སྤྱི་ཟླ་6པའི་ཚེས་18ཉིན། ཉིན་དགུའི་རིང་དུ་སྤེལ་བའི་སྐབས་དྲུག་པའི་ཀྲུང་གོའི་ཁྲེང་ཏུའུ་མངོན་མིན་ཤུལ་བཞག་རིག་གནས་དུས་ཆེན་བདེ་བླག་ངང་མཇུག་སྒྲིལ། སྐབས་འདིའི་མངོན་མིན་ཤུལ་བཞག་རིག་གནས་དུས་ཆེན་དུ། དཀར་མཛེས་དང་རྔ་བ། བོད་ལྗོངས། མཚོ་སྔོན་སོགས་ས་གནས་སོ་སོའི་བོད་ཁུལ་གྱི་འཐུས་ཚབ་ཚོགས་པས་རང་ས་གནས་ཀྱི་མངོན་མིན་ཤུལ་བཞག་རིག་གནས་ཏེ། གླུ་བྲོ་དང་། རྫ་བཟོ་ལག་རྩལ། བོད་སྤོས་ལག་རྩལ། གེ་སར་རྡོ་རྐོས་ཚོན་བྲིས་སོགས་སྲོལ་རྒྱུན་ལག་རྩལ་རྒྱུད་འཛིན་པ་རྣམས་ཀྱི་དུས་ཆེན་གྱི་ཡུལ་དངོས་སུ་འགྲེམ་སྟོན་བྱས་ནས་ལྟད་མོ་བ་རྣམས་ལ་བག་ཆགས་ཟབ་མོ་བཞག་པ་དང་ཡུལ་སྐོར་པ་རྣམས་ལ་ཕུན་སུམ་ཚོགས་པའི་རིག་གནས་ཀྱི་གསོལ་སྟོན་རྒྱ་ཆེན་པོ་ཞིག་བཤམས་པ་རེད། །