སྤྱི་ཟླ6པའི་ཚེས28ཉིན། ཞིང་ཆེན་ཏང་ཨུའི་རྒྱུན་ཨུ་དང་སྲིད་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི། ཞིང་ཆེན་སྤྱི་བདེ་ཐིང་གི་འགོ་འཛིན་ཏེང་ཡུང་གིས་ཁྲིམས་རྩོད་པའི་འཐུས་མིའི་ཚོགས་ཆེན་གྱིས་གཙོ་སྐྱོང་གནང་སྟེ། ཞིང་ཆེན་གྱི་ཏང་གི་འཐུས་མི་ཚོགས་ཆེན་ཐེངས་བཅུ་གཅིག་པའི་དགོངས་དོན་ལག་བསྟར་དང་དོན་འཁྱོལ་ཡོང་བ་དང་། ཇི་ལྟར་ཁྲིམས་རྩོད་པའི་ནུས་པ་སྔར་ལས་འདོན་སྤེལ་གང་ལེགས་བྱེད་པ། སྤྱི་ཚོགས་དཔལ་འབྱོར་འཕེལ་རྒྱས་སུ་འགྲོ་བར་ཞབས་ཞུ་སྒྲུབ་པ་དང་། དྲང་བཞག་འདྲ་མཉམ་ཡོང་བར་སྐུལ་འདེད་གཏོང་བ། ཁྲིམས་སྐྱོང་གོ་རིམ་ལྡན་པའི་སྒོ་ནས་སྤེལ་པ་བཅས་ལ་དམིགས་ཏེ་བཞུགས་མོལ་ཚོགས་འདུ་འཚོགས་ནས་ཁྲིམས་རྩོད་པའི་འཐུས་མིའི་བསམ་འཆར་དང་གྲོས་འགོ་ལ་གསན་འཇོག་གནང་བ་རེད།
        གྲོས་ཚོགས་ཐོག་ཏུ། ཁྲིམས་རྩོད་པའི་འཐུས་མི་བརྒྱད་ཀྱིས་གཏམ་བཤད་གནང་། ཁོ་ཚོས་གནས་བབ་གསར་བའི་འོག་ཏུ་སྲིད་ཁྲིམས་བྱ་བ་ལེགས་པོར་བསྒྲུབ་པ་དང་། ཁྲིམས་རྩོད་པའི་ལས་གཉེར་བྱེད་པའི་ཁོར་ཡུག་ལེགས་སྒྱུར་བྱེད་པ། སྤྱི་ཚོགས་བཅོས་སྐྱོང་བྱེད་པའི་ཁྲོད་ཀྱི་ཁྲིམས་རྩོད་པའི་ནུས་པ་འདོན་སྤེལ་གང་ལེགས་བྱེད་པ་སོགས་ལ་དམིགས་ནས་བསམ་འཆར་དང་གྲོས་གཞི་བཏོན་པ་རེད།
        ཚང་མས་གཏམ་བཤད་བྱས་པར་གསན་རྗེས། ཏེང་ཡུང་གིས་ཉེ་བའི་ལོ་འགའི་རིང་ལ་ཞིང་ཆེན་ཡོངས་ཀྱི་རྒྱ་ཆེའི་ཁྲིམས་རྩོད་པ་རྣམས་ཀྱི་ནན་ཏན་གྱིས་འགན་འཁྲི་ལག་བསྟར་དང་། ཆེད་ལས་ཀྱི་ལེགས་ཆ་འདོན་སྤེལ་གང་ལེགས་བྱས་ཏེ། ཁྲིམས་སྐྱོང་སི་ཁྲོན་ལ་སྐུལ་འདེད་དང་། བདེ་འཇགས་གི་སི་ཁྲོན་འཛུགས་སྐྲུན། སྤྱི་ཚོགས་དཔལ་འབྱོར་འཕེལ་རྒྱས་སུ་འགྲོ་བར་ཞབས་ཞུ་བསྒྲུབ་པ་བཅས་ཀྱི་ཆེད་དུ་གཞན་གྱིས་ཚབ་བྱེད་ཐབས་བྲལ་བའི་ནུས་པ་གལ་ཆེན་ཐོན་ཡོད། ཁྲིམས་རྩོད་པ་ནི་སྤྱི་ཚོགས་རིང་ལུགས་ཀྱི་ཁྲིམས་སྐྱོང་འཛུགས་སྐྲུན་བྱེད་པའི་དཔུང་ཁག་གལ་ཆེན་ཅིག་ཡིན་པས། རྒྱ་ཆེའི་ཁྲིམས་རྩོད་པ་རྣམས་ཀྱིས་ཆབ་སྲིད་བཤད་པ་དང་། སྤྱི་ཡོངས་གཙོར་འཛིན་པ། སྒྲིག་ལམ་བརྩི་སྲུང་། རྩ་ཁྲིམས་དང་བཅའ་ཁྲིམས་བརྩི་སྲུང་། དོན་དངོས་ལ་བློ་དཀར་བ། ལས་གཉེར་གྱི་སྒྲིག་ལམ་ནན་སྲུང་བྱེད་པ། གཏམ་སྤྱོད་གཟབ་ནན་བྱེད་པ་རྒྱུན་འཁྱོང་བྱེད་པ་བཅས་ཀྱི་བླང་བྱ་ལྟར། ཁྲིམས་ལྟར་ལས་གཉེར་དྲང་བཞག་ཡོང་བ་དང་། ཧུར་ཐག་གིས་སྤྱི་ཚོགས་རིང་ལུགས་ཀྱི་ཁྲིམས་སྐྱོང་ཁོར་ཡུག་ཅིག་བསྐྲུན་པར་སྐུལ་འདེད་གཏང་དགོས་ཅེས་ནན་གསུངས་གནང་བ་རེད།།