གངས་ལྗོངས་ཉི་གཞོན་དྲ་བའི་འཕྲིན། སྤྱི་ཟླ་8པའི་ཚེས་8ཉིན་གྱི་ཆུ་ཚོད་21དང་སྐར་མ་19སྟེང་སི་ཁྲིན་ཞིང་ཆེན་རྔ་བ་ཁུལ་གཟི་ཚ་སྡེ་དགུ་རྫོང(བྱང་འཕྲེད་ཚད་ཏུའུ་33.20དང་ཤར་གཞུང་ཚད་ཏུའུ་103.82)ལ་ཚད་རིམ་7.0ཅན་གྱི་ས་འགུལ་བྱུང་ཞིང་འགུལ་ཁུངས་ཀྱི་ཟབ་ཚད་ལ་སྤྱི་ལེ་20ཡོད་པ་རེད། ས་འགུལ་བྱུང་རྗེས་ཞིང་ཆེན་ཏང་ཨུའི་ཧྲུའུ་ཅི་ཝང་ཏུང་མིང་གིས་དུས་ཐོག་ཏུ་མཛུབ་སྟོན་གནང་དོན། མགྱོགས་མྱུར་སྒོས་མཁོ་བསྟུན་མྱུར་སྐྱོབ་བྱེད་པ་དང་ཞིང་ཆེན་ཏང་ཨུ་དང་ཞིང་ཆེན་མི་དམངས་སྲིད་གཞུང་གིས་ལས་ཀའི་ཚན་ཆུང་ཡུལ་དངོས་སུ་མངགས་ནས་གནོད་སེལ་ལས་ཀར་མཛུབ་སྟོན་བྱེད་པ་དང་། ཐོག་མར་ཤུགས་ཆེན་པོས་མྱུར་སྐྱོབ་རོགས་འདེགས་བྱས་ཏེ་ཐབས་བརྒྱ་ཇུས་སྟོང་གིས་མི་སྣའི་ཤི་རྨས་ཇེ་ཉུང་དུ་གཏང་དགོས་པར་མ་ཟད། མགྱོགས་མྱུར་སྒོས་མང་ཚོགས་དང་ཡུལ་སྐོར་བ་བདེ་འགོད་བྱེད་པ་དང་། མགྱོགས་མྱུར་སྒོས་གནས་ཚུལ་ལ་རྒྱུས་ལོན་བྱས་ཏེ་གནོད་འཚེ་ཡང་བསྐྱར་འབྱུང་བར་སྔོན་འགོག་བྱ་དགོས་ཞེས་བསྟན།།