ཁྲི་འདུ་ནི་ཡུལ་ཤུལ་ཁུལ་དུ་མི་འདུས་སྡོད་ཆེས་མང་སའི་ས་ཁུལ་དེ་ཡིན་པ་མ་ཟད། སྲོག་ཆགས་ཆེས་མང་སའི་ས་ཁུལ་ཀྱང་ཡིན། ཉེ་བའི་ལོ་ཤས་རིང་། སྲིད་གཞུང་གི་དྲིལ་བསྒྲགས་སྣེ་ཁྲིད་དང་མང་ཚོགས་ཀྱི་ཁོར་སྲུང་འདུ་ཤེས་མཐོར་འདེགས་སུ་ཕྱིན་པ་དང་བསྟུན་ནས། སྲོག་ཆགས་ཀྱི་གྲངས་ཚད་ཀྱང་འཕར་སྣོན་བྱེད་བཞིན་འདུག ཟླ6པའི་ཚེས15ཉིན། ཀ་མདོ་ཞང་གི་འབྲོག་མི་ཡོན་ཏན་རི་མགོར་སྨན་རྩྭ་བརྐོ་རུ་འགྲོ་དུས་གསའ་ཕྲུག་མཐོང་བ་དང་། དེ་མ་ཐག་རྫོང་ཏང་ཨུའི་སྲིད་གཞུང་གདན་འདྲེན་ཞུས་ནས་ཚན་རིག་པ་ཡིས་བརྟག་དཔྱད་བྱས་དུས། གསའ་ཚང་དེ་ཅུང་དོང་རྒྱུ་མེད་པའི་བྲག་སྐྱིབས་ཤོག་ཏུ་ཡོད་པ་དང་། དེ་ཡི་ཉེ་སར་གནའ་བ100ལྷག་འཚོ་སྡོད་བྱས་འདུག
རི་ཆུ་སྲུང་སྐྱོབ་ལྟེ་གནས་ཀྱི་རྣམ་གྲངས་ཀྲུའུ་རེན་ཀྲོ་ཞང་གིས་ངོ་སྤྲོད་བྱས་པ་ལྟར་ན། གནའ་བ་ཡི་རུལ་མ་ཡིས་དྲོད་འཛིན་པ་མ་ཟད་ས་འོག་གི་བརླན་དང་རིང་དུ་གྱེས་པ་རེད། གནའ་བ་ནི་རི་དྭགས་གསའ་ཡི་ཁ་ཟས་གཙོ་བོ་ཡིན་པ་མ་ཟད། རུལ་མ་ཡིས་གསའ་ཚང་ལ་དྲོད་འཛིན་པ་རེད། གནའ་བ་ཡིས་གསའ་ཡི་འཚོ་སྡོད་ལ་ནུས་པ་གལ་ཆེན་ཐོན་གྱི་ཡོད། ས་ཁུལ་འདི་གསའ་ཡི་སྐྱེ་འཕེལ་ལ་དེ་འདྲའི་འོས་འཚམས་ཤིག་མིན་མོད། འོན་ཀྱང་གསའ་ཡིས་གནས་འདི་འདེམས་འདུག རྒྱུ་མཚན་ནི་ཁྲི་འདུ་རྫོང་འབྲི་ཆུའི་སྟོད་རྒྱུད་ཀྱི་ས་ཁུལ་དག་ནི་གསའ་ཁྱུ་ཚོགས་ཀྱི་རིགས་རྒྱུད་སྤེལ་ས་གཙོ་བོ་ཡིན་འདུག ས་ཁུལ་འདི་དག་ལ་དོ་སྣང་བྱས་ནས་སྔར་ལྷག་པའི་སྒོ་ནས་གསའ་ལ་རྒྱུས་ལོན་བྱེད་དགོས།
ཁྲི་འདུ་རྫོང་གི་དྲིལ་བསྒྲགས་པུའུ་ཡི་པུའུ་ཀྲང་སྲུང་ལྷ་སྒྲོལ་མ་ཡིས་བཤད་རྒྱུར། འབྲི་ཆུའི་སྟོད་བརྒྱུད་ཀྱི་ས་ཁུལ་དུ་འབྲོག་པ་དག་གིས་འཚེར་ས་སྤོར་ནས་འགྲོ་སྐབས་དུས་རྒྱུན་གསའ་ལ་འཕྲད་ཀྱིན་འདུག་པ་དང་། འདྲ་པར་སྟེང་གི་གསའ་ཕྲུག་གིས་ཀྱང་གསའ་མང་པོ་ཡོད་པ་མཚོན་པ་རེད།།
