དབུལ་སེལ་འགག་སྒྲོལ་གྱི་གོ་རིམ་ཁྲོད་དཀར་མཛེས་ཁུལ་དཔལ་ཡུལ་རྫོང་འཛིང་ཁོག་ཡུལ་ཚོའི་བ་ཡག་སྡེ་བས་ཞིང་ལས་ཐོན་ལས་ཀྱི་སྒྲིག་གཞི་ལ་སྙོམས་སྒྲིག་བྱས་ཏེ་ཆེད་ལས་ཀྱི་མཉམ་ལས་ཁང་བཙུགས་ཤིང་། ས་གནས་རང་གི་ས་བབ་ཀྱི་ཁྱད་ཆོས་དང་བསྟུན་ནས་ཕྱི་ཤུན་སྨུག་པོ་ཅན་གྱི་སྒོག་པ་འདེབས་འཛུགས་བྱེད་པ་དང་། དཔེ་སྟོན་སྣེ་ཁྲིད་དང་ལག་རྩལ་རོགས་སྐྱོར་ལ་བརྟེན་ནས་ཕྱུག་འགྱུར་གྱི་ལམ་དུ་བསྐྱོད་པ་རེད། ད་ལོར་སྡེ་བའི་མཉམ་ལས་ཁང་གིས་ཚོད་ལྟའི་ཚུལ་དུ་སྒོག་པ་མུའུ་20འདེབས་འཛུགས་བྱས་ཤིང་། མུའུ་རེའི་ཐོན་ཚད་རྒྱ་མ་500ལྷག་ལ་སླེབས་པ་རེད།།