ཟླ་8པའི་ཚེས་15ཉིན་གྱི་སྔ་དྲོའི་དུས་ཚོད་10ཐོག ཉེན་བརྡའི་དུང་སྒྲ་དང་རླངས་འཁོར་གྱི་དུང་སྒྲ་རེ་རེ་གཟི་རྩ་སྡེ་དགུ་རྫོང་མཁར་གྱི་གཞིས་གསར་རིག་གནས་ཐང་ཆེན་གྱི་བར་སྣང་དུ་བར་མེད་དུ་གྲགས་ཤིང་། ལས་བྱེད་མང་ཚོགས་སྟོང་ལྷག་དང་བཅིངས་འགྲོལ་དམག དྲག་དཔུང་ཉེན་རྟོག་གི་དཔོན་དམག་བཅས་ཀྱིས་རྐྱེན་ལམ་དུ་ཤོར་བའི་སྤུན་ཟླ་རྣམས་ལ་མྱ་ངན་ཞུ་བའི་བྱེད་སྒོ་སྤེལ་ནས། ཡིད་སེམས་སྐྱོ་གདུང་དྲག་པོའི་ངང་རྐྱེན་ལམ་དུ་ཤོར་བའི་སྤུན་ཟླ་རྣམས་ལ་མྱ་ངན་ཞུས་པ་རེད།།
