ཟླ་1པོའི་ཚེས་23ཉིན། སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོའི་གསར་འགྱུར་ཡོངས་བསྒྲགས་ཚོགས་འདུའི་སྟེང་ཤེས་རྟོགས་བྱུང་བར་གཞིགས་ན། ཞིང་ཆེན་སྐབས་བཅུ་གསུམ་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོ་ཚེས་26ནས་ཟླ་2པོའི་ཚེས་1ཉིན་བར་ཁྲེང་ཏུའུ་གྲོང་ཁྱེར་ཅིན་ཅང་ཚོགས་ཁང་ཆེན་མོར་གཟབ་རྒྱས་ངང་འཚོག་རྒྱུ་རེད། 
        ཐེངས་འདིའི་གྲོས་ཚོགས་སྟེང་ཞིང་ཆེན་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་དང་། ཞིང་ཆེན་སྲིད་གཞུང་། ཞིང་ཆེན་ཁྲིམས་ཁང་། ཞིང་ཆེན་ཞིབ་དཔྱོད་ཁང་དང་འཆར་གཞི་སྔོན་རྩིས་བཅས་སྙན་ཞུ་6ལ་འདྲི་དཔྱོད་བྱ་རྒྱུ་ཡིན་ལ། གྲོས་ཚོགས་ཀྱིས་ད་དུང་སྐབས་གསར་པའི་ཞིང་ཆེན་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཚོགས་དང་། ཆེད་དམིགས་ཨུ་ཡོན་ལྷན་ཚོགས། ཞིང་ཆེན་མི་དམངས་སྲིད་གཞུང་གི་འགོ་ཁྲིད། ཞིང་ཆེན་ལྟ་ཞིབ་ཨུ་ཡོན་ལྷན་ཁང་། ཞིང་ཆེན་མི་དམངས་ཁྲིམས་ཁང་། ཞིང་ཆེན་མི་དམངས་ཞིབ་དཔྱོད་ཁང་བཅས་ཀྱི་འགན་ཁུར་བློ་མཐུན་གཙོ་བོ་བཅས་འདེམས་བསྐོ་བྱ་རྒྱུ་ཡིན་ལ། སི་ཁྲོན་ཞིང་ཆེན་སྐབས་བཅུ་གསུམ་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོར་ཞུགས་པའི་འཐུས་མིའང་འདེམས་བསྐོ་བྱ་རྒྱུ་རེད། །