ཉེ་ལམ་བསྒྲགས་པའི་གནས་ཚུལ་ལྟར་ན། རྔ་བ་ཁུལ་ཡོངས་ཀྱི་གྲོང་ཁྱེར་དང་གྲོང་གསེབ་ཀྱི་དབུལ་ཕོངས་མང་ཚོགས་ཀྱི་འཚོ་བའི་སྤུས་ཀ་དང་འཚོ་བའི་ཆུ་ཚད་ཇེ་མཐོར་གཏང་པའི་ཆེད་དང་ཁུལ་ཡོངས་ཀྱི་གྲོང་གསེབ་ཀྱི་ཆེས་དམའ་བའི་འཚོ་བའི་འགན་སྲུང་གི་ཚད་གཞི་དང་དབུལ་ཕོངས་ཀྱི་ཚད་གཞི་སྟེ་“ཚད་གཞི་གཉིས་མཉམ་སྦྱོར”བྱ་ཆེད། ཉེ་ཆར།  སྐབས་བཅུ་གཉིས་པའི་རྔ་བ་ཁུལ་མི་དམངས་སྲིད་གཞུང་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་5པའི་ཐོག་ཏུ་ཞིབ་འཇུག་བྱས་པ་བརྒྱུད་གྲོས་འཆམ་བྱུང་ཞིང་། 2017ལོའི་ཟླ་བ་1པོའི་ཚེས་1ནས་བཟུང་། ཁུལ་ཡོངས་ཀྱི་གྲོང་ཁྱེར་དང་གྲོང་གསེབ་ཀྱི་ཆེས་དམའ་བའི་འཚོ་བའི་འགན་སྲུང་གི་ཚད་གཞི་ཇེ་མཐོར་བཏང་བ་རེད།  མཐོ་རུ་བཏང་རྗེས་གྲོང་ཁྱེར་གྱི་དམའ་སྲུང་མི་རེར་ཟླ་བ་རེར་སྒོར་460དང་གྲོང་གསེབ་ཀྱི་དམའ་སྲུང་མི་རེར་ཟླ་བ་རེར་སྒོར་275ཡིན་པའི་ཚད་གཞི་གཏན་འབེབས་བྱས་པ་རེད།།