《དྲི་ཟའི་ཁམས་སྐད།》ཞེས་པའི་ལེ་ཚན་སྤེལ་བ་ནས་བཟུང་། སྤྱི་ཚོགས་ལས་རིགས་ཁག་གི་གདེང་འཇོག་ཚད་མཐོན་པོ་ཐོབ། སྔ་རྗེས་སུ་མདོ་འཛིན་པ་དང་རྩོམ་པ་པོ། སློབ་གསོའི་ལས་བྱེད་པ་དང་སློབ་མ་སོགས་ལེ་ཚན་དེའི་དཔེ་ཀློག་བྱེད་སྒོར་ཟབ་ཞུགས་བྱས་པ་རེད།
        ཐེངས་འདིའི《དྲི་ཟའི་ཁམས་སྐད།》ཅེས་པའི་ལེ་ཚན་དཀར་མཛེས་ཁུལ་གྱི་ལས་རིགས་སློབ་གྲྭར་བསྐྱོད་ནས་ཐད་གཏོང་སོགས་ཀྱི་བྱེད་སྒོས་བརྒྱུད་ནས་ལེ་ཚན་ཁྱབ་བསྒྲགས་བྱས་ཤིང་། དཀར་མཛེས་ཁུལ་གྱི་འབྲེལ་ཡོད་ལས་ཁུངས་ཁག་དང་བོད་ཡིག་ཆེད་སྦྱོང་གི་སློབ་མ་600ལྷག་ཐེངས་འདིའི་བྱེད་སྒོར་ཞུགས་པ་རེད། 
        ལོ་འགའི་འཕེལ་རྒྱས་ཀྱི་འོག 《ཁམས་པའི་དྲ་བ། 》《ཁམས་པའི་གསར་འགྱུར་དྲ་བ། 》སོགས་འཕྲིན་སྦྱོར་ཁག་ལ་འཕེལ་རྒྱས་ཆེན་པོ་བྱུང་ཞིང་དམངས་ཀྱི་དགའ་བསུའང་ཐོབ། དེ་ཡང་ཁུལ་ཡོངས་ཀྱི་འཕྲིན་སྦྱོར་གསར་པར་འཕེལ་རྒྱས་ཆེན་པོ་བྱུང་ཡོད་ལ། མང་ཚོགས་ཀྱི་བསམ་བློ་སློབ་གསོ་དང་སྲིད་ཇུས་ཁྱབ་བསྒྲགས་ཐད་ལའང་རྣམ་པ་གསར་པའི་ཁྱབ་བསྒྲགས་བྱེད་སྟངས་ཤིག་གྲུབ་ཡོད་པ་རེད།།