གཙོ་ངོས།>> ཁྲིམས་ལུགས།>>ཁྲིམས་ལུགས་ཤེས་བྱ།

བསོད་ནམས་ཆོས་དར། རྩོམ་སྒྲིག་པ།ཡོང་ཁུངས།ངེད་དྲ་བ། སྤེལ་དུས། ༢༠༡༩ལོའི་ཟླ་བ་༡༡ཚེས་༢༡ཉིན།

༄༅།། སྤྱོད་ལམ་དང་ཁྲིམས་ལུགས།

        འགྲོ་བ་མིའི་ཚོགས་པ་འདི་འགྱུར་ལྡོག་དང་འཕེལ་རྒྱས་ཀྱི་ཁྲོད་དུ། ཡུལ་དུས་ཀྱི་དབང་གིས་རིག་གནས་འདྲ་མིན་ཞིག་དར་མྱོང་ལ། རིམ་བཞིན་རིག་གནས་དེ་དག་གི་དབང་གིས་མིའི་བློ་ངོར་ཡག་བཙོག་དང་འགྲིག་མིན་གྱི་རྣམ་བཞག་ཅིག་ཀྱང་རིམ་གྱིས་ཆགས་པ་རེད། དེ་བས་མི་མང་ཕྱོགས་ཀྱི་བློ་ངོར་བབས་པའམ་ཁས་ལེན་ཐོབ་པའི་བྱ་བ་དང་སྤྱོད་པ་ལ་སྤྱིའི་ཆ་ནས་ལེགས་པའི་ཐ་སྙད་འདི་སྦྱར་བའི་གོམས་སྲོལ་དེའང་ཆགས་དགོས་པ་དུས་སམ་ལོ་རྒྱུས་ཀྱི་དགོངས་པ་འབའ་ཞིག་ཏུ་གྲུབ་ཡོད།
        སྤྱིར་བཏང་དུ་སྤྱོད་ལམ་ཞེས་པ་དེ་ནི་ང་ཚོར་སྔོན་ནས་གོ་ཐོས་ཡོད་པ་ལྟར་འགྲོ་འདུག་ཉལ་འཆག་གི་བྱ་བ་ལ་གོ་བ་རེད། རགས་པའམ་སྤྱིའི་ཆ་ནས་བལྟས་ན་འདི་ལ་མ་འགྲིག་པ་ཆེར་མེད་སྙམ་ལ། སྤྱི་ཚོགས་གང་ཞིག་གི་འགྲོ་འདུག་ཉལ་འཆག་གི་གོམས་གཤིས་ལ་མ་མཐུན་ན་དེ་ནི་བྱ་ལོག་