ཟླ8པའི་ཚེས24ཉིན། ཧུང་ཡོན་རྫོང་གིས་བོད་བརྒྱུད་ནང་བསྟན་དགོན་པའི་སྒོ་འབྱེད་དོ་དམ་ཚོད་ལྟའི་ལས་དོན་གྱི་ཡུལ་དངོས་ཚོགས་འདུ་འཚོགས་ཤིང་། ཞིང་ཆེན་དང་ཁུལ། རྫོང་གི་འགོ་ཁྲིད་དང་དེ་མིན་རྫོང་ཡོངས་ཀྱི་དགོན་པའི་དོ་དམ་ཨུ་ཡོན་ལྷན་ཁང་སོ་སོའི་ཀྲུའུ་རེན་དང་ཀྲུའུ་རེན་གཞོན་པ། ཆོས་ལུགས་ལས་རིགས་ཀྱི་འཐུས་མི་སོགས་ཁྱོན་མི160ལྷག་ཚོགས་འདུར་ཞུགས་པ་དང་། ཞིང་ཨུའི་འཐབ་ཕྱོགས་གཅིག་གྱུར་པུའུ་དང་ཁུལ་ཨུའི་འཐབ་ཕྱོགས་གཅིག་གྱུར་པུའུ། ཁུལ་མི་རིགས་ཆོས་ལུགས་ལས་དོན་ཨུ། ཁུལ་ནང་བསྟན་མཐུན་ཚོགས་སོགས་ཀྱི་འབྲེལ་ཡོད་འགོ་ཁྲིད་ཚོགས་འདུར་ཞུགས་ནས་མཛུབ་སྟོན་མཛད།
        ཚོགས་ཞུགས་མི་སྣ་རྣམས་ཀྱིས་རྨེ་བ་དགོན་པའི་ཁོར་ཡུག་བདག་སྐྱོང་དང་དགོན་པའི་ལྗོངས་སྐོར། དམངས་འཚོའི་རྣམ་གྲངས། སྐྱ་སེར་ལ་ཞབས་ཞུ་ལེགས་པོ། བཅའ་ཁྲིམས་ཀྱི་ཤེས་བྱ་དགོན་པར་ཁྲིད་པ།  དམངས་གཙོའི་དོ་དམ་ཨུ་ཡོན་ལྷན་ཁང་གི་ནུས་པ་སྤེལ་ཚུལ་སོགས་ཀྱི་སྒོ་འབྱེད་དོ་དམ་བྱས་པའི་ལས་ཀའི་གྲུབ་འབྲས་ལ་རྟོག་ཞིབ་བྱེད་པའི་དུས་མཚུངས་སུ། ཧུང་ཡོན་རྫོང་བོད་བརྒྱུད་ནང་བསྟན་དགོན་པའི་སྒོ་འབྱེད་དོ་དམ་བྱེད་བཞིན་པའི་མ་ལག་འཁོར་སྐྱོད་གསལ་སྟོན་ལ་ལྟ་སྐོར་བྱས།
        ཚོགས་འདུའི་ཐོག འབྲེལ་ཡོད་སྡེ་ཁག་གི་འགན་ཁུར་བློ་མཐུན་དང་དགོན་པའི་དམངས་གཙོ་དོ་དམ་ཨུ་ཡོན་ལྷན་ཁང་གིས་ཉམས་མྱོང་སྤེལ་རེས་ཀྱི་སྐད་ཆ་བཤད་དོ།།