རྨ་འབྲི་རྫ་གསུམ་གྱི་འབྱུང་གནས་ཁམས་ཀྱི་ཡུལ་ཤུལ་ས་ཁུལ་ནི་མཚོ་སྔོན་ཞིང་ཆེན་གྱི་ཁོངས་སུ་གཏོགས། འདི་ན་དམངས་ཁྲོད་ཀྱིས་རྩ་འཛུགས་བྱས་པའི་རྐང་གྲུག་རུ་ཁག་ཅིིག་ཡོད་པ་དེ་ལ་ཡུལ་ཤུལ་ཁམས་པ་འབྲོང་རྒོད་རྐང་གྲུག་རུ་ཁག་ཅེས་འབོད།
རུ་མི་21ལས་གྲུབ་པའི་རྐང་གྲུག་རུ་ཁག་འདི་ནི་2006ལོར་ཐོག་མར་གསར་དུ་བཙུགས་པ་ཡིན་ཞིང་ཆ་སྙོམས་ཀྱི་ལོ་ཚད་27ཡིན། ཁོ་ཚོ་ཚང་མ་ཡུལ་ཤུལ་བོད་རིགས་རང་སྐྱོང་ཁུལ་གྱི་མི་ཡིན་ཞིང་འདིའི་ཁྲོད་དུ་གླ་འཁོར་གྱི་ཁ་ལོ་བ་དང་གཞུང་ཞབས་པ། ལུས་རྩལ་དགེ་རྒན་སོགས་ཡོད། ཚང་མས་རྐང་གྲུག་རྩེ་བར་དགའ་ཞེན་ཆེན་པོ་ཡོད་རྐྱེན་མཉམ་གཅིག་ཏུ་འདུས་པ་དང་རུ་ཁག་གིས་ནམ་རྒྱུན་རྩ་འཛུགས་བྱས་ཏེ་མཛའ་བཤེས་ཀྱི་འགྲན་བསྡུར་དང་སྦྱོང་བརྡར་སྤེལ། སྦྱོང་བརྡར་བྱེད་སྐབས་ཁོ་ཚོས་གཅིག་གྱུར་གྱི་གྱོན་ཆས་གོན་ནས་ལྗང་མདོག་གི་རྐང་གྲུག་ཐང་དུ་རྐང་གྲུག་རྩེ་དུས་དཀའ་བའི་རྔུལ་ཆུ་ལུས་ནས་བཞུར་ནའང་གནག་ཅིང་སྣུམ་པའི་བཞིན་རས་ངོས་ལ་ཡིད་ཚིམ་པའི་རྣམ་འགྱུར་དང་སྤྲོ་དགས་ཁེངས།
