རིག་གནས་ཀྱི་ཚོང་ར་ཅུང་ཞན་པའི་དཀར་མཛེས་ཁུལ་ལ་མཚོན་ན་སྲིད་གཞུང་གིས་སྣེ་ཁྲིད་པའི་སྤྱི་ཚོགས་སྤྱི་པའི་རིག་གནས་ཞབས་ཞུའི་མ་ལག་འཛུགས་བསྐྲུན་ནི་སྔར་བཞིན་རྒྱ་ཆེའི་མང་ཚོགས་རྣམས་ཀྱི་བསམ་བློ་རིག་གནས་དང་འཚོ་བའི་ཆུ་ཚད་མཐོར་འདེགས་སུ་གཏོང་བའི་སྟོབས་ཤུགས་གལ་ཆེན་ཞིག་ཡིན་པ་རེད། ན་ནིང་ནས་བཟུང་། དཀར་མཛེས་ཁུལ་གྱིས་སྤྱི་པའི་རིག་གནས་ཞབས་ཞུའི་རྟེན་གཞི་དང་ཕུལ་བྱུང་རིག་རྩལ་བརྩམས་ཆོས། ཁྱད་ལྡན་རིག་རྩལ་ལས་གཞི། གལ་ཆེའི་རིག་རྩལ་བྱེད་སྒོ་བཅས་ཆར་རྗེས་ཀྱི་ཤྭ་མོ་ནང་བཞིན་དཀར་མཛེས་ཀྱི་མང་ཚོགས་ལ་འཁྲབ་སྟོན་བྱས་ཤིང་། ཁུལ་ཡོངས་ཀྱི་མང་ཚོགས་ཀྱི་བསམ་བློ་རིག་གནས་དང་འཚོ་བའི་ཆུ་ཚུད་མཐོར་འདེགས་སུ་ཕྱིན་པར་ནུས་པ་གལ་ཆེན་ཐོན་པ་རེད།
ད་ལོ་ནས་བཟུང་། དཀར་མཛེས་ཁུལ་གྱིས་ནན་ཏན་གྱིས《སྤྱི་པའི་རིག་གནས་ཞབས་ཞུའི་འགན་སྲུང་བཅའ་ཁྲིམས》ལག་བསྟར་བྱས་ཏེ་གཏིང་ཟབ་པའི་སྒོ་ནས་ཞིང་ཆེན་དང་ཁུལ་གྱི་ཐེངས་བཅུ་གཅིག་པའི་འཐུས་མི་ཚོགས་ཆེན་གྱི་དགོངས་དོན་དོན་འཁྱོལ་བྱས་ཤིང་། ཡུལ་ཤོག་དང་གྲོང་སྡེའི་སྤྱི་པའི་རིག་གནས་ཞབས་ཞུའི་མ་ལག་འཛུགས་སྐྲུན་དམིགས་སུ་བཟུང་ནས་ཤུགས་ཆེན་པོས་རྨང་གཞིའི་སྒྲིག་འགོད་འཛུགས་སྐྲན་བྱས་པར་མ་ཟད། ཤུགས་ཆེན་པོས་རིག་རྩལ་གསར་རྩོམ་ལ་སྐུལ་འདེད་དང་རིག་རྥལ་བྱེད་སྒོ་རྩ་འཛུགས། རིག་གནས་དམངས་ཕན་ལག་བསྟར། ཤུལ་བཞག་རིག་གནས་འགྲེམ་སྟོན་བཅས་ཀྱི་ལས་ཀར་ཤུགས་སྣོན་བྱས།།
ལྟད་མོ་བ།
དམངས་ཚོགས་ཀྱིས་སྐོར་བྲོ་འཁྲབ་བཞིན་པ།
རྟའུ་རྫོང་གི་རིག་གནས་ཁང་།
དར་མདོའི་ལྒང་ལི་འགྲན་བསྡུར།
རྟའུ་རྫོང་གི་དམངས་ཚོགས་རྣམས་འཁྲབ་སྟོན་ཆེ་གྲས་ལ་ཞུགས་པ།
