གཙོ་ངོས།>> གསར་འགྱུར།>>བོད་ཁུལ་གཞན་དག

རྩོམ་སྒྲིག་པ།ཡོང་ཁུངས།མི་དམངས་དྲ་བ། སྤེལ་དུས། ༢༠༡༩ལོའི་ཟླ་བ་༠༥ཚེས་༣༡ཉིན།

བོད་ལྗོངས་ནག་ཆུར་དབྱར་རྩྭ་དགུན་འབུ་འཐུ་བའི་དུས་སུ་སླེབས་པ།

     ཟླ་5ཚེས་28ཉིན། དབྱར་རྩྭ་དགུན་འབུ་ནི་རྩ་ཆེའི་གསོ་བཅུད་ལྡན་པའི་སྨན་རྩྭ་ཞིག་རེད། དེར་“གསེར་མཉེན་པོ་”ཞེས་འབོད་སྲོལ་ཡོད་ཅིང་། རྒྱ་མཚོའི་ངོས་ལས་ས་བབས་མཐོ་ཚད་སྨི་3500ནས་སྨི་5000བར་གྱི་མཚོ་བོད་ས་མཐོར་གཙོ་གནད་ཐོག་ཁྱབ་ཡོད། གསར་འགོད་པས་བོད་རང་སྐྱོང་ལྗོངས་ཀྱི་དབྱར་རྩྭ་དགུན་འབུའི་མཐུན་ཚོགས་ནས་ཤེས་རྟོགས་བྱུང་གསལ། བོད་ལྗོངས་ཀྱི་དབྱར་རྩྭ་དགུན་འབུ་ཐོན་ཡུལ་གཙོ་བོའི་གྲས་ཤིག་ཡིན་པའི་ནག་ཆུ་གྲོང་ཁྱེར་ལ་ཉེ་དུས་དབྱར་རྩྭ་དགུན་འབུ་འཐུ་བའི་དུས་ཚིགས་ཤར་ཡོད།
    དེ་སྔ་ནས་བོད་ལྗོངས་དང་ནང་སའི་དབར་འགྲོ་འོང་བྱ་སའི་ལམ་གཙོ་བོ་དེ་ཡིན་པ་དང་།  ལྷག་པར་དུ་ས་གནས་དེ་ག་ནས་ཐོནཔའི་སྤུས་ལེགས་ཀྱི་དབྱར་རྩྭ་དགུན་འབུ་ནི་རྒྱལ་ཁབ་ཕྱི་ནང་གང་སར་སྐད་གྲགས་ཆེ་བས། རྒྱལ་ཁབ་ཕྱི་ནང་གི་ཚོང་པས་དགའ་པོ་བྱེད་ཀྱི་ཡོད།  ས་གནས་དེར་ལོ་ལྟར་གྱི་ཟླ་8པའི་སྔ་རྗེས་སུ་སྤེལ་བའི་“བོད་ལྗོངས་བྱང་ཐང་གྱི་འཆར་ཅན་རྟ་རྒྱུག་སྒྱུ་རྩལ་དུས་ཆེན་ ”སྐབས་སུ། དབྱར་རྩྭ་དགུན་འབུ་ཐོན་ཡུལ་གཙོ་བོའི་རྫོང་དང་།  དབྱར་རྩྭ་དགུན་འབུ་ཚོང་གཉེར་བྱེད་མཁན་དུད་ཁྱིམ་ཆེན་པོ་གདན་ཞུ་བྱས་ཏེ་དབྱར་རྩྭ་དགུན་འབུའི་སྤུས་ཚད་དཔྱད་བསྡུར་དང་། “ནག་ཆུའི་སྤུས་ལེགས་ཀྱི་དབྱར་རྩྭ་དགུན་འབུའི་རྒྱལ་པོ”བདམས་ཀྱི་ཡོད་པ་རེད།
     ལོ་མང་རིང་དབྱར་རྩྭ་དགུན་འབུ་ཚོང་གཉེར་བྱེད་མཁན་ནག་ཆུ་གྲོང་ཁྱེར་འབྲི་རུ་རྫོང་དུ་སྐྱེ་བའི་ཀུན་དགར་བསྟུན་མར་“ནག་ཆུའི་སྤུས་ལེགས་ཀྱི་དབྱར་རྩྭ་དགུན་འབུའི་རྒྱལ་པོ”དང་།  ནག་ཆུ་གྲོང་ཁྱེར་འབྲི་རུ་རྫོང་གི་“དབྱར་རྩྭ་དགུན་འབུའི་རྒྱ་ཚད་མང་ཤོས་""དབྱར་རྩྭ་དགུན་འབུའི་རྡོག་ཆེ་ཤོས་"སོགས་ཀྱི་མཚན་སྙན་ཐོབ་མྱོང་ཡོད་པ་མ་ཟད། ད་དུང་ནག་ཆུ་གྲོང་ཁྱེར་ན་ཤུལ་དབྱར་རྩྭ་དགུན་འབུའི་ཚོང་དོན་ཚད་ཡོད་ཀུང་སི་གཉེར་ནས་ཁེ་ལས་མཁས་ཅན་ཞིག་ཏུ་གྱུར་ཡོད་པ་རེད།
     ལོ་རེར་ཆ་སྙོམས་མི་དམངས་ཤོག་སྒོར་དུང་ཕྱུར་2ཀྱི་ཕྱིར་ཚོང་བསྡོམས་འབོར་གྱིས་ཀུན་དགའ་ཕྱུག་པོ་ཆགས་ཡོད་ལ།   གང་སར་སྐད་གྲགས་ཆེ་བའི་“དབྱར་རྩྭ་དགུན་འབུའི་རྒྱལ་པོར་"གྱུར་ཡོད། ཡིན་ནའང་། འབྲི་རུ་རྫོང་ཟླ་ཐང་ཤང་རྒྱལ་ནང་གྲོང་ཚོའི་ཞིང་འབྲོག་པ་ཚོའི་མིག་ནང་སྔོན་ཆད་གྲོང་ཚོ་དེའི་ཀྲུའུ་རེན་གྱི་འགན་ཁུར་མྱོང་བའི་ཁོང་ད་དུང་ཚང་མར་རོགས་རམ་བྱས་ནས་ཕྱུག་པོའི་ལམ་དུ་ཁྲིད་མཁན་ཞིག་ཀྱང་ཡིན་པ་རེད།
     ནག་ཆུ་གྲོང་ཁྱེར་གྱི་དབྱར་རྩྭ་དགུན་འབུ་ཐོན་ཡུལ་གྱི་རྫོང་ཞིག་ཡིན་པའི་ཆ་ནས། ཕུན་སུམ་ཚོགས་པའི་དབྱར་རྩྭ་དགུན་འབུའི་ཐོན་ཁུངས་ནི་འབྲི་རུ་རྫོང་གི་ཞིང་འབྲོག་མང་ཚོགས་ཀྱི་ཡོང་འབབ་ཀྱི་ཡོང་ཁུངས་གཙོ་བོ་ཞིག་ཡིན། ཡིན་ནའང་། གྲངས་འབོར་དང་། ཚོང་གཉེར་ལམ་བུ། རིན་གོང་རྒྱག་པའི་ནུས་པ་བཅས་ཐད་ཀྱི་ཚོད་འཛིན་ཕོག་པའི་གནས་ཚུལ་ལས་ཞིང་འབྲོག་མང་ཚོགས་རྐྱང་པར་ཐོབ་དགོས་ངེས་ཀྱི་ཕན་པ་ཐོབ་ཐུབ་ཀྱི་མེད།
     ལོ་མང་རིང་བསགས་པའི་ཡིད་རྟོན་ལ་བརྟེན་ནས། ཀུན་དགས་ཉེ་འཁོར་གྱི་ཞིང་འབྲོག་མང་ཚོགས་ཀྱི་ལག་ནས་དབྱར་རྩྭ་དགུན་འབུ་གཅིག་བསྡུས་བྱས་ཏེ་ཕྱིར་ཚོང་བྱེད་པ་དང་། རིན་གོང་དེ་བས་མཐོ་བ་རག་པའི་འབད་བརྩོན་བྱེད་པ་དང་ཆབས་ཅིག་ཚང་མས་བློ་རྩེ་གཅིག་ཏུ་གཞོལ་ནས་དབྱར་རྩྭ་དགུན་འབུ་འཐུ་བའི་ཆེད་དུ་ཡིན། དབྱར་རྩྭ་དགུན་འབུ་འཐུ་བའི་དུས་ཚིགས་མ་ཤར་གོང་། ཞིང་འབྲོག་མང་ཚོགས་ཁག་གཅིག་གིས་དབྱར་རྩྭ་དགུན་འབུ་འཐུ་བའི་ལག་ཆ་སོགས་འབྲེལ་ཡོད་འགྲོ་སོང་བཏང་ཐུབ་ཀྱི་མེད་པས་ཀུན་དགས་སྐྱེད་ཀ་མེད་པའི་དངུལ་བུན་གཏོང་གི་ཡོད།

     ད་ཆ་ནག་ཆུ་གྲོང་ཁྱེར་གྱི་སྐབས་གསར་པའི་དབྱར་རྩྭ་དགུན་འབུ་འཐུ་བའི་དུས་ཚིགས་འགོ་ཚུགས་པ་དང་། ཟླ་ཐང་ཤང་རྒྱལ་ནང་གྲོང་ཚོའི་ཞིང་འབྲོག་མང་ཚོགས་ཀྱིས། ད་ལོ་འཐུ་བའི་དབྱར་རྩྭ་དགུན་འབུ་སྔར་བཞིན་ཀུན་དགར་ཕྱིར་ཚོང་བྱེད་དུ་འཇུག་རྒྱུ་ཡིན། “ཁོང་ནི་ང་ཚོའི་‘དབྱར་རྩྭ་དགུན་འབུའི་རྒྱལ་པོ’རེད་ལ།”དེ་བས་ཀྱང་རྒྱབ་རྟེན་བཅོལ་ཆོག་པའི་ཕྱུག་འགྱུར་སྣེ་ཁྲིད་པ་ཞིག་ཀྱང་ཡིན་པ་རེད་ཅེས་བརྗོད།



39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1