ཉེ་བའི་ལོ་ཤས་རིང་། ལྷ་ས་གྲོང་ཁྱེར་གྱིས“ཁོར་ཡུག་ཡག་པོ་ལྡན་པའི་གྲོང་ཁྱེར་བཙུགས་རྒྱུའི་”འཐབ་ཇུས་ལ་གཞིགས་ནས། ལྷ་ས་སྐྱིད་ཆུའི་ཕྱོགས་བསྡུས་བཅོས་སྐྱོང་དང་ཁྱད་ལྡན་བར་སྟོངས་བཟོ་བསྐྲུན་ལ་མུ་མཐུད་ཤུགས་སྣོན་རྒྱབ་ནས། ལྷ་ས་སྐྱིད་ཆུའི་སྣོ་བཅུད་ཀྱི་རིན་ཐང་དང་རིག་གནས་ཀྱི་རིན་ཐང་མངོན་གསལ་དོད་པོ་ཡོང་བ་བྱས་པ་དང་། ས་ཁོངས་ཀྱི་ཁྱད་ཆོས་དང་མི་རིགས་ཀྱི་ཁྱད་ཆོས་དང་མཐུན་ཞིང་། དུས་རབ་ཀྱི་ཁྱད་ཆོས་ལྡན་པའི་གྲོང་ཁྱེར་གྱི་རྣམ་པའི་བར་སྟོངས་མ་ལག་ཞིག་གཏོད་པ་དང་། སྔར་ལས་ལྷག་པའི་སྒོ་ནས་གྲོང་ཁྱེར་གྱི་བར་སྟོངས་ཆགས་སྟངས་དང་གྲོང་ཁྱེར་གྱི་ཁོར་ཡུག་ལེགས་སུ་བཏང་ནས། ལྷ་སའི་གྲོང་ཁྱེར་འཛུགས་སྐྲུན་གྱི་སྤུས་ཀ་དང་ཆུ་ཚད་མུ་མཐུད་མཐོ་རུ་བཏང་ཡོད་པ་རེད།
