1.ཀྲུང་གོ་གུང་ཁྲན་ཏང་གི་ཐེངས་བཅུ་དགུ་པའི་རྒྱལ་ཡོངས་འཐུས་མི་ཚོགས་ཆེན་ནི་ཁྱོན་ཡོངས་ནས་འབྱོར་འབྲིང་སྤྱི་ཚོགས་སྐྲུན་པར་རྒྱལ་ཁ་ལེན་པའི་དུས་རིམ་ཡིན་ཞིང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དུས་རབས་གསར་པར་བསྐྱོད་པའི་གལ་ཆེའི་དུས་རིམ་དུ་འཚོགས་པའི་ཚོགས་ཆེན་གལ་ཆེན་ཞིག་ཡིན། 
2.དུས་དང་རྣམ་པ་ཀུན་ཏུ་ཐོག་མའི་སེམས་འདུན་མི་བརྗེད་པ། ཀྲུང་གོ་གུང་ཁྲན་ཏང་མིའི་ཐོག་མའི་སེམས་འདུན་དང་འགན་འཁྲི་ནི་ཀྲུང་གོའི་མི་དམངས་ལ་བདེ་སྐྱིད་བསྐྲུན་རྒྱུ་དང་ཀྲུང་ཧྭ་མི་དམངས་བསྐྱར་དར་ཡོང་བར་བྱ་རྒྱུ་དེའོ། །      
3.ཏང་ཡོངས་ཀྱི་བློ་མཐུན་གྱིས་ངེས་པར་དུ་མཐོར་འཛེགས་རྒྱང་ལྟ་དང་བདེ་སྡོད་ཉེན་ཟོན། བསྒྱུར་བཅོས་དང་གསར་གཏོད་བྱེད་ཕོད་པ། ནམ་ཡང་འཕེལ་རྒྱས་ཀྱི་རྒྱུན་མི་ཆད་ཅིང་འཕེལ་མེད་རང་སོར་མི་སྡོད་པར་མཐུན་སྒྲིལ་བྱས་ནས་རྒྱལ་ཡོངས་ཀྱི་རིགས་སོ་སོའི་མི་དམངས་སྣེ་ཁྲིད་དེ་ཁྱོན་ཡོངས་ནས་འབྱོར་འབྲིང་སྤྱི་ཚོགས་སྐྲུན་པར་རྒྱལ་ཁ་ལེན་དགོས་པར་མ་ཟད། སྟོབས་ཤུགས་ཆེར་བསྐྱེད་ཀྱིས་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རླབས་ཆེའི་རྒྱལ་ཁ་ལེན་དགོས།
4.ལོ་ལྔའི་རིང་། རང་རེའི་ཏང་གིས་ཆབ་སྲིད་ཀྱི་བློ་སྟོབས་ཆེན་པོ་དང་ཤུགས་དྲག་པའི་འགན་འཁྲི་ཐེག་ཁུར་གྱིས་འདུ་ཤེས་གསར་པ་དང་བསམ་བློ་གསར་པ། འཐབ་ཇུས་གསར་པ་རབ་དང་རིམ་པ་དང་། བྱེད་ཕྱོགས་དང་སྲིད་ཇུས་གལ་ཆེན་རབ་དང་རིམ་པ་བཏོན་པར་མ་ཟད། བྱེད་ཐབས་གལ་ཆེན་རབ་དང་རིམ་པ་བཏོན་ཞིང་ལས་ཀ་གལ་ཆེན་རབ་དང་རིམ་པར་སྐུལ་འདེད་བཏང་། དེ་མིན་དུས་ཡུན་རིང་པོར་ཐག་གཅོད་བྱེད་འདོད་ཅིང་ཐག་གཅོད་བྱེད་མ་ཐུབ་པའི་དཀའ་གནད་མང་པོ་ཐག་གཅོད་བྱས་པ་དང་།  སྔོན་ཆད་བསྒྲུབ་འདོད་ཀྱང་བསྒྲུབ་མ་ཐུབ་པའི་དོན་ཆེན་མང་པོ་ལེགས་པོར་གྲུབ་པས་ཏང་དང་རྒྱལ་ཁབ་ཀྱི་བྱ་གཞག་ལ་ལོ་རྒྱུས་རང་བཞིན་གྱི་འཕོ་འགྱུར་བྱུང་བར་སྐུལ་འདེད་བཏང་།  
5.དུས་ཡུན་རིང་པོའི་འབད་བརྩོན་བྱས་པ་བརྒྱུད་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དུས་རབས་གསར་པ་ཞིག་ཏུ་སླེབས་ཤིང་འདི་ནི་རང་རྒྱལ་འཕེལ་རྒྱས་ཀྱི་ལོ་རྒྱུས་ཁ་ཕྱོགས་གསར་པ་ཞིག་ཡིན། 
6.ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དུས་རབས་གསར་པ་ཞིག་ཏུ་སླེབས་ཤིང་། རང་རྒྱལ་གྱི་སྤྱི་ཚོགས་འགལ་ཟླ་གཙོ་བོ་དེ་མི་དམངས་ཀྱི་ཉིན་བཞིན་འཕར་སྣོན་བྱུང་བའི་བདེ་སྐྱིད་ལྡན་པའི་འཚོ་བའི་དགོས་མཁོ་དང་དོ་མི་མཉམ་ཞིང་འཐུས་མི་ཚང་བའི་འཕེལ་རྒྱས་བར་གྱི་འགལ་ཟླར་གྱུར།     
7.དེ་རིང་། ང་ཚོ་ནི་ལོ་རྒྱུས་ཀྱི་དུས་སྐབས་གང་ཞིག་ལས་ཀྱང་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་གྱི་དམིགས་ཚད་མངོན་འགྱུར་ཡོང་བར་སྔར་ལས་ཐག་ཉེ་བ་དང་སྔར་ལས་ཡིད་ཆེས་དང་ནུས་པ་ལྡན་ཡོད།
8.བཅིངས་འགྲོལ་དང་དངོས་དོན་བདེན་འཚོལ། དུས་བསྟུན་ཡར་འཕེལ། བདེན་འཚོལ་དོན་གཉེར་རྒྱུན་འཁྱོངས་བྱས་པ། དངོས་གཙོ་རྩོད་སྒྲུབ་རིང་ལུགས་དང་ལོ་རྒྱུས་དངོས་གཙོ་རིང་ལུགས་མཐའ་འཁྱོངས་བྱས་པ།  དུས་རབས་གསར་པའི་ཆ་རྐྱེན་དང་ལག་ལེན་གྱི་བླང་བྱ་ཟུང་འབྲེལ་དམ་ཟབ་བྱས་པ། མཐོང་རྒྱ་གསར་པ་ཞིག་གིས་གུང་ཁྲན་ཏང་གི་སྲིད་སྐྱོང་ཆོས་ཉིད་དང་སྤྱི་ཚོགས་རིང་ལུགས་ཀྱི་འཛུགས་སྐྲུན་གྱི་ཆོས་ཉིད། མིའི་རིགས་སྤྱི་ཚོགས་ཀྱི་འཕེལ་རྒྱས་ཀྱི་ཆོས་ཉིད་བཅས་ལ་ངོས་འཛིན་བྱས་པ། དཀའ་སྤྱད་འབད་བརྩོན་གྱིས་གཞུང་ལུགས་འཚོལ་ཞིབ་བྱས་ཏེ་གཞུང་ལུགས་གསར་གཏོད་ཀྱི་གྲུབ་འབྲས་གསར་པ་བླངས་ཤིང་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་གྲུབ་པ་རེད།
9.ཕྱོགས་བསྡུས་སྒོས་རྒྱལ་སྤྱི་དང་རྒྱལ་ནང་ནི་གནས་བབ་དང་རང་རྒྱལ་གྱི་འཕེལ་རྒྱས་ཆ་རྐྱེན་ལ་དབྱེ་ཞིབ་བྱས་ན་2020ལོ་ནས་དུས་རབས་འདིའི་ལོ་རབས་བར་མར་དུས་རིམ་གཉིས་སུ་བཀོད་སྒྲིག་བྱ་ཆོག་སྟེ། དུས་རིམ་དང་པོ་ནི་2020ལོ་ནས་2035ལོའི་བར་ཡིན་ཏེ། ཁྱོན་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་གྱི་རྨང་གཞིའི་སྟེང་ལོ་བཅོ་ལྔར་འབད་བརྩོན་བྱས་ཏེ་སྤྱི་ཚོགས་རིང་ལུགས་ཀྱི་དེང་རབས་ཅན་གཞི་རྩའི་ཐོག་མངོན་འགྱུར་བྱེད་པ། དུས་རིམ་གཉིས་པ་ནི་2035ལོ་ནས་དུས་རབས་འདིའི་ལོ་རབས་བར་མའི་བར་སྟེ། དེང་རབས་ཅན་གཞི་རྩའི་ཐོག་མངོན་འགྱུར་བྱས་པའི་རྨང་གཞིའི་ཐོག་སླར་ཡང་ལོ་བཅོ་ལྔར་འབད་བརྩོན་བྱས་ཏེ་རང་རྒྱལ་ནི་སྟོབས་འབྱོར་དང་དམངས་གཙོ། དཔལ་ཡོན། འཆམ་མཐུན་བཅས་མཛེས་སྡུག་ལྡན་པའི་སྤྱི་ཚོགས་རིང་ལུགས་དེང་རབས་ཅན་གྱི་སྟོབས་ལྡན་རྒྱལ་ཁབ་ཞིག་ཏུ་བསྐྲུན་རྒྱུ་དེའོ། །
10.ཀྲུང་གོས་སྒོ་འབྱེད་ཀྱི་སྒོ་མོ་རྒྱག་མི་སྲིད་ཅིང་།  སྔོན་ལས་ཇེ་ཆེ་རུ་འབྱེད་ངེས།  
11.རྩ་འཛུགས་དང་མི་སྒེར་གང་ཞིག་ཡིན་རུང་རྩ་ཁྲིམས་དང་བཅའ་ཁྲིམས་ཀྱི་དམིསག་བསལ་དབང་ཆ་ལས་བརྒལ་མི་ཆོག་པར་མ་ཟད། སྨྲ་བརྗོད་ཀྱིས་ཁྲིམས་ཚབ་བྱེད་པ་དང་དབང་ཆས་ཁྲིམས་གནོན་པ། ཁེ་ཕན་དང་སྒེར་དོན་གྱི་ཆེད་དུ་ཁྲིམས་དང་འགལ་མི་རུང་།  
12.ཏང་ཡོངས་ཀྱིས་ངེས་པར་དུ་རྒྱུ་མཚན་ཅིའི་ཕྱིར་མིའི་གནད་དོན་ནི་སྲིད་ཏང་ཞིག་དང་སྲིད་དབང་ཞིག་གི་ངོ་བོ་ལ་ཉམས་ཚོད་བྱེད་པའི་རྡོ་ཀ་ཤུ་ཀ་ཡིན་པ་ངེས་དགོས།
13.མི་དམངས་ཡོངས་ལ་སྡོད་གནས་ཡོད་དུ་འཇུག་དགོས།    
14.དམག་དཔུང་གིས་འཐབ་འཁྲུག་ལ་གྲ་སྒྲིག་བྱ་དགོས། བྱ་བ་ཡོད་ཚད་ཀྱིས་ངེས་པར་དུ་འཐབ་འཛིང་ནུས་ཤུགས་ཀྱི་ཚད་གཞི་རྒྱུན་འཁྱོངས་དང་དམག་འཁྲུག་བྱེད་ཐུབ་པ་དང་དམག་འཁྲུག་ལ་རྒྱལ་ཁ་ཐོབ་པར་དམིགས་དགོས།
15.ང་ཚོས་མི་གང་རུང་ཞིག་དང་རྩ་འཛུགས་གང་རུང་ཞིག སྲིད་ཏང་གང་རུང་ཞིག་གིས་དུས་གང་རུང་ལ་རྣམ་པ་གང་རུང་གི་བྱེད་ཐབས་སྤྱད་དེ་ཀྲུང་གོའི་ས་ཁོངས་གང་རུང་ཞིག་ཀྲུང་གོ་དང་ཁ་ཕྲལ་དུ་བཅུག་མི་སྲིད།   
16.མི་གང་རུང་ཞིག་གིས་ཀྲུང་གོར་རང་ཉིད་ཀྱི་ཁེ་ཕན་ལ་གནོད་པའི་འབྲས་བུ་མིད་དུ་བཅུག་པའི་སྟོང་བསམ་བཅངས་མི་རུང་།   
17.མི་དམངས་མང་ཚོགས་རྣམས་ཀྱིས་ཅི་ཞིག་ལ་ངོ་རྒོལ་བྱེད་པ་དང་ཅི་ཞིག་ལ་སྡང་སེམས་བཅངས་ན་ང་ཚོས་ངེས་པར་དུ་བློ་བརྟན་འགྱུར་མེད་ཀྱིས་སྔོན་འགོག་དང་ནོར་བཅོས་བྱ་དགོས།    
18.རུལ་སུངས་པ་གང་དུ་བྲོས་ཀྱང་ཚང་མ་ཁྲིམས་ལྟར་འཛིན་བཟུང་དང་ཐག་གཅོད་བྱ་ངེས།
19. ཀྲུང་གོའི་ཕུགས་འདུན་ནི་ལོ་རྒྱུས་དང་དངོས་ཡོད་ལ་དབང་བར་མ་ཟད་མ་འོངས་པའང་དབང་ངེས། དེ་ནི་ང་ཚོའི་མི་རབས་འདིར་དབང་བར་མ་ཟད་དེ་ལས་ཀྱང་གཞོན་རབས་པ་དག་ལའང་དབང་བ་རེད།