སྤྱི་ཟླ་9པའི་ཚེས་17ཉིན་ནས་ཚེས་18ཉིན་གྱི་བར། དཀར་མཛེས་ཁུལ་བོད་ཀྱི་ཡིག་གཟུགས་འབྲི་རྩལ་སྐོར་གྱི་བགྲོ་གླེང་ཚོགས་འདུ་དར་མདོར་འཚོགས།

               ཐེངས་འདིའི་ཚོགས་འདུར་དཀར་མཛེས་ཁུལ་བོད་ཀྱི་ཡིག་གཟུགས་མཐུན་ཚོགས་ཀྱི་ཚོགས་མི་དང་ཁུལ་ཡོངས་ཀྱི་སློབ་གྲྭ་ཆེ་འབྲིང་དང་ནང་བསྟན་སློབ་གླིང་། དེ་བཞིན་རྫོང་སོ་སོའི་དམངས་ཁྲོད་ཀྱི་བྲིས་པ་སོགས་མི་20ལྷག་ཞུགས་ཤིང་། ཉིན་གཉིས་རིང་ལ་བྲིས་མཁན་སོ་སོས་བྲིས་ཀྱི་བཤད་པ་དང་ཤོག་བུའི་བཀོལ་ལུགས། སྨྱུ་གུའི་སྤྱོད་སྟངས། མཐའ་ཤན་རྒྱག་ལུགས། རང་རང་གི་བྲིས་ཀྱི་ཉམས་མྱོང་དང་འབྲེལ་བའི་མྱོང་ཚོར་ལྷུག་བརྗོད་དང་ཕན་ཚུན་བགྲོ་གླེང་སོགས་བྱས། དེ་བཞིན་སྨྱན་བྱད་ནུས་མང་བཀོལ་ཏེ་བོད་ཀྱི་བྲིས་རྙིང་དང་མཛེས་བྲིས་སོགས་བྲིས་གཟུགས་སྣ་མང་གི་བརྙན་པར་བཏང་ནས་བོད་ཀྱི་ཡིག་གཟུགས་ལ་ཐུན་མིན་གྱི་ཁྱད་ཆོད་ལྡན་ཞིང་། འབྲི་རྩལ་འབུམ་གྱིས་ཕྱུག་པར་བསྟན།