ཞིང་ཆེན་སྐད་ཡིག་ཨུ་ཡོན་ལྷན་ཚོགས་ཀྱི་བཀོད་སྒྲིག་ལྟར། དཀར་མཛེས་རང་ཁུལ་གྱིས་2018ལོའི་ལོ་མགོ་ནས་རིགས་གཉིས་པའི་གྲོང་ཁྱེར་དང་ཁུལ་རང་གི་སྐད་དང་ཡི་གེའི་ལས་ཀ་དེ་ཞིང་ཆེན་རིམ་པའི་ལྟ་སྐུལ་སློབ་སྟོན་དཔྱད་དཔོག་གིས་ཞིབ་བཤེར་རྩིས་ལེན་བྱེད་རྒྱུ་ཡིན་པ་རེད། དཀར་མཛེས་ཁུལ་གྱིས་སྐད་དང་ཡི་གེའི་ལས་ཀའི་ཁྲོད་ཀྱི་རིམ་པ་ཞན་པའི་རིགས་དག་ལ་རོགས་པ་བྱེད་ཐུབ་པ་དང་།གནད་དོན་དག་བཅོས་བྱེད་ཐུབ་པ་མ་ཟད་དེ་ལ་ལྟ་སྐུལ་སློབ་སྟོན་བྱེད་ཐུབ་པའི་ཆེད་དུ། ཟླ་12པའི་ཚེས་26ཉིན། ཞིང་ཆེན་སྲིད་གཞུང་གི་གཞུང་ལས་ཐིང་གི་སྐོར་ཞིབ་པ་གཞོན་པ། རྒྱལ་ཁབ་རིམ་པའི་ཚོད་ལེན་པ་ལུའུ་ཞིན་དབྱང་འཁོར་དང་བཅས་པའི་ཆེད་མཁས་རུ་ཁག་དག་དཀར་མཛེས་ཁུལ་དུ་ཡོང་ནས་རིགས་གཉིས་པའི་གྲོང་ཁྱེར་གྱི་སྐད་དང་ཡི་གེའི་ལས་ཀའི་སྐོར་ལ་ལྟ་སྐུལ་སློབ་སྟོན་སྤེལ་ཡོད་པ་མ་ཟད། ལྟ་སྐུལ་སློབ་སྟོན་གྱི་དཔྱད་དཔོག་ཚོགས་འདུ་བསྡུས་པ་རེད།
        ཆེད་མཁས་རུ་ཁག་འཁོར་དང་བཅས་པས་སྙན་ཞུ་ལ་ཉན་པ་དང་རྒྱུ་ཆ་ལ་བལྟ་བ། གོ་རིམ་ལ་བལྟ་བ། བཞུགས་མོལ་ཚོགས་འདུ་འཚོགས་པ།ངེས་མེད་དུ་འདྲི་རྟོག་བྱེད་པ་སོགས་ཀྱི་རྣམཔ་སྤྱད་ནས་སྔོན་རྗེས་སུ་རང་ཁུལ་གྱི་ལས་ཁུངས་དགུ་ལ་དཔྱད་དཔོག་བརྟག་དཔྱད་བྱས་ཡོད་པ་རེད།
        ཚོགས་ཐོག་ཏུ་ཁུལ་སློབ་གསོ་ཅུས་ཀྱི་འགན་ལེན་པས་རང་ཁུལ་གྱི་སྐད་དང་ཡི་གེའི་ལས་ཀ་སྤེལ་བའི་གནས་ཚུལ་དག་ཆེད་མཁས་རུ་ཁག་ལ་སྙན་ཞུ་བྱས་པ་རེད། ལུའུ་ཕིན་དབྱང་གིས་ཅི་འདྲ་བྱས་ནས་སྐད་དང་ཡི་གེའི་ལས་ཀ་དེ་སྤེལ་དགོས་པའི་སྐོར་ནས་བླང་བྱ་འགའ་བསྟན། ལུའུ་ཕིན་དབྱང་གིས་རང་ཁུལ་གྱིས་གམ་གང་མདུན་སྤོ་སྒོས་སྐད་དང་ཡི་གེའི་གལ་ཆེའི་རང་བཞིན་དེ་ལ་ངོས་འཛིན་གསལ་པོ་ཡོང་བར་ཤུགས་ཇེ་ཆེར་འགྲོ་བའི་རེ་བ་ཡོད་པ་དང་། 
        ནམ་ཡིན་ཡང་སྐད་དང་ཡི་གེ་དེ་ནི་ཀྲུང་ཧྭ་མི་རིགས་འཕེལ་རྒྱས་འགྲོ་བཞིན་པའི་ལོ་རྒྱུས་ཀྱི་ནང་དུ་གྲུབ་ཆའི་གལ་ཆེན་ཞིག་ཡིན་པའི་བསམ་བཞིགས་བྱས་ནས་ཕྱོགས་ཡོངས་ནས་རྒྱལ་ཁབ་ཀྱི་སྤྱི་སྐད་དང་ཡི་གེའི་ཁྲིམས་ལུགས་དང་མི་རིགས་ས་ཁུལ་གྱི་རང་སྐྱོང་ཁུལ་ཞེས་པ་ལག་ལེན་དོན་འཁྱོལ་ཡོང་བར་བྱེད་པའི་ལས་ཀའི་ནང་དུ་དོ་དམ་བྱེད་པ། རིགས་སོ་སོའི་མི་དམངས་དག་མཐུན་སྒྲིལ་འབད་པ་བྱེད་པ་མངོན་དུ་འགྱུར་བ་བྱེད་པའི་ནང་དུ་འཇོག་པ། མཉམ་དུ་ཕུན་སུམ་ཚོགས་པའི་སྒོ་ནས་འཕེལ་རྒྱས་འགྲོ་བའི་འོས་འགན་ནང་དུ་བསྐུལ་འདེད་བྱེད་པ།གམ་གང་མདུན་སྤོ་སྒོས་དེང་རབས་གསར་པའི་སྐད་དང་ཡི་གེའི་ལས་དོན་འཕེལ་རྒྱས་ཀྱི་འོས་འགན་ཡོས་པ་དང་། འགན་འཁུར་ཡོད་པ་བྱེད་དགོས་པ་བསྟན།
        ཚོགས་ཐོག་ཏུ་ཁུལ་སྲིད་གཞུང་གི་སྲིད་དཔོན་གཞོན་པ་ཁུལ་སྐད་དང་ཡི་གེ་ལས་ཀའི་ཨུ་ཡོན་གྱི་ཀྲུའུ་རིན་ཁྲིན་ཅིན་གྱིས་ཆེད་མཁས་རུ་ཁག་ལ་ངོ་སྤྲོད་ཀྱི་ཚུལ་དུ་གསུང་བཤད་གནང་ཡོད་པ་རེད། ཁྲིན་ཅིན་གྱིས་བསྟན་དོན། ཁུལ་གྱི་སྐད་དང་ཡི་གེའི་ཨུ་ཡོན་ལྷན་ཚོགས་ཀྱི་ལས་ཁུངས་ཀྱིས་བསམ་བློ་གཅིག་གྱུར་བྱས་ནས་འདུ་ཤེས་གསལ་པོ་ཡོད་པ་དང་སྐད་དང་ཡི་གེའི་ལས་ཀ་ཤུགས་བསྣན་བྱེད་པར་འོས་འགན་ཡོད་པ་བྱ་དགོས། གམ་གང་མདུན་སྤོ་སྒོས་སྐད་དང་ཡི་གེའི་ཁྲིམས་ལུགས་ཁྲིམས་སྲོལ་དག་དང་མཐུན་སྦྱོར་བྱེད་ཅི་ཐུབ་བྱས་ནས་སྤྱི་སྐད་བཤད་པར་ཤུགས་བསྣན་དང་ཚད་ལྡན་གྱི་ཡིག་ཚུགས་འབྲི་རྒྱུའི་རང་ཚུགས་དང་འོས་འགན་གྱི་བསམ་པ་ཡོད་པར་བྱས་ནས་སྐད་དང་ཡི་གེའི་ལས་ཀ་དེ་སྐས་རིམ་གསར་པ་ཞིག་ཏུ་བགྲོད་ཐུབ་པར་བྱ་དགོས། གལ་གནད་འབུར་དུ་ཐོན་པ་དང་གྲ་སྒྲིག་ལྷུག་པོར་བྱས་ནས་སྐད་དང་ཡི་གེའི་ལས་ཀ་དེ་ཡག་པོ་ཡོང་བར་འབད་པ་བྱེད་དགོས་ལ་སྐད་དང་ཡི་གེའི་ཁྲིམས་ལུགས་ཁྲིམས་སྲོལ་སྤེལ་བ་དང་། སྲིད་ཇུས་དང་ཐབས་ཤེས་བཟང་པོ་ཡོད་པར་བྱ་དགོས། ཚད་མཐུན་ཚད་ལྡན་དང་རྨང་གཞིའི་ཤེས་བྱ་དུས་བསྟུན་གྱིས་དྲིལ་བསྒྲགས་བྱེད་པ་བྱས་ནས་རྒྱ་ཆེ་བའི་སྤྱི་ཚོགས་ཀྱི་ཚོགས་མི་ཡོངས་ཀྱིས་ཤེས་པར་བྱ་དགོས། གོ་སྐབས་དེ་དམ་དུ་འཛིན་ནས་མུ་མཐུད་དུ་དཔྱད་དཔོག་དེ་ཞིབ་བཤེར་ཚད་ལེན་བྱེད་དུས་བདེ་ལེགས་ངང་ལེགས་འགྲུབ་ཡོང་ཐུབ་པར་འགན་ལེན་བྱ་དགོས། དཔྱད་དཔོག་ཞིབ་བཤེར་ཚད་ལེན་ནང་གི་གནད་དོན་ཡར་ཞུ་དེ་ལ་གཞིགས་ནས་ནན་ཏན་གྱིས་རིགས་བཀར་ནས་ཞིབ་མོ་སྒོས་ལེགས་སྒྲིག་བྱེད་པའི་ཇུས་གཞི་གཏན་འཁེལ་བྱེད་པ་དང་རེ་རེ་བཞིན་ཐབས་དང་ལྡན་པར་བྱེད་ཐུབ་པ་བྱ་དགོས།  
        དུས་དང་བསྟུན་པའི་སྒོ་ནས་ཚད་མཐོན་པོའི་སྒོ་ནས་གནད་དོན་ཡོད་པ་དག་ལ་གོ་རིམ་དང་ལྡན་པའི་སྒོ་ནས་ལེགས་སྒྲིག་དེ་ལག་ལེན་དོན་ཐོག་ཏུ་འཁྱོལ་བར་བྱ་དགོས། ཆེད་མཁས་རུ་ཁག་གི་ཆེད་མཁས་པས་ད་དུང་ཚོགས་ཞུགས་མི་སྣ་དག་ལ་ལྟ་སྐུལ་སློབ་སྟོན་གྱི་དཔྱད་དཔོག་གསོ་སྦྱོང་བྱས་པ་རེད།།