བོད་ཀྱི་འཇིམ་བཟོའི་ལག་རྩལ་ནི་སྤྱི་ལོའི་གོང་གི་ལོ་ཉིས་བརྒྱ་ལྷག་གི་སྔོན་དར་ཡོད། དཔེར་ན། རྒྱལ་པོ་གཉའ་ཁྲི་བཙན་པོའི་དུས་སུ་ཤེས་པ་ཅན་བཅུ་གཉིས་ཀྱི་ནང་ཚན་ལྡིང་ཤེས་ཤ་བ་ཟེར་བ་དེས་འཇིམ་པ་ལ་མི་དང་སྲོག་ཆགས་སྣ་ཚོགས་ཀྱི་གཟུགས་འགྲོས་བྱེད་ཤེས་པ་ལོ་རྒྱུས་ཁག་གི་ནང་གསལ་ཞིང་། རྒྱལ་པོ་སྲོང་བཙན་སྒམ་པོའི་དུས་སུ་འཇིམ་བཟོའི་ལྷ་སྐུ་མང་ཆེ་བ་བལ་བོའི་བཟོ་པས་བཞེངས་དགོས་བྱུང་བ་ནི་སྐབས་དེའི་བོད་མི་རིགས་ཀྱིས་སྤྱིར་བཏང་གི་མི་དང་སྲོག་ཆགས་ཀྱི་གཟུགས་འགྲོས་བཟོ་ཤེས་ཀྱང་། སངས་རྒྱས་ཆོས་ལུགས་ཀྱི་ལྷ་སྐུའི་རིགས་མཐོང་མ་མྱོང་བའི་དབང་གིས་དེ་འདྲ་བྱེད་དགོས་བྱུང་བ་མ་གཏོགས་བོད་མིས་འཇིམ་བཟོ་བྱེད་མ་ཤེས་པ་གཏན་ནས་མིན།
