ཧུང་ཡོན་དང་གཟི་གསེར་གནམ་གྲུ་ཐང་།

红原机场和九黄机场

ཁྱེད་རང་གངས་རིའི་རྩྭ་ཐང་ལ་ཡོང་ཞིང་རྩྭ་ཐང་གི་རྟ་མཆོག་ལ་རླུང་གི་གཤོག་པ་སྤྲད་དེ་གངས་རིའི་དབུ་རྩེར་བསྐྱོད་བསམས་ན། བདག་གིས་ཁྱེད་ལ་གནས་འདིར་ཕེབས་བྱེད་ཀྱི་གཤོག་པ་ཞིག་ངོ་སྤྲོད་བྱས་ཆོག ཁྱེད་རང་གངས་ཀྱི་རི་བོའི་ཕ་རོལ་ཏུ་བརྒལ་ཞིང་ཕ་རོལ་གྱི་ངོ་མཚར་ལ་སེམས་པ་ཀླན་ཏེ་ལྐོག་གྱུར་གྱི་འཇིག་རྟེན་འགྲིམ་བསམ་ན། བདག་གིས་ཁྱེད་ལ་གངས་རི་བརྒལ་བྱེད་ཀྱི་གཤོག་པ་ཞིག་ངོ་སྤྲོད་བྱས་ཆོག
དེ་ནི་རྔ་བ་ཁུལ་གཟི་གསེར་གནམ་གྲུ་ཐང་དང་ཧུང་ཡོན་གནམ་གྲུ་ཐང་གི་གནམ་གྲུ་མ་ཡིན་ནམ། རྔ་བ་ཁུལ་ཧུང་ཡོན་རྫོང་གི་གནམ་གྲུ་ཐང་ནི་སི་ཁྲོན་ཞིང་ཆེན་རྔ་བ་ཁུལ་ཧུང་ཡོན་་རྫོང་ཁོངས་སུ་ཡོད་ལ། རྔ་བ་ཁུལ་གྱི་སྲིད་འཛིན་ལྟེ་གནས་འབར་ཁམས་གྲོང་ཁྱེར་ནས་སྤྱི་ལེ་128གྱི་མཚམས་སུ་ཡོད་པ་དང་ཧུང་ཡོན་རྫོང་མཁར་ནས་སྤྱི་ལེ་48ཀྱི་མཚམས་སུ་ཡོད། མཚོ་འཕགས་སྨི་3535ཡོད་པའི་མཐོ་སྒང་གི་གནམ་གྲུ་ཐང་ཤིག་ཡིན།
གཟི་གསེར་གནམ་གྲུ་ཐང་ནི་ཀྲུང་གོའི་རྒྱལ་ནང་གི་ལྗོངས་སྐོར་གནམ་གྲུ་ཐང་ཤིག་ཡིན་ལ། སི་ཁྲོན་རྔ་བ་ཁུལ་གྱི་ཟུང་ཆུ་རྫོང་ཁོངས་ཀྱི་གཙོ་ཚང་དགོན་གྲོང་རྡལ་ནས་བྱང་ཕྱོགས་སུ་སྤྱི་ལེ་12ཡི་མཚམས་སུ་ཡོད་པས། གཙོ་ཚང་དགོན་གནམ་གྲུ་ཐང་ཡང་ཟེར། འདི་ནི་རྔ་བ་ཁུལ་གྱི་གནམ་གྲུ་ཐང་ཐོག་མ་ཡིན་ཡང་ཡིན། གནམ་ཐང་འདི་ནས་གསེར་མཚོའི་མཛེས་ལྗོངས་ཁུལ་བར་སྤྱི་ལེ་60ཡོད་པ་དང་གཟི་ཚ་སྡེ་དགུའི་གཞུང་ལམ་བར་སྤྱི་ལེ་88ཡོད་པས། གཟི་ཚ་སྡེ་དགུ་དང་གསེར་མཚོའི་ལྗོངས་ཁུལ་གྱི་འགྲིམ་འགྲུལ་འབྲེལ་མཚམས་སུ་གཏོགས། 2002ལོའི་ཟླ་3པར་དངོས་སུ་ལས་འགོ་བརྩམས་ཏེ་2003ལོའི་ཟླ་9པའི་ཚེས་28ཉིན་ཤར་གཏོང་བྱས། གནམ་གྲུ་ཐང་འདི་ཉིད་མཚོ་འཕགས་སྨི་448ཡི་མཚམས་སུ་གནས་པས་ཀྲུང་གོའི་མཐོ་སྒང་གི་གནམ་གྲུ་ཐང་ཆེན་པོ་བརྒྱད་ཀྱི་གྲས་ཀྱང་ཡིན།
གཟི་གསེར་གནམ་གྲུ་ཐང་བསྐྲུན་པ་ཡིས་ཡུལ་སྐོར་བ་རྣམས་མཐོན་པོའི་རི་དང་ཀྱ་ཀྱུའི་ལམ་ཐག་བརྒྱུད་ངལ་དུབ་ངང་ཡོང་དགོས་པའི་ལོ་རྒྱུས་མཇུག་སྒྲིལ་བར་བྱས་ཏེ། སྐད་ཅིག་གི་དུས་ལ་རང་བྱུང་ཁམས་ཆེན་པོའི་བརྩེ་བ་དང་ཞི་འཇམ་སེམས་ཀྱིས་འཐུང་ཆོག་པར་མ་ཟད། གཟི་གསེར་གནམ་གྲུ་ཐང་བསྐྲུན་པ་འདིས་གཟི་ཚ་སྡེ་དགུ་དང་གསེར་མཚོའི་ལྗོངས་སྐོར་ལས་རིགས་ཀྱི་འགྱུར་ལྡོག་ལ་རྣམ་པ་གསར་བ་ཞིག་བསྣན་པ་ཡིན། རྔ་བའི་ཧུང་ཡོན་གནམ་གྲུ་ཐང་ཤར་གཏོང་བྱས་པ་ཡིས་རྔ་བ་ཁུལ་གྱི་ལྗོངས་སྐོར་ཁྲོམ་རའི་འཕེལ་རྒྱས་ལ་ནུས་ཤུགས་ཆེན་པོས་སྐུལ་འདེད་བཏང་ཡོད་ལ། ཁྱད་པར་དུ་ཧུང་ཡོན་དང་མཛོད་དགེ་སོགས་རྩྭ་ཐང་ལྗོངས་སྐོར་གྱི་འཕེལ་རྒྱས་ལ་སྐུལ་འདེད་བཏང་། །

2014ལོར་ཧུང་ཡོན་གནམ་གྲུ་ཐང་གི་མཁའ་ལམ་ཤར་གཏོང་བྱས་པ་དང་འདི་ནི་རྒྱལ་ནང་གི་ལྗོངས་སྐོར་ལམ་ཐིག་གཙོ་བོར་བཟུང་པའི་མཁའ་ལམ་ཡིན་པ་དང་གཟི་གསེར་གནམ་གྲུ་ཐང་རྗེས་ཀྱི་རྔ་བ་ཁུལ་གྱི་གནམ་གྲུ་ཐང་གཉིས་པ་དེ་ཡང་ཡིན། ས་སྒང་རིལ་མོའི་མཁའ་ལམ་དུ་འཕུར་བའི་གནམ་གྲུ་ག་ཚོད་ཡོད་པ་བདག་གིས་མི་ཤེས་ཡང་། ཁྱུང་མཆུ་རྩྭ་ཐང་གི་མཁའ་དབྱིངས་སུ་ལྡིང་སྐོར་བྱེད་པའི་གཤོག་པ་འདི་མཐོང་དུས་དེ་ནི་ཧུང་ཡོན་གནམ་གྲུ་ཡིན་ངེས་ཤིང་། གཟི་གསེར་གནམ་གྲུ་ཐང་གི་གནམ་གྲུས་ཡང་མཁའ་དབྱིངས་ཀྱི་སྤྲིན་རིམ་དང་རླུང་ཤུགས་ཀྱི་གནོན་ཤུགས་འོག་ཏུ་ཐེགས་པར་དཀའ་བའི་དུས་རབས་དང་རྔ་བའི་སྤྱི་ཚོགས་ཀྱི་རྡོག་ཁྲེས་ཁུར་ནས་ལོ་ངོ་བཅོ་ལྔའི་རིང་ལ་འདིར་འགྲོ་མྱངས་པའི་འགྲུལ་སྐྱོད་པ་རེ་རེའི་སེམས་སུ་འོད་དུ་འཚེར་ཡོད། །