དཀར་མཛེས་བོད་རིགས་རང་སྐྱོང་ཁུལ་བཙུགས་ནས་ལོ70ཡི་རིང་ལ་ཏང་གི་མི་རིགས་སྲིད་ཇུས་ཀྱི་འོད་སྟོང་འཕྲོ་བ་དང་དུས་རབས་གསར་པའི་ཏང་གི་སྲིད་སྐྱོང་ཐབས་ཇུས་ཀྱི་ཡང་དག་པའི་སྣེ་ཁྲིད་འོག་གནམ་ས་བླ་འོག་བསྒྱུར་བ་ལྟ་བུའི་འགྱུར་ལྡོག་བྱུང་བ་རེད།

   ཁུལ་བཙུགས་ནས་ལོ70འཁོར་བར་རྟེན་འབྲེལ་ཞུ་བའི་ལས་ཀ་ཡག་པོ་སྒྲུབ་ཆེད། དར་མདོ་གྲོང་ཁྱེར་གྱི་གྲོང་ཁུལ་དུ་དུས་སྟོན་བསུ་བའི་ཁྱད་ཆོས་ཅན་གྱི་འཇིམ་རྐོས་དང་མེ་ཏོག་སྣ་ཚོགས། སྐར་ལྔའི་དར་དམར་སོགས་བཟོ་དབྱིབས་འདྲ་མིན་དང་ཁྲ་ཚོན་སྣ་ལྔས་ཀུན་ནས་བརྒྱན་པ་རེད།

        དར་མདོ་གྲོང་ཁྱེར་དྲིལ་བསྒྲགས་པུའུ་ཡི་པུའུ་ཀྲང་ལིའུ་དབྱིན་གྱིས་ངོ་སྤྲོད་བྱས་པར་གཞིགས་ན། ཁུལ་བཙུགས་ནས་ལོ70འཁོར་བའི་རྟེན་འབྲེལ་མཛད་སྒོར་བསུ་མ་ཞུ་ཆེད། དར་མདོ་གྲོང་ཁྱེར་གྱིས་ཁྱོན་བསྡོམས་འཇིམ་རྐོས6ཇུས་འགོད་བྱས་ཏེ། དེ་དག་གཡག་རྔ་ནས་དར་རྩེ་མདོ་བར་གྱི་མྱུར་བགྲོད་གཞུང་ལམ་གྱི་འཇུག་སྒོ་དང་། རྒྱ་ཡུལ་ལྟག་སྒོའི་ཐང་ཆེན། དར་མདོ་གྲོང་གསར་སོགས་སུ་སྒྲིག་སྦྱོར་བྱས་ཡོད། དེའི་ནང་མཚོན་བྱེད་རང་བཞིན་གྱི་འཇིམ་རྐོས3མཛའ་གཞས་ཐང་ཆེན་དང་། སྐལ་བཟང་མེ་ཏོག་མགྲོན་ཁང་། དར་མདོ་གྲོང་གསར་བཅས་སོ་སོར་བཞག་ཡོད་པ་རེད།