ཟླ་7ཚེས་10ཉིན། ད་ལོའི་དབྱར་རྩྭ་དགུན་འབུ་ཕུན་སུམ་ཚོགས་ལ། ཕྱུགས་རྩྭའང་རབ་ཏུ་རྒྱས་ཤིང་རང་བྱུང་ཁམས་ཀྱིས་མི་རྣམས་ལ་བྱ་དགའ་གྱ་ནོམ་པ་ཞིག་བསྩལ་ཡོད་པ་རེད། བོད་རང་སྐྱོང་ལྗོངས་ཉིང་ཁྲི་གྲོང་ཁྱེར་ཀོང་པོ་རྒྱ་མདའ་རྫོང་ཉང་ཕུ་ཤང་གི་གྲོང་མི་འཇམ་དབྱངས་ཀྱིས་འཆར་ཅན་བཞིན། བོད་ཟླ་ལྔ་པའི་ཚེས་བཅོ་ལྔར་གླང་རུ་དགོན་གྱི་འཆམ་ལ་ལྟ་བར་བསྐྱོད་པ་མ་ཟད་གསོལ་བ་སྨོན་ལམ་ཡང་བཏབ་པ་རེད།

        འཆམ་ནི་བོད་བརྒྱུད་ནང་བསྟན་དགོན་པའི་གཟབ་རྒྱས་ཆེས་ཆེ་བའི་བྱེད་སྒོ་ཞིག་ཡིན་ཞིང་། དེ་ནི་དགེ་འདུན་པས་འཁྲབ་སྟོན་བྱེད་པ་རེད།

        གླང་རུ་དགོན་པ་ནི་ཀོང་པོ་རྒྱ་མདའ་རྫོང་ཉང་ཕུ་ཤང་གི་གླང་རུ་གྲོང་ཚོར་ཡོད་ཅིང་། དེ་གར་རྒྱ་མཚོའི་ངོས་ལས་སྨི་3800ཡོད་པ་དང་། ཉིང་ཁྲི་གྲོང་ཁྱེར་གྱི་དགོན་ཆེན་གཉིས་པ་ཡིན་ཞིང་། བོད་བརྒྱུད་ནང་བསྟན་གྱི་དགེ་ལུགས་པའི་སྲོལ་འབྱེད་མཁན་རྒྱལ་བ་ཙོང་ཁ་པའི་སློབ་མ་སངས་པ་ཆོས་ཀྱི་འཕགས་པས་སྤྱི་ལོ་1440ལོ་ཕྱག་བཏབ་པ་རེད། །