ཡུལ་སྐོར་ལས་རིགས་དེ་སི་ཁྲོན་བོད་ཁུལ་གྱི་དབུལ་སྒྲོལ་སྒུལ་ཤུགས་གསར་པར་གྱུར་ཡོད། འདབ་པའི་ཉི་སྟེང་ནི་དེ་སྔོན་དཀར་མཛེས་བོད་རིགས་རང་སྐྱོང་ཁུལ་འདབ་པ་རྫོང་གི་ཆེས་དབུལ་ཕོངས་ཀྱི་ས་ཁུལ་ཞིག་རེད། ཡུལ་སྐོར་ལས་རིགས་ལོ་རེ་བཞིན་ཇེ་ལེགས་སུ་སོང་བ་དང་བསྟུན་ནས། ལྗོངས་ཁུལ་ཉེ་འདབས་སུ་གནས་པའི་རེ་ཚོན་གྲོང་ཚོ་རིམ་བཞིན་ཕྱུག་པོར་གྱུར་ཡོད། 
        ལོ་24ཡིན་པའི་རེ་ཚོན་གྲོང་ཚོའི་གྲོང་མི་རྡོ་རྗེས། དེ་སྔོན་དབུལ་ཕོངས་ཡིན་པའི་རྐྱེན་གྱིས་ཕྱི་ལོགས་ཀྱི་བུ་མོ་མནའ་མར་ཡོང་འདོད་མེད། ད་ལྟ། ས་གནས་དེ་གའི་འགྲིམ་འགྲུལ་ཇེ་ལེགས་སུ་ཕྱིན་པ་དང་བསྟུན་ནས། ཡུལ་སྐོར་བ་ལོ་རེ་བཞིན་ཇེ་མང་དུ་འགྲོ་བཞིན་འདུག་ཅེས་བཤད་པ་རེད། 
        རྡོ་རྗེས་ལོ་གཅིག་གི་ནང་ཉི་མ་ལྔ་བཅུ་ཡུལ་སྐོར་བ་ཚོར་རྟ་འཁྲིད་བཞིན་ཡོད་པ་དང་། ཡོང་འབབ་སྒོར་ཁྲི་5ཡོད་པ་རེད། ཁོང་ཚོའི་ཁང་པ་ས་གནས་གཞན་ནས་ཡོང་བའི་སྦྱིན་བདག་ཅིག་ལ་གཡར་ཡོད་པར་ལོ་གཅིག་ལ་སྒོར་2འབུམ་གྱི་ཡོང་འབབ་ཟིན་ཡོད། རེ་ཚོན་གྲོང་ཚོའི་གྲོང་མི་ཕྱེས་ཀ་ཙམ་གྱིས་སོ་སོའི་ཁང་པ་ཚོང་པར་གཡར་ཡོད་པ་དང་། ལོ་གཅིག་གི་ཁང་གླ་མཐོ་ཤོས་སྒོར་6འབུམ་ཟིན་བཞིན་ཡོད་པ་རེད། 
        སི་ཁྲོན་བོད་ཁུལ་གྱིས་ནུས་ཤུགས་ཡོད་རྒུས་དབུལ་ཕོངས་གྲོང་ཚོ་ཡོངས་སྐུལ་འདེད་དང་། ས་ཆ་སྟབས་བདེའི་དབུལ་ཕོངས་གནས་སྤོ། གུད་ཚབ་ལས་སྤྲོད་སོགས་ཀྱི་བྱ་ཐབས་དོན་འཁྱོལ་བྱས་ཡོད། 2016ལོར་སི་ཁྲོན་བོད་ཁུལ་གྱིས་བདེ་བླགས་ལྡན་པའི་སྒོ་ནས་དབུལ་ཕོངས་གྲོང་ཚོ་335དང་། དབུལ་ཕོངས་མི་འབོར་5ཁྲི་3སྟོང་9བརྒྱ་དབུལ་སྒྲོལ་མངོན་འགྱུར་ཐུབ་པ་དང་། དབུལ་ཕོངས་འགྱུར་ཚད་2012ལོའི་ལྡབ་19དང་གྲངས་ཆུང་3ནས་ལྡབ་12དང་གྲངས་ཆུང་9བར་མར་ཆག་ཡོད། 
        དངུལ་རྩའི་དབུལ་སྐྱོར་ནི་ཀན་སུའུ་བོད་ཁུལ་འཕེལ་རྒྱས་གཏོང་བའི་གལ་ཆེའི་སྒུལ་ཤུགས་སུ་གྱུར་ཡོད། ཀན་ལྷོ་བོད་རིགས་རང་སྐྱོང་ཁུལ་གྱིས་ཉེ་བའི་ལོའི་ནང་དངུལ་རྩའི་རྒྱབ་སྐྱོར་ཤུགས་ཆེར་བཏང་བ་དང་། སྒྲིག་ཚུད་གྲོང་ཚོ་664ལ་དབུལ་སྐྱོར་མཉམ་རོགས་ཁང་བཙུགས་པ་དང་། དབུལ་སྐྱོར་དངུལ་གྲངས་ཉུང་བའི་ཡིད་རྟོན་དབུལ་བུན་ག་ཚོད་གཡར་ཐུབ་པ་གཡར་གཏོང་བ་དང་། རིམ་རྩིས་བྱས་ན་དབུལ་བུན་སྒོར་དུང་ཕྱུར་54བཏང་ཡོད་པ་རེད། ཁུལ་ཡོངས་ལ་གཞི་རྩའི་ཆ་ནས་ཡུལ་སྐོར་རིག་གནས་ཐོན་ལས་དང་སྐྱེ་ཁམས་ཞིང་འབྲོག་ལས་ཀྱིས་སྣེ་ཁྲིད་བྱས་པའི་རྣམ་པ་མང་བའི་དམངས་ཕྱུག་ཐོན་ལས་དཔུང་མདང་ཤིག་ཤིག་གི་རྣམ་པ་ཞིག་ཆགས་ཡོད་པ་རེད། 
        མིག་སྔར། ཀན་ལྷོའི་དབུལ་སྐྱོར་མཉམ་རོགས་མ་དངུལ་རྣམ་གྲངས་སྒྲིག་ཚུད་གྲོང་ཚོ་ཡོངས་ལ་ཁེབས་པ་དང་། མ་དངུལ་སྤྱིའི་གཞི་ཁྱོན་སྒོར་དུང་ཕྱུར་༢ཙམ་ཟིན་པ། མཉམ་རོགས་ཁང་ནང་ཞུགས་པའི་ཞིང་འབྲོག་ཐེམ་དུད་2ཁྲི་6སྟོང་ཟིན་པ། རིམ་རྩིས་བྱས་ན་དབུལ་བུན་གཏོང་ཚད་སྒོར་དུང་ཕྱུར་1ལས་བརྒལ་ཡོད་པ། དབུལ་ཕོངས་མང་ཚོགས་ཀྱི་མ་དངུལ་མི་འདང་བའི་གནད་དོན་ཐག་གཅོད་ཐུབ་པ་སོགས། ཐོན་ལས་གོང་འཕེལ་ལ་སྐུལ་འདེད་གཏོང་ཆེད་ནུས་པ་གལ་ཆེན་ཐོན་ཡོད་པ་རེད།།