ལྷད་མེད་པའི་འཛུམ་མདངས་དེ་དག་གི་མཐོང་ལམ་ན་།
འཕེལ་རྒྱས་ཀྱི་གོམ་འགྲོས་ཤིག་དང་ཡ་རབས་ཀྱི་སྤྱོད་ལམ་ ། ཡང་ན་།
ཞབས་ཀྱིས་བཅགས་ལ་ཁད་ཀྱིས་རུམ་པའི་དབྱར་གཞུང་དེའི་སྐྱིད་སྡུག་ཡོད་ལ་།
ལོ་རྒྱུས་དང་ཕ་སྐད་ལ་བརྒྱུས་པའི་གླུ་གཞས་སྙན་མོ་དེའི་བརྗོད་སྙིང་ཡང་མཆིས་།
སྤྲོ་བའི་རྔུལ་ཆུ་རྡོག་གཅིག་རིན་ཐང་གིས་བཞུར་ནས་ཐོན་པ་དང་།
འཛུམ་པའི་མིག་ཟུང་ཆ་གཅིག་མཐོང་ལམ་དུ་མངོན་པའམ་།
ཡང་ན་ཐུན་མོང་གི་གླུ་དབྱངས་དེའི་དབྱངས་རྟ་གཉོམ་པོ་སུ་ཞིག་ལ་དབང་བའི་།
སུམ་མདོ་དེ་ན་ཨ་ཅེ་དང་མིང་སྲིང་ཚོའི་སྐོར་བྲོ་ཡོད་།
མིག་ཟུང་ག་ཚོད་ཀྱི་འཛུམ་མདངས་སྟ་ེ། སྦྲ་ནག་ན་འཛུམ་པའི་བྱིས་པ་ཆུང་ཆུང་།
སྦྲ་སྒོ་ན་འཛུམ་པའི་ལང་ཚོའི་ཕོ་རྒོད་། འཛུམ་མདངས་ཁྲོད་ཀྱི་འཛུམ་མདངས་དེ་ལས་།
དག་གཙང་གི་མཁའ་དབུགས་དང་། སྨུག་སྤྲིན་གྱི་ཡོལ་རས་འཐེན་པའི་རི་ཀླུང་།
ཐང་མར་བརྡལ་བའི་རྟ་ནོར་ལུག་གསུམ་དང་ལང་ཚོའི་སྟོབས་ཀྱིས་ཕྱུག་པའི་གཞིས་མལ་འདི་ཡི་འཕེལ་རྒྱས་།
ད་དུང་། སུ་ཞིག་ལ་བཅོལ་བའི་འུ་ཚོས་དད་བརྩེ་བརྟན་པོ་གང་ཞིག
དེ་ནི་འཚོ་བ་དྲོན་མོའི་རེ་སྒུག་གི་རུམ་བྲོའམ་དུས་རབས་ཀྱི་གོམ་འགྲོས་ཀྱིས་གནང་བའི་ལག་རྗེས་དྲོན་མོ་།
ད་དུང་། ད་དུང་།