རྟ་མགྲིན་དབང་ཕྱུག་ལགས་ནི། 1974ལོར་རྨ་ཆུའི་དངུལ་རྭ་ལྷ་སྡེར་སྐྱེས། 1995ལོ་དང1996ལོར་ཀྲུང་གོའི་དམངས་སྲོལ་པར་ལེན་མཁན་མཐུན་ཚོགས་དང་ཀན་ལྷོ་ཁུལ་པར་ལེན་མཁན་མཐུན་ཚོགས་སུ་ཞུགས། 1998ལོར་གཙོས་དགེ་ཐོན་ཆེད་གཉེར་སློབ་གྲྭ་ནས་སློབ་མཐར་ཕྱིན་ཅིང་། དེ་ནས་དགེ་རྒན་དང་སྲིད་འཛིན་གྱི་བྱ་བ་གཉེར། ཁོ་པ་ན་རེ། ཆུང་ངུའི་དུས་ནས་ཕ་ཡུལ་གངས་ལྗོངས་ཀྱི་རི་མཛེས་པོ་དང་ཆུ་དྭངས་མོ། སྲོལ་མཚར་པོ། མི་སྨུག་པོ་དག་རི་མོའི་གཟུགས་སུ་འཕབ་འདོད་ཅིག་སྐྱེས་ལ། ལས་ཞོར་དུ་གང་དུ་སོང་ཡང་པར་ཆས་ཤིག་འཛིན་པ་ནི་དམིགས་ཡུལ་དེ་ག་འགྲུབ་བྱེད་ཙམ་ལས་སྒྲོབ་ཉམས་སྟོན་པ་ནི་ཡེ་ནས་མ་ཡིན་ནོ། །