དགོན་པའི་གར་འཆམ་། ཝང་ཏཱ་ཅིན་གྱིས་པར་བླངས།
ཆོས་དད་རང་མོས་ཀྱི་སྲིད་ཇུས་ལག་ལེན་ཆ་ཚང་ཡང་དག་བསྟར་བ་དང་། རྒྱལ་ཁབ་ཀྱིས་ཁྲིམས་ལྟར་ཆོས་ལུགས་ལས་དོན་ལ་དོ་དམ་བྱེད་པ། རང་ཚུགས་རང་བདག་རང་གཉེར་བཅས་ཀྱི་རྩ་དོན་རྒྱུན་འཁྱོངས་བྱེད་པ། ཆོས་ཕྱོགས་ཀྱི་རྒྱལ་གཅེས་འཐབ་ཕྱོགས་གཅིག་གྱུར་སྲ་བརྟན་དང་འཕེལ་རྒྱས་གཏོང་བ་བཅས་ཀྱི་དམིགས་ཡུལ་ཚང་མ་ཆོས་ལུགས་ལ་ཁྲིད་སྟོན་ཧུར་ཐག་བྱས་ནས་སྤྱི་ཚོགས་རིང་ལུགས་སྤྱི་ཚོགས་དང་འཚམ་མཐུན་ཡོང་བ་བྱ་རྒྱུ་དེ་རེད།
གྲྭ་བ་རྣམས་ཀྱིས་ཆོས་སྦྱོང་བཞིན་པ། ཝང་ཏཱ་ཅིན་གྱིས་པར་བླངས།
ཆོས་ལུགས་ལ་ཁྲིད་སྟོན་ཧུར་ཐག་བྱས་ནས་སྤྱི་ཚོགས་རིང་ལུགས་སྤྱི་ཚོགས་དང་འཚམ་མཐུན་ཡོང་བ་བྱེད་པ་ཞེས་པའི་ཆོད་གཏམ་ནི་བསྒྱུར་བཅོས་སྒོ་འབྱེད་བྱས་ཚུན་ཀྲུང་གོ་གུང་ཁྲན་ཏང་གིས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བྱ་གཞག་འཕེལ་རྒྱས་གཏོང་བའི་ནང་ཀྲུང་གོ་གསར་པ་དབུ་བརྙེས་རྗེས་ཀྱི་སྤྱི་ཚོགས་རིང་ལུགས་དུས་སྐབས་སུ་ཆོས་ལུགས་གནད་དོན་ཐག་གཅོད་བྱས་པའི་དྲང་ཕྱོགས་དང་ལྡོག་ཕྱོགས་གཉིས་ཀྱི་ལོ་རྒྱུས་ཉམས་མྱོང་ཕྱོགས་ཡོངས་དང་ཆ་ལག་ཚང་བའི་ངང་ནས་ཕྱོགས་བསྡོམས་བྱས་པ་དང་ཕྱི་རྒྱལ་གྱི་ཉམས་མྱོང་དང་བསླབ་བྱ་དཔྱད་གཞིར་བཟུང་བའི་རྨང་གཞིའི་ཐོག་བཏོན་པ་ཞིག་ཡིན་ཞིང་། དེས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་སྤྱི་ཚོགས་རིང་ལུགས་སྤྱི་ཚོགས་ནང་གནས་པའི་ཆོས་ལུགས་བར་གྱི་ཡང་དག་པའི་འབྲེལ་བ་ཚན་རིག་དང་མཐུན་པའི་སྒོ་ནས་གསལ་སྟོན་བྱས་ཡོད། དེ་ནི་ཏང་དང་རྒྱལ་ཁབ་ཀྱིས་སྤྱི་ཚོགས་རིང་ལུགས་དུས་སྐབས་ཀྱི་ཆོས་ལུགས་གནད་དོན་ཐག་གཅོད་བྱེད་པའི་རྩ་དོན་ཆེན་པོ་དང་ཁ་ཕྱོགས་ཆེན་པོ་ཞིག་རེད།
བསྒྱུར་བཅོས་སྒོ་འབྱེད་བྱས་ཚུན་སྤྱི་ཚོགས་རིང་ལུགས་དང་ཆོས་ལུགས་དབར་གྱི་འབྲེལ་བའི་སྐོར་ལ་ཏང་དང་སྲིད་གཞུང་དང་། རིག་གཞུང་ལས་རིགས། ཆོས་ཕྱོགས་བཅས་ཀྱིས་ལོ་བཅུ་ལྷག་ཙམ་བགྲོ་གླེང་བྱས་པའི་རྨང་གཞིའི་ཐོག་ཏང་དང་རྒྱལ་ཁབ་ཀྱིས་ཇི་ལྟར་བྱས་ཏེ་རང་རྒྱལ་གྱི་ད་ལྟའི་དུས་མཚམས་ཀྱི་ཆོས་ལུགས་གནད་དོན་ཐག་གཅོད་ཡག་པོ་བྱ་རྒྱུའི་ཐད་ཏང་གི་ཆོས་དད་རང་མོས་སྲིད་ཇུས་ཕྱོགས་ཡོངས་དང་ཡང་དག་པའི་སྒོ་ནས་ལག་བསྟར་དོན་འཁྱོལ་བྱེད་པ་དང་། ཁྲིམས་ལྟར་ཆོས་ལུགས་ལས་དོན་ལ་དོ་དམ་བྱ་རྒྱུར་ཤུགས་སྣོན་རྒྱག་པ། ཆོས་ལུགས་ལ་ཁྲིད་སྟོན་ཧུར་ཐག་བྱས་ནས་སྤྱི་ཚོགས་རིང་ལུགས་སྤྱི་ཚོགས་དང་འཚམ་མཐུན་ཡོང་བ་བྱེད་པ། རང་ཚུགས་དང་། རང་བདག་རང་གཉེར་བཅས་ཀྱི་རྩ་དོན་རྒྱུན་འཁྱོངས་བྱེད་པ་བཅས་ལ་ཤིན་ཏུ་ཚགས་དམ་པའི་རིགས་གཞུང་གི་ཕྱོགས་བསྡོམས་ཐོག་ནས་ཆོས་ལུགས་དང་སྤྱི་ཚོགས་རིང་ལུགས་སྤྱི་ཚོགས་འཚམ་མཐུན་ཡོང་རྒྱུར་སྐུལ་ཁྲིད་ཧུར་ཐག་བྱེད་པའི་ཆོད་གཏམ་དངོས་སུ་བཏོན་ཏེ་ཆོས་ལུགས་སྤྱི་ཚོགས་རིང་ལུགས་དང་སྤྱི་ཚོགས་འཚམ་མཐུན་ཡོང་རྒྱུར་སྐུལ་ཁྲིད་བྱེད་པ་དེ་འཐབ་ཇུས་ཀྱི་དམིགས་ཚད་ཅིག་ལ་བརྩིས་ནས་གཏན་འཁེལ་བྱས་ཡོད།
བཅའ་ཁྲིམས་དྲིལ་བསྒྲགས།
འཚམ་མཐུན་ཡོང་བ་བྱེད་པ་ཞེས་པའི་གོ་དོན་ནི་བྱ་དངོས་ཤིག་ཕྱི་རོལ་ཡུལ་གྱི་ཆ་རྐྱེན་ག་གེ་མོ་ཞིག་འཕེལ་རྒྱས་འགྲོ་བའི་དགོས་མཁོ་དང་འཚམ་པའམ་ཡང་ན་མཐུན་དགོས་པར་ཟེར། ཆོས་ལུགས་དེ་སྤྱི་ཚོགས་རིང་ལུགས་སྤྱི་ཚོགས་དང་འཚམ་མཐུན་ཡོང་བ་བྱེད་པ་ཞེས་པ་ནི་གཙོ་བོ་ཆོས་ལུགས་དེ་སྤྱི་ཚོགས་རིང་ལུགས་སྤྱི་ཚོགས་ཀྱི་དགོས་མཁོ་དང་འཚམ་པའམ་མཐུན་དགོས་པར་ཟེར། འཚམ་མཐུན་ཡོང་བ་བྱེད་པ་ཡི་ནང་ཆོས་ལུགས་དང་སྤྱི་ཚོགས་རིང་ལུགས་སྤྱི་ཚོགས་ཕྱོགས་གཉིས་ཐད་ཀྱི་ཕན་ཚུན་འབྲེལ་བ་ཚུད་པ་གླེང་མེད་ཡིན་མོད། འོན་ཀྱང་དེ་ལ་གཙོ་ཕལ་གྱི་དབྱེ་བ་ཡོད་ཅིང་། གཙོ་བོ་ཆོས་ལུགས་རང་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་པ་བྱ་དགོས་པ་དེར་ཟེར།འཚམ་མཐུན་ཡོང་བ་བྱེད་པ་ལ་ད་དུང་མཐོ་དམན་དང་བང་རིམ་གྱི་དབྱེ་བ་ཡོད་ཅིང་། གཞི་རྩའི་བླང་བྱ་ནི་ཆོས་ཕྱོགས་དང་ཆོས་དད་མང་ཚོགས་ཀྱིས་རྒྱལ་གཅེས་ཁྲིམས་སྲུང་དང་ཆོས་ལུགས་བྱེད་སྒོ་དེ་རྒྱལ་ཁབ་ཀྱི་ཁྲིམས་ལུགས་དང་ཁྲིམས་སྲོལ། སྲིད་ཇུས་བཅས་ཀྱི་བྱེད་ཆོག་པའི་ཁྱབ་ཁོངས་ནང་སྤེལ་དགོས་པ་རེད། རིམ་པ་མཐོ་བའི་བླང་བྱ་ནི་ཆོས་ཕྱོགས་ཀྱི་རང་རྟོགས་ཆེ་ཙམ་གྱིས་སྒོ་ནས་སྤྱི་ཚོགས་འཕེལ་རྒྱས་འགྲོ་ཚུལ་ལ་གཞིགས་ནས་རང་ཉིད་སྙོམས་སྒྲིག་བྱས་ཏེ་རང་ཉིད་འཕེལ་རྒྱས་དང་ཡར་རྒྱས་ཡོང་བ་བྱ་རྒྱུ་དེ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་བྱ་གཞག་གི་དམིགས་ཚད་ཆེན་པོ་དང་གཅིག་གྱུར་ཡོང་བ་བྱ་དགོས་པ་དང་། རང་རྟོགས་ཀྱིས་སྒོ་ནས་རྒྱལ་ཁབ་དང་ཀྲུང་ཧྭ་མི་རིགས་ཀྱི་ཁེ་ཕན་ཆེ་ཤོས་ལ་བརྩི་བཀུར་བྱ་དགོས་པ་དེ་རེད།
དགོན་པའི་དམངས་གཙོའི་འདེམས་བསྐོ།
འཚམ་མཐུན་ཡོང་བ་བྱེད་པ་དེ་ཆབ་སྲིད་དང་ཁྲིམས་ལུགས་ཀྱི་རྨང་གཞིའི་ཐོག་འཛུགས་དགོས་པ་ཞིག་རེད། ཏང་དང་རྒྱལ་ཁབ་ཀྱིས་ཆོས་ལུགས་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བ་བྱ་དགོས་ཞེས་ནན་བཤད་ཡང་ཡང་བྱེད་པ་དེ་བསྟན་པའི་རྗེས་འཇུག་པ་རྣམས་ཀྱི་དད་པ་འདོར་རྒྱུའི་བླང་བྱ་བཏོན་པ་ཞིག་མ་ཡིན་པར་ཁོང་ཚོ་མེས་རྒྱལ་ལ་དགའ་ཞེན་དང་། བརྩི་བཀུར། རྒྱལ་ཁབ་ཀྱི་ཁྲིམས་ལུགས་དང་། ཁྲིམས་སྲོལ་དང་འཚམ་པ་བྱ་རྒྱུ་བཅས་ཀྱི་རེ་བ་བཏོན་པ་ཞིག་རེད།འཚམ་མཐུན་ཡོང་བ་བྱེད་པ་ནི་ཁྱོན་ཡོངས་ནས་ཡིན་ཞིང་དེའི་ནང་དཔལ་འབྱོར་དང་། ཆབ་སྲིད། བསམ་བློ་རིག་གནས་བཅས་ཚུད་ཡོད་ལ་ཇི་ལྟར་བྱས་ཏེ་ཆོས་ལུགས་ཀྱི་བསྟན་བཅོས་བསྔོག་སྤེལ་དང་ལྷག་པར་དུ་ཆོས་ལུགས་སྤྱོད་ལམ་ནང་གི་ཕན་ཡོད་རྒྱུ་རྐྱེན་རྣམས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བ་བྱ་རྒྱུའང་ཚུད་ཡོད།
དགོན་པའི་གྲྭ་བཙུན་རྣམས་ལ་མེ་གསོད་ཤེས་བྱ་གསོ་སྦྱོང་བྱེད་བཞིན་པ།
འཚམ་མཐུན་བྱེད་པ་ནི་ཟམ་མི་ཆད་པར་འགལ་བ་ཐག་གཅོད་བྱེད་པའི་བརྒྱུད་རིམ་ཞིག་རེད། ཆོས་ལུགས་དེ་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བ་བྱེད་པ་ནི་རང་རྒྱལ་གྱི་ད་ལྟའི་དུས་སྐབས་ཀྱི་ཆོས་ལུགས་གནད་དོན་ཐག་གཅོད་ཡག་པོ་བྱེད་པའི་དམིགས་ཡུལ་ཡིན་པ་དང་། དམིགས་ཡུལ་དེ་སྒྲུབ་པའི་བརྒྱུད་རིམ་ནི་འགལ་བ་ཟམ་མི་ཆད་པར་ཐག་གཅོད་བྱེད་པའི་བརྒྱུད་རིམ་ཞིག་རེད། རང་རྒྱལ་གྱི་ཆོས་ལུགས་སྣ་ཚོགས་ཀྱིས་ཀྲུང་གོ་གསར་པའི་ལོ་60ལྷག་ཙམ་གྱི་ཀྱག་ཀྱོག་ལམ་བུ་བརྒྱུད་མྱོང་བ་དང་འཚམ་མཐུན་ཐུབ་ཡོང་བ་བྱས་ཡོད། རྒྱ་ཆེའི་དད་ལྡན་མང་ཚོགས་དང་ཆོས་ཕྱོགས་ཀྱི་མི་སྣ་ཕལ་མོ་ཆེས་སྤྱི་ཚོགས་རིང་ལུགས་ཀྱི་དཔལ་ཡོན་གཉིས་དར་བར་བྱེད་པའི་ནང་ཕན་ཡོད་ཀྱི་ནུས་པ་འདོན་སྤེལ་བྱེད་པའི་སྟོབས་ཤུགས་གལ་ཆེན་ཞིག་ཏུ་གྱུར་ཡོད། གཞི་རྩ་དེ་ཁས་ལེན་གང་ལེགས་བྱེད་པའི་སྔོན་འགྲོའི་ཆ་རྐྱེན་འོག་ཆོས་ལུགས་ཐད་ད་དུང་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་མི་ཐུབ་པའི་ཆའང་གནས་པ་ང་ཚོས་མཐོང་ཐུབ་པ་བྱ་དགོས། ཆོས་ལུགས་ལ་ཁྲིད་སྟོན་ཧུར་ཐག་བྱས་ནས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བ་བྱ་དགོས་ཞེས་བཏོན་པ་ནི་ད་དུང་འཚམ་མཐུན་མེད་པའི་གནད་དོན་ལྷག་ཡོད་པ་རྣམས་ཐག་གཅོད་བྱ་རྒྱུ་དེ་ཡིན་པ་དང་དེར་དུས་ཡུན་རིང་པོའི་བརྒྱུད་རིམ་ཞིག་ཡོད་དགོས།
རིན་མེད་སྨན་བཅོས་དགོན་པར་སྐྱེལ།
ཆོས་ལུགས་ལ་ཁྲིད་སྟོན་ཧུར་ཐག་བྱས་ནས་སྤྱི་ཚོགས་རིང་ལུགས་སྤྱི་ཚོགས་དང་འཚམ་མཐུན་ཡོང་བ་བྱེད་པ་ལ་ཏང་དང་ཆོས་ཕྱོགས་གཉིས་ཀས་ཐུན་མོང་ཐོག་འབད་བརྩོན་བྱ་དགོས། ཆོས་ལུགས་ལ་ཁྲིད་སྟོན་བྱས་ནས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བར་བྱེད་པར་ཏང་དང་སྲིད་གཞུང་དང་ཆོས་ཕྱོགས་ཀྱིས་ཐུན་མོང་དུ་འབད་བརྩོན་དང་ཞི་མཐུན་གཅིག་གྱུར་ཡོང་བ་བྱ་དགོས་པ་དེ་ནི་གཞི་རྩའི་འགན་ལེན་གྱི་ཆ་རྐྱེན་རེད། དང་པོ། ཏང་དང་སྲིད་གཞུང་གི་ངོས་ནས་བཤད་ན། རིམ་པ་ཁག་གི་ཏང་སྲིད་ལས་བྱེད་པ་ནི་རྒྱལ་ཁབ་ཀྱི་སྲིད་དབང་འཛིན་མཁན་དང་ཆོས་ལུགས་ལ་ཁྲིད་སྟོན་བྱས་ནས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བ་བྱེད་མཁན་གཙོ་བོ་ཁྲིད་ཕྱོགས་ཡིན་པས་དེའི་ལས་ཀ་གང་འདྲ་བྱེད་མིན་གལ་ཤིན་ཏུ་ཆེ། ལས་དོན་གལ་ཆེ་ཤོས་ཕྱོགས་བཞི་དང་འབྲེལ་བ་ཡོད་པ་སྟེ། གཅིག་ནས་ཆོས་དད་རང་མོས་ཀྱི་སྲིད་ཇུས་ལག་ལེན་ཆ་ཚང་དང་ཆོས་ལུགས་སྲིད་ཇུས་ལག་ལེན་ཆ་ཚང་ཡང་དག་བསྟར་ཏེ་ཆོས་ལུགས་སྲིད་ཇུས་ཀྱི་རྒྱུན་མཐུད་རང་བཞིན་དང་བརྟན་པོའི་རང་བཞིན་རྒྱུན་འཁྱོངས་བྱ་དགོས་པ་དང་། གཉིས་ནས་ཆོས་ལུགས་ལས་དོན་ལ་ཁྲིམས་ལྟར་དོ་དམ་བྱ་དགོས་པ། གསུམ་ནས་ཆོས་ཕྱོགས་ཀྱི་རྒྱལ་གཅེས་འཐབ་ཕྱོགས་གཅིག་གྱུར་མུ་མཐུད་དུ་སྲ་བརྟན་དང་འཕེལ་རྒྱས་གཏོང་དགོས་པ། བཞི་ནས་རང་ཚུགས་རང་བདག་རང་གཉེར་བཅས་ཀྱི་རྩ་དོན་རྒྱུན་འཁྱོངས་བྱ་དགོས་པ་བཅས་རེད། གཉིས་པ། ཆོས་ཕྱོགས་ཀྱི་ངོས་ནས་བཤད་ན། ཆོས་ཕྱོགས་ཀྱི་མི་སྣས་རང་ཉིད་ཏང་དང་སྲིད་གཞུང་གི་སྣེ་ཁྲིད་འོག་ཐད་ཀར་དད་ལྡན་མང་ཚོགས་ལ་ཁྲིད་སྟོན་བྱས་ནས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བ་བྱེད་པའི་འགན་འཁྲི་ལྕི་པོ་ཁུར་ཡོད་པ་ངོས་འཛིན་གང་ལེགས་བྱ་དགོས། སྤྱི་ཚོགས་གང་རུང་ཞིག་གི་ཆོས་ལུགས་དེ་གནས་སའི་རྒྱལ་ཁབ་ཀྱི་སྤྱི་ཚོགས་དཔལ་འབྱོར་ལམ་ལུགས་དང་ཆབ་སྲིད་ལམ་ལུགས་དེར་བརྩི་བཀུར་དང་ངེས་པར་དུ་ཞབས་འདེགས་ཞུ་དགོས་ཤིང་། གནད་དོན་དེའི་ཐད་རབ་རིབ་གཏན་ནས་བྱ་མི་རུང་། ཚད་ལས་འདས་པའི་ཆོས་ལུགས་ཀྱིས་ཆོས་ལུགས་དེ་རྒྱལ་ཁབ་སྲིད་དབང་གི་སྟེང་དུ་འཇོག་པ་དང་རྒྱལ་ཁབ་ཀྱི་ཁྲིམས་ལུགས་ལས་མཐོ་བར་བརྩི་བའི་ངན་སེམས་བཅངས་བ་མ་ཟད་ཕྱི་རྒྱལ་གྱི་ཆོས་ལུགས་སྟོབས་ཤུགས་དང་ལག་འབྲེལ་གྱིས་རྒྱལ་ཁབ་ཀྱི་བདེ་འཇགས་ལ་གནོད་འཚེ་གཏོང་བ་དེ་ནི་གཏན་ནས་བྱེད་མི་ཆོག་པ་ཞིག་རེད། ཆོས་ལུགས་གང་རུང་ཞིག་གནས་པ་དང་འཕེལ་རྒྱས་གཏོང་བར་སྔོན་ལ་ཆབ་སྲིད་ཐོག་གི་རྒྱལ་གཅེས་ཁྲིམས་སྲུང་གི་གནད་དོན་ངེས་པར་དུ་ཐག་གཅོད་བྱ་དགོས་ཤིང་། ད་ཡོད་ལ་ཁ་ཕྱོགས་དང་། སྤྱི་ཚོགས་ལ་ཞབས་ཞུ། མི་ཚོགས་ལ་བདེ་རྩ་སྐྲུན་པ་བཅས་བྱ་དགོས། ཆོས་ལུགས་ཀྱི་བསམ་བློ་དང་རིག་གནས་ཀྱི་སྙིང་བཅུད་བསྔོག་སྤེལ་ཧུར་ཐག་བྱས་ནས་རང་ཉིད་ཀྱི་བྱང་ཚད་མཐོ་རུ་བཏང་སྟེ་ཆོས་ལུགས་རིམ་པ་མཐོ་སར་འཕེལ་རྒྱས་ཟམ་མི་ཆད་པར་གཏོང་དགོས། རང་ཉིད་ཀྱི་ཆོས་ལུགས་ཤེས་རྒྱ་མུ་མཐུད་དུ་ཇེ་ཡངས་དང་སྤྱོད་ལམ་ཇེ་ལེགས་སུ་གཏོང་དགོས།།
