེ་གནས་ཡིན་པར་མ་ཟད། ཁམས་པའི་རིག་གནས་སྐྱེ་ཁམས་ཡུལ་སྐོར་ས་ཁུལ་དང་ཁམས་པའི་རིག་གནས་ཡུལ་སྐོར་མུ་ཁྱུད། སི་ཁྲོན་གྱི་གསར་བརྗེའི་ཡུལ་སྐོར་ཁུལ་སོགས་ཀྱི་ས་ཁུལ་གཙོ་ཤོས་ཀྱང་ཡིན། ཁམས་བྱང་ས་ཁུལ་ཡོངས་ཀྱི་ཆེས་ལེགས་པའི་ས་ཁམས་ཆགས་ཡུལ་ཡིན་པས། རི་ཆུ་ཁོར་ཡུག ཁམས་བྱང་ལྟེ་བ་ཞེས་མཚན་སྙན་ཐོབ་ཡོད།
