ཤིན་ཧྭ་དྲ་བའི་འཕྲིན། ཀྲུང་དབྱང་གིས་གཅིག་གྱུར་བཀོད་སྒྲིག་གཞིར་བཟུང་ནས་ཉེ་ཆར་ཀྲུང་དབྱང་སྐོར་ཞིབ་ཚོགས་ཆུང་དགུ་པ་སི་ཁྲོན་དུ་འབྱོར་ནས་སྐོར་ཞིབ་ལས་དོན་སྤེལ། སྤྱི་ཟླ་7པའི་ཚེས་29ཉིན། ཀྲུང་དབྱང་སྐོར་ཞིབ་ཚོགས་ཆུང་དགུ་པས་སི་ཁྲོན་གྱི་ལས་དོན་ལ་སྐོར་ཞིབ་བྱེད་པའི་སྐུལ་སློང་ཚོགས་ཆེན་འཚོགས་ཏེ་སྐོར་ཞིབ་ལས་དོན་ཁག་བཀོད་སྒྲིག་གནང་།

ཤེས་རྟོགས་བྱུང་བ་ལྟར་ན། ཀྲུང་དབྱང་སྐོར་ཞིབ་ཚོགས་ཆུང་གིས་སི་ཁྲོན་དུ་ཟླ་གཉིས་རིང་ལས་དོན་བསྒྲུབ་རྒྱུ་ཡིན་ཞིང་། སྐོར་ཞིབ་བྱེད་རིང་（ཟླ་7པའི་ཚེས་28ཉིན་ནས་ཟླ་9པའི་ཚེས་28ཉིན་བར།）ཆེད་དམིགས་ལས་རེས་ཁ་པར་028-87306832དང་། ཆེད་དམིགས་སྦྲག་སྲིད་ཡིག་སྒམ་སྟེ་ཁྲེན་ཏུའུ་གྲོང་ཁྱེར་ཡིག་སྒམ་ཨང་8པ།  སྦྲག་ཨང་610030བཅས་བཙུགས་ཡོད།  སྐོར་ཞིབ་ཚོགས་ཆུང་གིས་ཉིན་ལྟར་ཁ་པར་བདག་སྤྲོད་བྱེད་པའི་དུས་ཚོད་ནི་ཞོགས་པའི་ཆུ་ཚོད་བརྒྱད་ནས་དགོང་མོའི་ཆུ་ཚོད་བརྒྱད་པའི་བར་རེད།