ཟླ་བ་8པའི་ཚེས་15ཉིན་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཞིང་ཆེན་སྲིད་གཞུང་གི་ཞིང་དཔོན་དབྱི་ལི་ཞིང་ཆེན་འབྲུབ་འགོག་ཐན་འགོག་བཀོད་འདོམས་པུའུ་རུ་ཕེབས་ནས། འབྲེལ་ཡོད་ཀྱི་གྲོང་ཁྱེར་དང་རང་སྐྱོང་ཁུལ་གྱི་འབྲུབ་འགོག་དང་། ས་གཤིས་གནོད་སྐྱོན་འགོག་བཅོས་ལས་ཀ་ལ་ལྟ་སྐུལ་ཞིབ་བཤེར་གནང་སྟེ། འགན་ཁྲིད་དང་བྱེད་ཐབས་སྔར་ལས་དོན་འཁྱོལ་བྱེད་པ་དང་། ལས་རེས་ལས་སྲུང་དང་བཀོད་གཏོང་རྩ་འཛུགས་བྱེད་ཤུགས་ཇེ་དྲག་ཏུ་གཏོང་བ། དངོས་རྫས་དང་འཕྲལ་སྒྲུབ་སྟོབས་ཤུགས་ཇེ་དྲག་ཏུ་བཏང་ནས། ཚད་གཞི་མཐོ་ཤོས་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ཡོང་བར་འགན་སྲུང་བྱ་དགོས་ཞེས་ནན་གྱིས་བསྟན།
        དབྱི་ལི་ཡིས་ཞིང་ཆེན་གནམ་གཤིས་ཅུས་དང་། ཆུ་བེད་ཐིང་། རྒྱལ་ཁོངས་ཐོན་ཁུངས་ཐིང་བཅས་ཀྱི་འབྲེལ་ཡོད་མི་སྣ་ཡིས་ལས་ཀ་སྤེལ་ཚུལ་ཡར་ཞུ་བྱེད་པར་ཉན་འཇོག་གནང་པ་མ་ཟད། ད་དུང་སྔ་གཞུག་ཏུ་ཙུ་ཀུང་དང་། ཀོན་ཡོན། མེན་དབྱང་། ཏེ་དབྱང། ཁྲེང་ཏུའུ། གཡག་རྔ། མེ་ཧྲན། ལོ་ཧྲན། དབྱི་པིན། ལུའུ་ཀྲོའུ། ནེ་ཅང་། ཙུ་དབྱང་། ལིའང་ཧྲན། རྔ་བ་སོགས་ས་གནས་ཀྱི་འབྲུབ་འགོག་ཐན་འགོག་བཀོད་འདོམས་པུའུ་དང་བརྙན་འཕྲིན་སྦྲེལ་སྐུལ་བརྒྱུད་ནས་ལས་རེས་ལས་སྲུང་བྱས་ཚུལ་ལ་ཞིབ་བཤེར་བྱས་པ་དང་། ས་གནས་དེའི་གནམ་གཤིས་དང་། ཆུ་རྒྱས་ཚུལ། འབྲུབ་འགོག་གནོད་སེལ་གྲ་སྒྲིག་བྱས་ཚུལ་སོགས་ལ་རྒྱུས་ལོན་བྱས།
        དབྱི་ལི་ཡིས། མིག་སྔར་ཞིང་ཆེན་ཡོངས་སུ་ད་དུང་ཆུ་འབྲུབ་བའི་དུས་སྐབས་གཙོ་བོ་གནས་པས། འབྲུབ་འགོག་དང་ས་གཤིས་གནོད་སྐྱོན་འགོག་བཅོས་ལས་ཀ་ལེགས་པོ་སྒྲུབ་ནས། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ཡོང་བར་འགན་སྲུང་བྱ་རྒྱུ་དེ་འགན་འཁྲི་ལྗིད་མོ་ཡིན་པས། ཞིང་ཆེན་ཡོངས་ཀྱི་ས་གནས་སོ་སོ་དང་སྡེ་ཁག་སོ་སོས་འགན་འཁྲིའི་བསམ་པ་དང་། དགོས་གཏུག་གི་བསམ་པ་སྔར་ལས་ཇེ་དྲག་ཏུ་བཏང་ནས། ཐོག་མཐའ་བར་གསུམ་དུ་ཆུ་འབྲུབ་བའི་གནས་ཚུལ་མྱུར་དུ་ཡར་ཞུ་བྱེད་པ་དང་། ནུས་ལྡན་གྱིས་ཁ་གཏད་འཇལ་བ། ཚན་རིག་དང་མཐུན་པའི་སྒོས་རྒུད་སྐྱོབ་བྱེད་པའི་ལས་ཀའི་རྣམ་པ་བཟང་བོ་རྒྱུན་འཁྱོངས་བྱས་ནས། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་བཏོན་པའི་བཀོད་སྒྲིག་ལས་ཀ་ཁག་དོན་འཁྱོལ་བྱ་དགོས་པ་དང་། གནམ་གཤིས་སྔོན་བརྡ་དང་། ཆུ་འབྲུབ་ཚུལ་སྔོན་དཔག་། གནོད་སྐྱོན་བྱུང་ཚུལ་སྔོན་ཚུད་ཉེན་བརྡ་གཏོང་བ་བཅས་ཇེ་དྲག་ཏུ་བཏང་ནས། སྔོན་ལ་ཕྱོགས་སོ་སོ་ནས་གྲ་སྒྲིག་ལེགས་པོ་བྱས་ནས། ལས་ཀའི་སྔོན་ཇུས་གཏན་ཁེལ་བྱས་ཏེ། མངའ་ཁོངས་གལ་ཆེན་དང་།སྒྲིག་ཆས་གལ་ཆེན། ལས་གཞི་གལ་ཆེན་བཅས་ལ་ལྟ་སྐུལ་དོ་དམ་བྱེད་པར་ཤུགས་སྣོན་རྒྱག་ནས། ས་གཤིས་གནོད་སྐྱོན་གྱི་མངོན་མེད་རྐྱེན་ངན་བྱུང་ས་ལ་གྲལ་བཤེར་དང་།སྔོན་འགོག་ཐག་གཅོད་བྱེད་ཤུགས་ཇེ་དྲག་ཏུ་བཏང་ནས། ཉེན་ཁའི་གནས་ཚུལ་བྱུང་ཚེ། མྱུར་རུ་མང་ཚོགས་གནས་སྤོ་ནས་ཉེན་ཁར་མྱུར་བྱོལ་བྱེད་པ་རྩ་འཛུགས་བྱས་ནས། གནོད་འཚེ་གྱོང་གུན་ཇེ་ཆུང་ཏུ་གཏོང་དགོས། ཞིང་ཆེན་འབྲུབ་འགོག་ཐན་འགོག་བཀོད་འདོམས་པུའུ་དང་། ཞིང་ཆེན་ས་གཤིས་གནོད་སྐྱོན་འཕྲལ་སྒྲུབ་བཀོད་འདོམས་པུའུ།དེ་མིན་ལས་སྒྲུབ་ལས་ཁུངས་ཀྱིས་ལས་འགན་ནན་མོ་འཁུར་པ་དང་། ཕན་ཚུན་མཐུན་སྦྱོར་དང་།ཕན་ཚུན་གཞོགས་འདེགས་བྱེད་ཤུགས་ཇེ་དྲག་ཏུ་བཏང་ནས། ཚན་རིག་དང་མཐུན་པའི་སྒོས་གནམ་གཤིས་འགྱུར་ལྡོག་གི་རྐྱེན་གྱིས་བྱུང་བའི་ཆུ་རྒྱས་ཚུལ་དང་གནོད་འཚེ་བྱུང་ཚུལ་ལ་ཞིབ་འཇུག་བརྡར་བཅོད་དང་། དབྱེ་ཞིབ་སྤྱི་བསྡོམས་བྱས་ནས། མྱུར་དུ་ནུས་ལྡན་གྱིས་གནོད་འགོག་རྒུད་སྐྱོབ་ཀྱི་སྟོབས་ཤུགས་བཀོད་སྒྲིག་བྱེད་པ་དང་སྦྲགས། ས་གནས་སོ་སོའི་ལས་རེས་ལས་སྲུང་དང་། ལས་དོན་ཡག་པོ་སྒྲུབ་ཚུལ་ལ་ཞིབ་བཤེར་བྱས་ནས། འབྲུབ་འགོག་གནོད་སེལ་ལས་ཀ་ཁག་གི་བྱེད་ཐབས་དོན་ཐོག་ཏུ་འཁྱོལ་བར་འགན་སྲུང་བྱས་ནས། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ཡོང་བར་འགན་ལེན་བྱ་དགོས་ཞེས་ནན་གྱིས་བསྟན།།