གཙོ་ངོས།>> གསར་འགྱུར།>>བོད་འབྲེལ་ས་ཁུལ།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༡༠ཚེས་༡༦ཉིན།

སྙན་ངག་པ་འཇུ་སྐལ་བཟང་གིས་ལྷོ་ནུབ་མི་རིགས་སློབ་ཆེན་ནས་༼སྙན་ངག་ཡང་གསལ་སྣང་མཛོད་དང་དེའི་གསར་གཏོད་ཀྱི་ལག་ལེན་ལ་དཔྱད་པ༽ཞེས་པའི་རིག་གཞུང་འཆད་ཁྲིད་གནང་།

             སྤྱི་ཟླ་10པའི་ཚེས་15ཉིན་གྱི་ཕྱི་དྲོར། བོད་ཀྱི་སྙན་ངག་པ་གྲགས་ཅན་འཇུ་སྐལ་བཟང་གིས་རྗེ་དམུ་དགེ་བསམ་གཏན་རྒྱ་མཚོས་མཛད་པའི་༼སྙན་ངག་ཡང་གསལ་སྣང་མཛོད་དང་དེའི་གསར་གཏོད་ཀྱི་ལག་ལེན་ལ་དཔྱད་པ༽ཞེས་པའི་ཁ་བྱང་ཐོག་རིག་གཞུང་འཆད་ཁྲིད་གནང་ཞིང་། ༼སྙན་ངག་ཡང་གསལ་སྣང་མཛོད༽ནི་སྙན་ངག་དང་མངོན་བརྗོད། སྡེབ་སྦྱོར་རིག་པ་སོགས་གཞི་གཅིག་གི་ཕྱོགས་བསྡུས་རང་བཞིན་གྱི་རྩོམ་རིག་གཞུང་ལུགས་ཤིག་ཡིན་ལ། འཆད་ཁྲིད་གནང་སར་སློབ་གྲྭའི་དགེ་སློབ་དང་དེ་མིན་སྤྱི་ཚོགས་ཐོག་གི་སྙན་ངག་ལ་དགའ་མོས་ཡོད་མཁན་མང་པོ་ཞིག་སླེབས་ནས་ནན་ཏན་གྱིས་ཁོང་གི་འཆད་འཁྲིད་ལ་ཉན་ཡོད།


            སྙན་ངག་པ་འཇུ་སྐལ་བཟང་གིས་ཕྱོགས་ཡོངས་ནས་སློབ་གཉེར་དང་གཟབ་ནན་གྱིས་ཞིབ་འཇུག་བྱས་པར་བརྟེན་ཞིབ་འཇུག་གི་གྲུབ་འབྲས་ལེགས་པོ་ཐོབ་ཡོད་པ་མ་ཟད། དེ་དག་རང་ཉིད་ཀྱི་གསར་རྩོམ་ལག་ལེན་ལ་བེད་སྤྱོད་བྱས་ཡོད། ཁོང་གིས་འཆད་འཁྲིད་གནང་ཚར་རྗེས་སློབ་གླིང་གི་འགོ་ཁྲིད་ཀྱིས་ཁོང་ལ་གདན་ཞུའི་དགེ་རྒན་གྱི་ཐོབ་ཐང་འཛིན་ཡིག་སྤྲད་ཡོད། །


39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1