ཁུ་ཁུ་ཤི་རི་ནི་གཙོད་འཚོ་གནས་བྱ་ཡུལ་གལ་ཆེན་ཞིག་ཡིན་ཞིང་། ལོ་ལྟར་དབྱར་དུས་སུ་གཙོད་གཙོ་ནག་མཚོ་སོགས་ས་ཆར་གཙོད་ཕྲུག་སྐྱེ་བར་འགྲོ་གི་ཡོད། ཟླ་7པའི་ཟླ་མཇུག་ཏུ་གཙོད་མོས་གཙོད་ཕྲུག་ཁྲིད་ནས་འཚོ་གནས་བྱ་ཡུལ་དུ་ཚུར་ལོག་བྱེད་པ་དང་། ཕར་འགྲོ་ཚུར་འོང་གི་ལམ་ཐག་རིང་ཚད་སྤྱི་ལེ་600ལྷག་ཙམ་ཟིན་གྱི་ཡོད་པ་རེད།

        གནས་སྤོས་བྱེད་རིང་གནོད་སྐྱེལ་སྲོག་ཆགས་ལ་གཡོལ་བ་སོགས་ཀྱིས་རྐྱེན་པས་གཙོད་ཕྲུག་དང་གཙོ་ཁྱུ་ཁ་ཐོར་བའི་ཉེན་ཁ་ཡོད། འདི་ལོའི་ཟླ་7པར་ཁུ་ཁུ་ཤི་རི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དོ་དམ་ཅུས་ཀྱི་ལས་དོན་མི་སྣས་གཙོད་ཕྲུག་8གཙོ་ནག་མཚོ་ཉེ་འགྲམ་ནས་བསོད་ནམས་དར་རྒྱས་སྲུང་སྐྱོང་ས་ཚིགས་བདག་ཏུ་མ་བཟུང་བའི་སྲོག་ཆགས་རོགས་སྐྱོབ་ལྟེ་གནས་སུ་ཁྲིད་ཅིང་། གོང་གི་པར་རིས་ནི་བསོད་ནམས་དར་རྒྱས་སྲུང་སྐྱོང་ས་ཚིགས་བདག་ཏུ་མ་བཟུང་བའི་སྲོག་ཆགས་རོགས་སྐྱོབ་ལྟེ་གནས་ཀྱི་གཙོད་ཕྲུག་ཡིན་པ།།

        འདི་ནི་བསོད་ནམས་དར་རྒྱས་སྲུང་སྐྱོང་ས་ཚིགས་བདག་ཏུ་མ་བཟུང་བའི་སྲོག་ཆགས་རོགས་སྐྱོབ་ལྟེ་གནས་ཀྱི་ལས་དོན་མི་སྣ་གཙོད་ཕྲུག་དང་མཉམ་དུ་སྡོད་པའི་གནས་ཚུལ་ཡིན་པ།