ཟླ་8པའི་ཚེས་16ཉིན་གྱི་ཕྱི་དྲོ།ཞིང་ཆེན་ཏང་ཨུའི་ཧྲུའུ་ཅི། གནོད་འགོག་མྱུར་སྐྱོབ་བཀོད་འདོམས་པུའུ་ཡི་བཀོད་འདོམས་པ་ཝང་ཏུང་མིང་གིས་གཟི་རྩ་སྡེ་དགུ་རྫོང་རུ་གནོད་འགོག་མྱུར་སྐྱོབ་ལས་ཀར་ཞིབ་བཤེར་དང་མཛུབ་ཁྲིད་དང་གནོད་ཐེབས་མང་ཚོགས་ལ་འཚམས་འདྲི་གནང་རྗེས། གཟི་རྩ་སྡེ་དགུ་རྫོང་དུ་བཀོད་འདོམས་པུའུ་ཡི་ཚོགས་འདུ་ཐེངས་ལྔ་བ་བསྡུས་ནས་གསུངས་བཤད་གནང་། ཞིང་ཆེན་ཏང་ཨུའུ་ཧྲུའུ་ཅི་གཞོན་པ། ཞིང་ཆེན་སྲིད་གཞུང་གི་འགན་འཛིན་པ། བཀོད་འདོམས་པུའུ་ཡི་བཀོད་འདོམས་པ་དབྱི་ལི་ཚོགས་འདུ་རུ་ཞུགས་པ་མ་ཟད། ཚོགས་འདུའི་དགོངས་དོན་དོན་འཁྱོལ་ཡོང་བར་བྱ་བའི་ཐད་ནས་བླང་བྱ་བཏོན། ཞིང་ཆེན་ཏང་ཨུའི་ཧྲུའུ་ཅི་གཞོན་པ། བཀོད་འདོམས་པུའུ་ཡི་བཀོད་འདོམས་པ་གཞོན་པ་ཏུན་ཞའོ་ཀང་གྲོས་ཚོགས་ལ་ཞུགས།
        ཚོགས་འདུ་ཡིས་རྔ་བ་ཁུལ་ཨུད་དང་གཟི་རྩ་སྡེ་དགུ་རྫོང་ཨུ། གཟི་རྩ་སྡེ་དགུའི་དོ་དམ་ཅུས་ཀྱི་འགན་ཁུར་བློ་མཐུན་གཙོ་བོ། ཞིང་ཆེན་བཀོད་འདོམས་པུའུ་ཡི་སྨན་བཅོས་འགན་སྲུང་ཚོ་ཆུང་། འགྲིམ་འགྲུལ་འགན་སྲུང་ཚོ་ཆུང་། འཕྲིན་སྐྱེལ་གློག་ཤུགས་འགན་སྲུང་ཚོ་ཆུང་། གནོད་སྐྱོབས་དངོས་ཟོག་ཚོ་ཆུང་། ཁྱབ་བསྒྲགས་སྙན་ཞུའི་ཚོ་ཆུང་བཅས་ཀྱི་འབྲེལ་ཡོད་འགན་ཁུར་བ་ཚོས་སྙན་ཞུ་ཕུལ་བ་དང་། ལས་ཀའི་ཁྲོད་དུ་གནས་བའི་གནད་དོན་ལ་ཞིབ་འཇུག་བྱས་པ་རེད།
        གྲོས་ཚོགས་ལས་བསྟན་དོན། མིག་སྔར་མྱུར་སྐྱོབ་དང་བདེ་འགོན་དུས་རིམ་གྱི་ལས་ཀ་སྤྱིའི་ཆ་ནས་སྒྲུབ་ཚར་ནས། བར་བརྒལ་བདེ་འགོད་དང་གནོད་འཚེ་ཐེབས་རྗེས་ཀྱི་བསྐྱར་གསོ་འཛུགས་སྐྲུན་གྱི་དུས་རིམ་དུ་ཐོན་ཡོད། གཟི་རྩ་སྡེ་དགུ་རུ་ས་འགུལ་རིམ་པ་7ཅན་བྱུང་རྗེས། ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་ཙུང་ལི་ལེས་ཁེ་ཆིང་སོགས་ཀྲུང་དབྱང་བློ་མཐུན་དག་གི་གལ་ཆེའི་མཆན་བཀོད་མཛུབ་སྟོན་དོན་འཁྱོལ་བྱས་ནས། དུས་ཚོད་ཆེས་ཉུང་ཤོས་ཀྱི་ནང་དུ་གཞི་རྒྱ་ཆེན་པོས་སྒོས་ཡུལ་སྐོར་བ་དང་ཕྱི་ཡོང་མི་སྣ་གནས་སྤོས་དང་། དུས་ཚོད་ཆེས་ཉུང་ཤོས་ནང་དུ་གནོད་ཐེབས་མང་ཚོགས་བདེ་འགོད་བྱེད་པ་རྩ་འཛུགས་བྱས་པ་དང་། དུས་ཚོད་ཆེས་ཉུང་ཤོས་ཀྱི་ནང་དུ་གཞུང་ལམ་ཤར་གཏོང་ཐུབ་པ་འགན་སྲུང་བྱས་ནས། གནོད་སྐྱོབ་ལས་ཀ་ནུས་ཡོད་སྒོས་སྤེལ་ནས། གལ་ཆེའི་དུས་རིམ་རང་བཞིན་གྱི་ཕན་འབྲས་ཐོབ་ཡོད། འབྲས་བུ་དེ་འདྲ་ཐོབ་དཀའ་མོ་ཡིན་མོད། ཡིན་ཡང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་འགོ་ཁྲིད་དང་། བཅིངས་འགྲོལ་དམག་དང་དྲག་ཆས་དམག་དཔུང་། ཀྲུང་དབྱང་འབྲལ་ཡོད་སྡེ་ཁག ཁྱིམ་མཚེས་ཞིང་ཆེན་དང་གྲོང་ཁྱེར། སྤྱི་ཚོགས་ཀྱི་ཕྱོགས་སོ་སོའི་རྒྱབ་སྐྱོར་ཆེན་པོ། ཞིང་ཆེན་དང་ཁུལ། རྫོང་བཅས་ཀྱིས་མྱུར་དུ་ཚན་རིག་དང་མཐུན་པའི་སྒོ་ནས་ནུས་མཐོའི་བཀོད་འདོམས་སྒྲིག་གཞི་བཙུགས་པ། གནོད་ཁུལ་གྱི་ལས་བྱེད་པ་དག་གི་དཀའ་སྤྱད་འབད་བརྩོན་དང་ཕན་ཚུན་རོགས་རམ། འབད་བརྩོན་དང་ཁ་འབྲལ་ཐབས་མེད་ཅེས་བསྟན།།